San Mateo 2:11 - DIOSPA QHELQACHISQ

¹¹ Wasiman yaykuspataj, wawata, María mamantawan rikorqanku, qonqoriykukuspataj, wawata yupaycharqanku. Chantá, q'epinkumanta imatachus apamusqankuta orqhospa qorita, inciensota, mirratawan ima jaywarqanku.

Qheshwa Biblia DC

¹¹ Wasiman yaykuspataj, wawata, María mamantawan rikorqanku. Chaypitaj qonqoriykukuspa wawata yupaycharqanku. Chantá, q'episninkumanta orqhospa saqeporqanku qorita, inciensota, mirratawan.

DIOSPA QHELQACHISQAN DEUTEROCANONICAL

¹¹ Wasiman yaykuspataj, wawata, María mamantawan rikorqanku, qonqoriykukuspataj, wawata yupaycharqanku. Chantá, q'epinkumanta imatachus apamusqankuta orqhospa qorita, inciensota, mirratawan ima jaywarqanku.

Quechua South Bolivia: Dios Parlapawanchej

¹¹ Paycuna wasiman yaycuspataj Wawitata ricorkancu maman Mariatawan. Konkoricuspataj Jesusta yupaycharkancu. Apaskancuta quicharispa khapaj capuynincuta payman korkancu. Korita, inciensota, k'apayniyoj mirra jampitawan payta yupaychaspa jaywarkancu.

San Mateo 2:11 Referans Kwoze

Isaías 60:6

Madianmanta, Efamantawan ashkha camellokuna cargawan chajnasqa junt'aykamusonqanku. Sabá suyumanta runakunaqa qorita, inciensotawan apamonqanku, Tata Diospa sutintataj maytapuni jatunchanqanku.

Salmos 72:10

Tarsismanta kuraj kamachejkuna, mama qocha kantupi kuraj kamachejkuna ima impuestota pagachunku. Sabamanta, Sebamanta kuraj kamachejkunapis sumaj imakunata apamuspa, kuraj kamachejman waqerichunku.

San Lucas 2:16

Chantá usqhayllata rispa, michejkunaqa Mariata, Josetawan tariparqanku. Jinataj wawata uywa qaranapi sirisqata rikorqanku.

San Mateo 2:2

Chantá tapurikorqanku: Maypitaj kashanman pichus judiokunaj kuraj kamachejnin kananpaj paqarikojri? Kayta niyku, imaraykuchus inti llojsimuynejpi ch'askanta rikorqayku. Chayrayku payta yupaychaj jamuyku, nispa.

Salmos 95:6

Jamuychej, qonqorikuspa yupaychanachej. Tata Diospa ñawpaqenpi qonqorikunachej, imaraykuchus paymin ruwawarqanchej.

Salmos 72:15

Jallalla kuraj kamachejman. Sabamanta qorita payman qochunku. Diosmanta paypaj mañapunallapuni, tukuy p'unchaytaj saminchasqallapuni kachun.

1 Reyes 10:2

Payqa Jerusalenman ashkha runanwan chayamorqa. Camellokunapi chajnaykuspa, sumaj q'apashaj jawinata apamorqa, ashkha qorita, valorniyoj k'acha rumikunatawan. Salomonman chayamuspataj, qoyaqa imatachus sonqonpi yuyarqa, chay tukuyta taporqa.

Números 7:14

Jinallataj qorimanta ruwasqa uj jatun wisllata qollarqataj inciensowan junt'ata. Chaytaj 110 gramo pesarqa.

Apocalipsis 19:10

Chayta ángel nejtin, noqaqa payta yupaychanaypaj chakin chaynejman pampakama k'umuykorqani. Paytajrí niwarqa: Ama chayta ruwaychu. Noqaqa qan jina, chantá Jesuspa nisqanta jap'ikoj wawqe panaykikuna jina Diospa kamachillantaj kani. Qanqa Diosllata yupaychay, imaraykuchus Diosmanta sut'inchajkunaj nisqankoqa, Jesusmanta willanallapajpuni runaj sonqonta aysan, nispa.

San Mateo 14:33

Chaymantataj botepi kajkuna Jesusman qayllaykuspa, k'umuykukorqanku, nerqankutaj: Qanpuni Diospa Churin kanki, nispa.

Apocalipsis 5:8

P'anqata jap'isqantawantaj, chay tawa kawsajkuna, chantá chay iskay chunka tawayoj kurajkuna ima Corderoj ñawpaqenpi pampakama k'umuykorqanku. Sapa ujninku arpata jap'isharqanku, chantá qorimanta copapi inciensowan junt'asqata. Copapi inciensoqa Diospa ajllakusqanpa mañakusqankuwan ninakorqa.

