San Mateo 18:7 - DIOSPA QHELQACHISQ

⁷ Ay, kay pachapi juchallinaman tanqajkunamanta. Juchallinaman tanqajkunaqa kallanqankupuni. Chaywanpis ay, imapichus tukukonqa, pichus ujkunata juchallinaman tanqajqa.

Qheshwa Biblia DC

⁷ Ay, kay mundopi misk'anasmanta! Misk'anas jamonqankupuni. Ay, jaqay runamanta, piraykuchus misk'ay jamonqa!

DIOSPA QHELQACHISQAN DEUTEROCANONICAL

⁷ Ay, kay pachapi juchallinaman tanqajkunamanta. