San Mateo 22:13 - DIOSPA QHELQACHISQ

¹³ Jinapi kuraj kamachejqa kamachinkunata nisqa: Kay runataqa chakin, makin watasqata jawa laqhaman wijch'uychej, maypichus waqay, kiru k'arukuytaj kanqa, chayman, nispa.

Qheshwa Biblia DC

¹³ Reytaj kamachisninman nerqa: Chakin makin watasqata jawa laqhaman wijch'uychej; chaypitaj waqay, kiru k'arukuytaj kanqa.

DIOSPA QHELQACHISQAN DEUTEROCANONICAL

¹³ Jinapi kuraj kamachejqa kamachinkunata nisqa: Kay runataqa chakin, makin watasqata jawa laqhaman wijch'uychej, maypichus waqay, kiru k'arukuytaj kanqa, chayman, nispa.

Quechua South Bolivia: Dios Parlapawanchej

¹³ Chanta camachejka casamientopi yanapajcunata nerka: “Chay runata chaquisninta maquisninta wataycuspa uqhu pacha lakhaman wijch'uychej. Chaypi phutiywan wakay, quiru c'arcucuypis muchunan canka”.

San Mateo 22:13 Referans Kwoze

San Mateo 8:12

Pikunachus Diospa janaj pacha kamachiyninpi kananku karqa chaykunarí, jawa laqhaman wijch'usqa kanqanku, maypichus manchay waqay, kiru k'arukuytaj kanqa, chayman, nispa.

San Mateo 25:30

Chantá kay ni imapaj allin kamachitaqa jawa laqhaman wijch'uychej, maypichus waqay, kiru k'arukuytaj kanqa, chayman.

2 Pedro 2:17

Chay yachachejkunaqa ch'aki pujyu jina kanku, sinch'i wayraj apaykachasqan phuyu jinataj. Paykunapajrí aswan tuti laqhayay wiñaypaj wakichisqa kashan.

2 Pedro 2:4

Diosqa wakin juchallikoj angelkunaj juchankuta mana pampacharqachu. Aswanpis paykunata ukhu pachaman wijch'uykorqa, tuti laqhapi wisq'asqa kanankupaj juzgasqa kananku p'unchay chayamunankama.

2 Tesalonicenses 1:9

Paykunataj wiñaypaj ñak'arichisqa kanqanku. Jinataj Tukuyta Kamachej Jesuspa ñawpaqenmanta, chantá jatun atiyninpa lliphipiyninmanta ima wijch'usqa kallanqankutaj.

San Lucas 13:28

Chaypachamá waqayqa, kiru k'arukuypis kanqa, imaraykuchus Dios kamachishajtin, chaypi qankuna Abrahamta, Isaacta, Jacobta, Diosmanta tukuy sut'inchajkunata ima rikunkichej. Qankunarí jawaman wijch'usqa kankichej.

San Mateo 24:51

Chayamuspataj, patronqa chay mayordomota sinch'ita jasut'iytawan, puraj uyakunatawan khuska wijch'onqa, maypichus waqay, kiru k'arukuytaj kanqa, chayman, nispa. Ajinata Jesús yachacherqa.

San Mateo 13:50

Chantá juchasapakunata lawrashaj hornoman wijch'uykonqanku, chaypitaj manchay waqay, kiru k'arukuytaj kanqa, nispa. Ajinata Jesús rijch'anachinawan yachacherqa.

San Mateo 13:42

Angelkunataj lawrashaj hornoman paykunata wijch'uykonqanku, chaypitaj manchay waqay, kiru k'arukuytaj kanqa.

Apocalipsis 21:27

Chaymanqa mana ni ima ch'ichi kajpis yaykonqachu, nitaj millayta ruwajkuna, ni llullakojkunapis. Manachayqa Corderoj kawsay p'anqanpi listasqa kajkunalla yaykonqanku.

Judas 1:13

Jinallataj imaynatachus mama qochaj qhollchoqeyasqan phosoqota wijch'un, ajinallatataj paykunapis p'enqay millay ruwasqankuta sut'iman orqhonku. Jinallataj paykuna mana ñanniyoj purej ch'askakuna jina kanku. Chaywanpis paykunapaj wiñaypaj tuti laqhayay wakichisqa kashan.

Judas 1:6

Jinallataj wakin angelkunapis Tata Dios qosqan kamachinapaj atiyta mana waqaychasqankuchu. Manachayqa maynejmanchus churasqa karqanku, paykuna chayta saqesqanku. Diostajrí chay angelkunata tuti laqhayaypi wiñaypaj wisq'aykusqa, jatun juicio p'unchaypi juchachasqa kanankupaj.

Hechos 7:54

Jatun Juntapi kajkunaqa Estebanpa parlasqanta uyarispa, maytapuni phiñarikorqanku, maqanankupaj jinataj qhawarqanku.

San Mateo 13:30

Aswanpis wiñajta saqellaychej poqoy oqharinakama. Trigo ruthunaña kajtintaj, noqa ruthojkunaman nisaj: Cizañataraj ñawpajta pallaychej, marq'a marq'ata wataraspa ruphachinapaj. Chaymantataj trigota ruthuspa, pirwayman waqaychamuychej, nispa.

San Mateo 12:29

Chayrí imaynatataj pipis kallpasapa runaj wasinman yaykuyta atinman, kapuyninta qhechoj, manachus ñawpajta chay runata wataykunmanraj chayqa? Chay runata wataykusparajpuni, pipis paypa wasinpi kaj chhikata suwakapunman.

Isaías 52:1

Sión llajta, rijch'ariy, rijch'arikuy, kallpachakuytaj. Diospa ajllakusqan Jerusalén llajta, sumaj k'achitu p'achaykita churakullayña, imaraykuchus millayta ruwajkuna, Tata Diosta mana manchachikojkuna ima punkuykinejta manaña yaykumusonqankuchu.

Salmos 112:10

Millayta ruwaj runarí chayta rikuspa, phiñarikonqa, mana imata ruwayta atispataj, kirunta k'arurakuspa tukukonqa. Millayta ruwajkunaj munasqankoqa chinkachisqa kanqa.

Salmos 37:12

Millayta ruwaspa purejqa cheqan runaj contranpi mana allin ruwayta wakichikun, chejnikuspataj, rikuyta mana atinchu.

Hechos 21:11

Jinapi pay watukoj jamuwarqayku. Chantá Pabloj chumpinta oqhariytawan, Agaboqa chakinta, makintawan wataykukuspa, nerqa: Kay jinata Santo Espíritu nin: Jerusalenpi judiokunaqa ajinata kay chumpiyojta watanqanku, chaymantataj mana judío kajkunaman payta jaywaykonqanku, nispa.

San Juan 21:18

Kayta sut'ita niyki: Waynallaraj kashaspaqa, qan chumpillikoj kanki, munasqaykiman jinataj purej kanki. Machuña kaspatajrí, makiykita oqharinki, wajtaj p'achaykita churasonqa, maymanchus mana munasqaykimantaj pusasonqa, nispa.

Daniel (hebreo) 3:20

Kamachillarqataj astawan wapu soldadonkunaqa Sadracta, Mesacta, Abednegotawan wataykuspa, sumaj parichisqa hornoman wijch'uykunankuta.