San Mateo 2:13 - DIOSPA QHELQACHISQ

¹³ Yachaysapa runakuna ripusqankumantaña, Diospa angelnenqa Joseman mosqoypi rikhurispa, nerqa: Sayariy, wawata, mamantawan pusariykukuspa, Egipto suyuman ayqey. Chaypitaj qhepakunki, noqa ujtawan willasunaykama, imaraykuchus Herodesqa wawata wañuchinanpaj mask'anqa, nispa.

Qheshwa Biblia DC

¹³ Yachaysapa runas ripusqankumanta, Señorpa angelnin Joseman rikhurerqa mosqoypi, nerqataj: Jatarikuy, wawata mamantawan pusarikuspa, ayqey Egipto jallp'aman. Chaypitaj qhepakunki noqa ujtawan willasunaykama. Herodesqa wawata mask'anqa wañuchinampaj.

DIOSPA QHELQACHISQAN DEUTEROCANONICAL

¹³ Yachaysapa runakuna ripusqankumantaña, Diospa angelnenqa Joseman mosqoypi rikhurispa, nerqa: Sayariy, wawata, mamantawan pusariykukuspa, Egipto suyuman ayqey. Chaypitaj qhepakunki, noqa ujtawan willasunaykama, imaraykuchus Herodesqa wawata wañuchinanpaj mask'anqa, nispa.

Quechua South Bolivia: Dios Parlapawanchej

¹³ Yachaysapa runas ripuskancuwantaj Dios uj willaj angelta cachamorka. Joseman moskoyninpi riqhurimuspataj nerka: —Jataricuy. Wawitata, Wawaj mamantawan pusaricuspa Egipto jallp'aman aykecuy. Jakaypi tiyacamuy noka willasunaycama. Herodeska masc'aj rishan Wawitata wañuchinanpaj, —nispa.

San Mateo 2:13 Referans Kwoze

Hechos 12:11

Jinapi Pedroqa yuyayninman kutirispa, nerqa: Kunanqa yachani cheqatapuni Tukuyta Kamachej Jesusqa angelninta kachamusqanta Herodespa makinmanta kacharichinawanpaj, jinallataj judiokunaj millay ruwayta munasqankumantawan, nispa.

Hechos 10:7

Chay parlapayaj ángel ripojtinkama, Cornelioqa wajyarqa iskay kamachinkunata, Diosta yupaychaj uj soldadotawan, pichus sumaj yanapajnin karqa, chayta.

Hechos 5:19

Chay tutarí Diospa ujnin kaj angelnin cárcel punkuta kicharispa, Jesuspa kuraj kachankunata jawaman orqhorqa, paykunatataj nerqa:

San Mateo 2:12

Chay yachaysapa runakuna ripunankupaj wakichikushajtinku, Diosqa mosqoypi paykunata nerqa ama Herodesman kutinankuta. Chayrayku waj ñannejta llajtankuman kutiporqanku.

San Mateo 1:20

Joseqa Mariata saqerpayayta yuyashajtintaj, Diospa angelnin payman mosqoypi rikhurispa, nerqa: José, Davidpa ayllunmanta kaj, Mariawan casarakullay, amataj p'enqakuychu, imaraykuchus pay wijsallisqa kashan Santo Espíritoj atiyninnejta.

Éxodo 1:22

Faraontajrí tukuy Egipto llajtayojkunata kamacherqa: Israelitakunaj qhari wawanku paqarejkunamanta tukuyninkuta Nilo mayuman wijch'uychej. Warmi wawakunatatajrí ama imanaychejchu, nispa.

San Mateo 2:16

Herodesqa yachaysapa runakuna payta ch'awkiyasqankuta yachaspa, maytapuni phiñakorqa. Chantá, ch'aska rikhurimusqanmanta yachajkuna willasqankuman jina, Herodesqa soldadonkunata kamacherqa Belén llajtapi, muyuyninpi ima tukuy qhari wawakunata wañurachinankuta iskay watayojmanta uraman.

Job 33:15

Wakin kuteqa ch'isin runaman mosqoypi parlan, chayrí mosqoypi jina, runakuna puñushajtinkuña, sinch'ita puñushajtinku.

Job 33:17

Mana allinta ruwanamanta karunchakunanchejpaj parlawanchej, amataj runaykachananchejpaj.

Josué 4:18

Chantá Tata Diospa arcanta apaj sacerdotekuna Jordán mayumanta llojsimuspa, ch'aki jallp'aman chakinkuta churaykusqankutawankama, mayumanta yakoqa ñawpajta jina wasaykuspa, maychus rinanta riporqa.

Apocalipsis 12:14

Chaywanpis Diosqa warmiman jatun ankaj lijranta qorqa, sierpemanta ayqespa ch'innejman phawananpaj. Chaypitaj pay kinsa wata khuskanniyojta qhawasqa karqa, sierpe ama imanananpaj.

Hechos 16:36

Chantá carcelpi kamachejqa Pabloman willarqa: Juezkuna nichimunku qankuna kacharisqa kanaykichejta. Chayrayku kunanqa allillanta ripuychej, nispa.

Hechos 10:22

Paykunataj kuticherqanku: Capitán Cornelio kachamuwayku. Payqa cheqan runa, Diostataj jatun respetowan qhawan. Judío masiykikunapis payta jatunpaj qhawanku. Chantá Diospa angelnenqa Cornelioman rikhurispa, nerqa qanta wasinman wajyachisunanta, imatachus parlanaykita uyarinanpaj, nispa.

Hechos 7:19

Chay kuraj kamachejtaj ñawpa tatanchejkunata chejnikuspa, manchayta paykunata ñak'aricherqa. Kamacherqataj israelitakuna qhari wawankukunata paqarisqantawankama wijch'unankuta wañunankupaj.

San Mateo 10:23

Sichus mayqen llajtapipis chejnispa qhatiykachasunkichej chayqa, waj llajtamanñataj ayqeychej. Kayta sut'ita niykichej: Manaraj tukuy israelitakunaj llajtankukunapi willayta tukushajtiykichej, ñapis Runaj Churenqa kutimonqaña, nispa.

Josué 3:17

Tukuynin israelitakunaqa Jordán mayuta ch'aki pampata jina chimparqanku. Tata Diospa trato ruwasqan arcata apaj sacerdotekunataj tukuy chimpanankukama mayu chawpipi ch'aki pampapi jina sayarqanku.

Apocalipsis 12:6

Warmitajrí ch'innejman ayqerqa, maypichus Dios paypaj uj cheqata wakichisqa, chayman, chaypi 1.260 p'unchayta payta mikhuchinankupaj.

Josué 4:10

Tata Diospa trato ruwasqan arcata apaj sacerdotekunaqa Jordán mayu chawpipi sayasharqanku, Tata Dios Josueman imatachus kamachisqanta israelitakuna ruwayta tukunankukama. Tukuy imata Moisés Josueman imaynatachus kamachisqanman jina ruwarqanku. Israelitakunataj usqhay usqhayllata mayuta chimparqanku.

Josué 3:13

Tukuy kay pachata kamachej Tata Diospa arcanta apashaj sacerdotekuna Jordán mayupi yakuman saruykojtinkukama, yakoqa iskayman t'aqakonqa. Patamanta jamoj yakoqa qochayaspa jina kikinpi sayanqa, nispa.

Apocalipsis 12:4

Chupanqa janajpi ch'askakuna kinsaman t'aqasqamanta ujnin kaj t'aqata qharastaspa, kay pachaman wijch'uykamorqa. Chantá sierpeqa onqokushaj warmej ñawpaqenpi sayaykorqa, paqarichikojtinkama wawanta oqoykunanpaj.

San Mateo 2:22

Chaywanpis pay uyarerqa Judeapi Arquelao kamachishasqanta tatan Herodespa cuentanmanta. Chayrayku chayman riyta manchachikorqa. Jinapi Dios mosqoypi willasqanrayku, Joseqa Galilea jap'iyman rerqa.

1 Reyes 3:5

Uj ch'isi Tata Diosqa Gabaonpi Salomonman mosqoypi rikhurispa, payta nerqa: Mañakuway imatachus munasqaykita, noqataj qosqayki, nispa.

San Mateo 2:14

Jinallapi José jatariytawankama, wawanta, warmintawan tutapacha pusariykukuspa, Egiptoman riporqa.

Hechos 12:7

Chayllaman Tukuyta Kamachej Jesuspa angelnin rikhurimorqa, chay carcel ukhumantaj k'anchay junt'aykorqa. Angeltaj Pedrota wajtanninpi takaspa, rijch'aricherqa, nerqataj: Usqhayta jatariy, nispa. Jinapi Pedroj makinpi watasqa cadena ujllata phaskarasqa t'akarakorqa.

1 Reyes 11:17

Chaywanpis edomita Hadadqa juch'uyllaraj kashajtin, tatanpa wakin kamachinkunawan Egiptoman ayqekusqa.