San Mateo 19:16 - DIOSPA QHELQACHISQ

¹⁶ Chaypacha uj runa Jesusman qayllaykuspa, nerqa: Yachachej Wiraqochíy, ima allin kajtataj ruwasaj wiñay kawsayniyoj kanaypajri? nispa.

Qheshwa Biblia DC

¹⁶ Chaypacha, Jesusman uj runa qayllaykuspa nerqa: [K'acha] Maestro, ima sumaj kajtataj ruwasaj wiñay kausayniyoj kanaypajri?

DIOSPA QHELQACHISQAN DEUTEROCANONICAL

¹⁶ Chaypacha uj runa Jesusman qayllaykuspa, nerqa: Yachachej Wiraqochíy, ima allin kajtataj ruwasaj wiñay kawsayniyoj kanaypajri? nispa.

Quechua South Bolivia: Dios Parlapawanchej

¹⁶ Ajinamanta uj runa Jesusman kayllaycuspa tapurerka: —C'acha Yachachiwajníy ¿ima allin cajtataj ruwanay tiyan wiñay causayniyoj canaypaj?

San Mateo 19:16 Referans Kwoze

Judas 1:21

Chantá Diospa munakuyninpi kallaychejpuni, jinallataj Tukuyta Kamachej Jesucristo wiñay kawsayman pusanawanchej p'unchayta suyaychej, imaraykuchus pay may jinata khuyakuwasunchej.

San Juan 3:15

Ajinamanta paypi tukuy atinikojkuna wiñay kawsayniyoj kanqanku.

1 Juan 5:20

Yachallanchejtaj Diospa Churin jamuspa yuyayta, yachayta ima qowasqanchejta, cheqa kaj Diosman kutirikunanchejpaj. Kunantaj cheqa kaj Dioswan ujchasqa kawsashanchej, imajtinchus Churin Jesucristowan ujchasqa kawsashanchej. Paymin uj k'ata Diosqa, payllataj wiñay kawsayta qon.

1 Juan 1:2

Kawsayta qojmin rikuchikorqa, noqaykutaj payta rikorqayku. Kunantaj rikojkuna jina qankunaman chay wiñay kawsaymanta willayku. Payqa Tata Dioswan karqa, noqaykumantaj rejsichikuwarqayku.

San Mateo 25:46

Chaymantataj paykuna wiñay ñak'ariyman renqanku, cheqan kajta ruwajkunatajrí wiñay kawsayman yaykonqanku, nispa. Ajinata Jesús yachacherqa.

Tito 3:7

Ajinata Dios ruwarqa noqanchej qhasilla k'acha yanapayninnejta cheqan runapaj qhawasqa kaspa, wiñay kawsayta chayaqeta jina jap'iyta suyakunanchejpaj.

1 Juan 2:25

Chaymá chay wiñay kawsayqa, mayqentachus kikin Jesucristo qonawanchejta nerqa, chay.

Tito 1:2

Cheqa kajta yachasqankoqa paykunata yanapan wiñay kawsayniyojña kasqankuta sut'ita yachanankupaj, imaraykuchus mana jayk'aj llullakoj Diosmin chay wiñay kawsayta qonanta nerqa, manaraj kay pacha ruwasqa kashajtin.

1 Timoteo 6:19

Ajinamanta paykuna jamoj p'unchaykunapaj qhapaj kapuyta tantakushanku, ajinapi cheqa kaj kawsaymanta misk'irichikunankupaj.

1 Timoteo 6:12

Jesucristopi atinikuyrayku soldado jina sumajta maqanakuy. Jinataj wiñay kawsaymanta ch'ipakuy, imaraykuchus chaypajmin Dios wajyasorqa ashkha runaj ñawpaqenpi, Cristopi atinikusqaykimanta rimarishajtiyki.

Hechos 16:30

Jawaman orqhomuspataj, paykunata taporqa: Wiraqochikuna, imatataj ruwasaj qhespichisqa kanaypajri? nispa.

Romanos 5:21

Ajinaqa jucha atiyniyoj karqa tukuy runakuna wañuyta rejsinankupaj. Ajinallataj kunanqa Diospa qhasilla k'acha yanapayninpis atiyniyojllataj, runa Diospa ñawpaqenpi cheqanpaj qhawasqa kananpaj. Chantá Jesucristonejta Dioswan allinyachisqa kasqanchejrayku noqanchej wiñay kawsayta jap'inchej.

Romanos 2:7

Allinta ruwaspa mana sayk'ojkunaman Dios wiñay kawsayta qonqa, pikunachus Diospa ñawpaqenpi jatunpaj qhawasqa kayta mask'anku, mana jayk'aj wañuyta ima, chaykunaman.

San Juan 12:25

Pichus noqata kasunawanmanta nisqaqa kawsaynin aswan kasqanta qhawajqa mana wiñay kawsayman yaykonqachu. Pichus kawsayninta mana may kasqanta qhawaspa noqata kasuwan chayrí, payqa wiñay kawsayman yaykonqa.

San Juan 10:28

Noqaqa paykunaman wiñay kawsayta qoni, manataj jayk'ajpis chinkanqankuchu. Makiymantataj paykunata mana pipis qhechuwayta atenqachu.

San Juan 6:68

Chantá Simón Pedro kuticherqa: Wiraqochi, pimantaj riyta atiykumanri? Qanpa parlasqaykeqa wiñay kawsayman pusawayku.

San Juan 6:47

Noqataj kayta sut'ita niykichej: Pichus noqapi atinikojqa wiñay kawsayniyoj.

San Juan 5:39

Qankunaqa Diospa Qhelqachisqanta allin allinta qhawankichej, imaraykuchus qhelqasqapi imatachus nisqannejta wiñay kawsayta tarinaykichejta yuyankichej. Chay qhelqasqarí noqamanta willan.

San Juan 4:14

Noqaj qosqay yakuta ujyajrí manaña jayk'ajpis ujtawan ch'akichikonqachu. Aswanpis noqaj qosqay yakoqa paypi mana ch'akej pujyu jina kanqa, chay yakutaj payman wiñay kawsayta qonqa, nispa.

San Mateo 19:29

Pillapis noqata qhatinawanrayku wasinta saqerparin, wawqenkunata, panankunata, chayrí tatanta, mamanta, warminta, jinallataj wawankunata, jallp'ankunata ima, chay runamanqa Dios pachaj kutita qoponqa, chay runataj wiñay kawsayniyoj kanqa.

Daniel (hebreo) 12:2

Wañusqakunamanta ashkha kawsarimonqanku, ujkunaqa wiñayta kawsanankupaj, wakinkunataj wiñay p'enqaypi, phutiypitaj kanankupaj.

1 Timoteo 1:16

Ajina kashajtiypis, Dios khuyarikuwarqa, ajinamanta Jesucristo noqapiraj jatun paciencianta rikuchinanpaj. Ajinata ruwarqa, pikunachus aswan qhepanejman paymanta jap'ikuspa wiñay kawsayniyoj kananku karqa, chaykunapaj.

San Mateo 19:26

Jesustaj paykunata qhawarispa, nerqa: Runapajqa chay mana atikunchu, Diostajrí tukuy imata ruwayta atin, nispa.

San Mateo 19:15

Chantá Jesús wawakunata Diospa sutinpi saminchaytawan, chaynejmanta riporqa.