San Mateo 23:4 - DIOSPA QHELQACHISQ

⁴ Paykunaqa runakunaman kamachisqakunata junt'anankutapuni nispa, mana oqhariy atina llasa q'epita jina q'epiriykuchinku. Chaywanpis paykuna ni ruk'anankutapis kuyurichinkuchu oqhariyta yanaparinankupaj.

Qheshwa Biblia DC

⁴ Llasa q'epista, mana oqhariy atinasta, runasman q'epirichinku; paykunataj mana dedollankuwampis chay q'epista kuyurichinkuchu.

DIOSPA QHELQACHISQAN DEUTEROCANONICAL

⁴ Paykunaqa runakunaman kamachisqakunata junt'anankutapuni nispa, mana oqhariy atina llasa q'epita jina q'epiriykuchinku. Chaywanpis paykuna ni ruk'anankutapis kuyurichinkuchu oqhariyta yanaparinankupaj.

Quechua South Bolivia: Dios Parlapawanchej

⁴ Paycunaka yachachinasnincuta llasa k'epistajina waj runaspaj waquichincu. Chaytataj camachincu runasta ruwanancuta k'epistajina k'epirichispa. Paycunarí chay camachiskasnincuta ni casojllapis churacuncuchu. Nitaj runaspa k'episnincuta uj dedowanjinallapis yanapaj churacuncuchu.

San Mateo 23:4 Referans Kwoze

San Lucas 11:46

Jesustajrí kuticherqa: Ay qankunamantapis, Diospa kamachisqanmanta yachachejkuna. Qankuna may chhika kamachisqakunata yachachispa, mana apay atina q'epita jina runaman q'epirichinkichej. Chaywanpis mana ruk'anaykichejllawanpis chaykunata oqhariysiyta munankichejchu.

Hechos 15:10

Jina kajtenqa, imaraykutaj kunan qankunaqa Diospa contranpi sayaykunkichejri? Qankunataj Jesusta qhatikoj mana judiokunaman llasa q'epita jina Moisespa kamachisqankunata q'epirichiyta munankichej. Chay kamachisqakunataqa mana ñawpa tatanchejkuna, nitaj noqanchejpis junt'ayta aterqanchejchu, icharí?

Gálatas 6:13

Circuncidasqa kajkunapis Moisespa kamachisqanta tukuyninta mana junt'ayta atinkuchu. Chaywanpis circuncidachikunaykichejta munanku, chayta ruwachisusqaykichejmanta paykuna jatunchakunankupaj.

San Mateo 23:23

Ay qankunamanta, puraj uya fariseokuna, Diospa kamachisqanmanta yachachejkuna ima. Qankunaqa sapa chunkamanta ujta Diosman qonkichej mentamanta, anismanta, cominomanta ima. Chaywanpis kamachisqakunamanta aswan kuraj kajtarí mana kasunkichejchu. Chaykuna kanku: Cheqan kay, khuyapayakoj kay, jinallataj Diosta mana wasanchay ima. Chay kuraj kamachisqakunataqa ruwanaykichejpuni tiyan, mana chay ujkunata qonqaspa.

Apocalipsis 2:24

Chaywanpis Tiatira llajtapi iglesiamanta wakinman kayta niykichej: Qankunaqa Jezabelpa yachachisqanta mana jap'ikorqankichejchu. Manallataj jap'ikunkichejchu ukhu yachachiykuna nisqata, mayqenchus Kuraj Supaypa yachachisqan kashan, chayta. Chayrayku manaña waj imakunatawan ruwanaykichejta mañasqaykichejchu.

Hechos 15:28

Santo Espirituman, noqaykumanpis kayqa allin rijch'awayku: Noqaykoqa Moisespa kamachisqantaqa mana llasa q'epita jina qankunaman q'epirichiyta munaykuchu. Manachayqa kayllata junt'anaykichejta munayku:

Isaías 46:1

Bel diosqa k'umpuykukun. Nebo diospis pampaman wijch'ukun. Chay lantikunaqa burropi chajnasqa rinku, llasa q'epita apajkunataj kharkatitinku llasa kasqankurayku.

San Mateo 23:3

Chayrayku imatachá yachachisunkichej, chayta kasuspa, ruwaychej. Chaywanpis ama paykuna jina kaychejchu, imaraykuchus imatachus yachachisqankuta mana ruwankuchu.

1 Juan 5:3

Diosta munakusqanchejmanta yachayta qonchej maypachachus kamachisqankunata junt'anchej, chaypacha, kamachisqankunata junt'aytaj atina jinallamin.