San Mateo 21:10 - DIOSPA QHELQACHISQ

¹⁰ Jesús Jerusalenman yaykusqantawan, tukuy llajtantin maytapuni aywirispa, ch'ajwasharqanku, taporqankutaj: Pitaj kayri? nispa.

Qheshwa Biblia DC

¹⁰ Jerusalenman Jesús yaykusqantawantaj, tukuy llajtantin maytapuni aywirispa qhollpikorqanku. Pitaj kayri?, nispa.

DIOSPA QHELQACHISQAN DEUTEROCANONICAL

¹⁰ Jesús Jerusalenman yaykusqantawan, tukuy llajtantin maytapuni aywirispa, ch'ajwasharqanku, taporqankutaj: Pitaj kayri? nispa.

Quechua South Bolivia: Dios Parlapawanchej

¹⁰ Jesús Jerusalén llajtaman yaycojtin tucuy chay llajtapi tiyacoj runas mayta jataririspa mayta t'ucorkancu. Tapunacusharkancutaj: —Cay runa ¿pitaj canman?

San Mateo 21:10 Referans Kwoze

Hechos 9:5

Chantá Saulo taporqa: Wiraqochi, pitaj kankiri? nispa. Parlamojtaj kuticherqa: Noqa Jesús kani, pitachus qan qhatiykachashanki, chay. Manamin allinchu qanpajqa buey jina ayjonpa puntanta jayt'anaykeqa, icharí? nispa.

San Lucas 9:9

Herodestajrí nerqa: Noqaqa Juanpa umanta qholucherqani. Kay runarí pitaj kanmanri, chay jinatapuni kay imakunata paymanta uyarinaypajri? nispa. Chayrayku Herodesqa Jesusta rikuytapuni munasharqa.

San Lucas 7:49

Jesuswan khuska mikhojkunarí paykunapura ninakuyta qallarerqanku: Pitaj kay runa kanman juchatapis pampachananpajri? nispa.

San Lucas 5:21

Chantá Diospa kamachisqanmanta yachachejkuna, fariseokunawan ima paykuna ukhupi unanchaspa, nisharqanku: Kay runaqa pi kasqantataj yuyakunri, ajinata Diospa contranta rimananpajri? Dioslla juchata pampachayta atin, nispa.

Isaías 63:1

Pitaj Edom suyumanta jamushanri? Pitaj Bosra llajtamanta jamushan puka p'achayojri? Pitaj sumaj p'achallisqa atiyniyoj thaskejri? Chaymin noqa Tata Dios kani, pichus qhespichinapaj atiyniyoj kaspa, atipanaytapuni willani, chay.

TAKIYKUNA 3:6

Imataj jaqayri, ch'innejmanta q'oshñi jina rikhurimushan chayri? Imataj mirrawan, inciensowan, tukuy ima sumaj q'apaykunawan q'aparishaj jamushanri?

1 Samuel 16:4

Samueltaj Tata Diospa kamachisqanta kikinta ruwarqa. Belenman chayashajtinñaqa, chay llajtamanta kurajkuna uj chhika mancharisqa taripaj llojsimuspa, Samuelta taporqanku: Allin sonqowanchu jamushawayku? nispa.

Rut 1:19

Ajinaqa iskayninku Belén llajtaman chayanankukama rillarqankupuni. Belenman chayajtinku, tukuynin llajtapi runakuna mayta qhollpikorqanku paykunata rikuspa. Warmikunataj tapunarikorqanku: Manachu kayqa Noemí? nispa.

San Juan 2:18

Chaywanpis judiokunaj kurajninkunaqa Jesusta taporqanku: Kayta ruwanaykita pitaj kamachisorqari? Dioschus kamachisorqa chayqa, runaj mana jayk'aj rikusqan t'ukunata ruway ari, yachanaykupaj, nispa.

San Lucas 20:2

Jesustataj nerqanku: Niwayku ari: Ima atiywantaj kaykunata ruwankiri? Chayrí, pitaj atiyta qosorqa kay imakunata ruwanaykipaj? nispa.

San Mateo 2:3

Kuraj kamachej Herodesrí chayta uyarispa, mancharikorqa, jinallataj Jerusalenpi tukuy kajkunapis.

San Mateo 21:9

Chantá Jesuspa ñawpaqenta rejkuna, qhepanta jamojkuna ima qhaparisharqanku: Davidpa Churin jatunchasqa kachun. Tukuyta Kamachej Diospa sutinpi jamojta jatunchaychej. Qhespichej Dios janaj pachapipis jatunchasqa kachun, nispa.

San Mateo 21:11

Jesuswan jamoj runakunataj kuticherqanku: Kayqa Diosmanta sut'inchaj Jesús. Payqa Galileamanta, Nazaret llajtayoj, nispa.