San Lucas 2:38

Simeón Jesuspa tatankunawan parlashajtin, Anaqa chimpaspa, Jesús wawarayku Diosman pachis nerqa. Chaymantapachataj wawa Jesusmanta willarqa, pikunachus Jerusalén llajta qhespichisqa kananta suyasharqanku, chaykunaman.

1 Samuel 10:27

Wakin sajra sonqoyoj runakunarí alqorakuspa jina nerqanku: Kaychu noqanchejta yanapawayta atiwasunman? nispa. Paykunaqa Saulta manakajpaj qhawasqankurayku, mana imallatapis waqerinankupaj aparqankuchu. Chaywanpis Saulqa paykunata mana rikoj tukorqachu.

Números 7:86

Jinallataj chunka iskayniyoj qorimanta ruwasqa jatun wisllakuna karqanku, sapa uj inciensoyojkama. Sapa ujtaj Dioswan Tinkukuna Toldopi chimpu churasqa kasqanman jina, 110 gramo pesarqa. Tukuy wisllakunaqa 1.320 gramo pesarqanku.

Levítico 6:15

15 (8) Ujnin kaj sacerdotetaj ch'aki mikhuy jaywanamanta aceitewan chhapusqa jak'uta uj pojtuta oqharenqa, inciensotawan ima. Chantá altarpi yuyarikuna jaywanata jina q'olachenqa. Chay jaywanaj ima munay q'apaynintaj Tata Diosman chayanqa.

Éxodo 30:34

Chantá Tata Dios Moisesta nillarqataj: Sumaj k'achituta q'apashaj imakunata tantay: Mirra sutiyoj sach'aj waqayninta, yakupi kawsaj ch'uroj waqayninta, gálbano sach'aj waqayninta, chantá sumajnin kaj inciensotawan ima. Sapa ujta chhikakama tantanki.

Génesis 43:11

Chaymanta tatanku Jacob nerqa: Imanasuntaj. Jina kanan kajtenqa, kayta ruwaychej: Kaypi sumajnin kajmanta costalman churaspa, chay runaman jaywarinaykichejpaj apaychej: Uj chhika balsamota, uj chhika abeja misk'ita, sumaj q'apashaj jawinata, mirrata, nuezta, chantá almendrata ima.

Malaquías 1:11

Tukuy kay pachapi runakuna sutiyta jatunpaj qhawanku. Tukuynejpi inciensota noqapaj q'oshñichinku, ofrendatapis maychus qonawankuta qowanku, imaraykuchus suteyqa tukuy suyukunapi manchay uyarisqa. Ajinata noqa Tukuy Atiyniyoj Tata Dios nini.

Salmos 45:8

8 (9) P'achaykeqa canelaman, mirraman, aloeman ima q'aparishan. Marfilwan k'achanchasqa kamachina wasipi kamachiykikuna arpata tocarispa, kusichisunku.

Salmos 2:12

Diosta jatunchaychej, ama phiñakunanpaj, imajtinchus pay askamalla phiñakuspa, qankunata wañuchisunkichejman. Paypi atinikojkunarí kusikuyniyojmin kanqanku.

1 Reyes 10:10

Chantá payqa kuraj kamachej Salomonman 3.960 kilo qorita, ashkha sumaj q'apashaj jawinata, ashkha valorniyoj rumikunatawan qorqa. Mana jayk'ajpis chay chhika sumaj q'apashaj jawinata Israel suyuman apamojchu kanku, kuraj kamachej Salomonman Sabamanta qoya qosqan jinataqa.

Éxodo 30:23

Sumaj k'achituta q'apaj qhorakunata tantay: Sojta kilo sumaj mirrata, kinsa kilo canelata, kinsa kilo jina sumaj k'achituta q'apashaj cañata,

TAKIYKUNA 3:6

Imataj jaqayri, ch'innejmanta q'oshñi jina rikhurimushan chayri? Imataj mirrawan, inciensowan, tukuy ima sumaj q'apaykunawan q'aparishaj jamushanri?

San Mateo 1:18

Jesucristoj paqarikusqan kay jina karqa: María mamanqa mañaqasqa karqa Josewan casarakunanpaj. Chaywanpis manaraj khuska tiyakushajtinku, Mariaqa wijsallisqa rikhurerqa Santo Espíritoj atiyninwan.

San Mateo 2:10

Yachaysapa runakunaqa chay ch'askata rikuspa, maytapuni kusikorqanku.

San Mateo 12:46

Jesús runakunaman parlashajtillanraj, maman, wawqenkuna ima jawapi suyasharqanku, paywan parlayta munaspa.

San Juan 19:39

Nicodemopis jamullarqataj, pichus uj tuta jamuspa Jesusta watukusqa, chay. Payqa kinsa chunka kilo jina mirrata, aloetawan chajrusqata apamorqa.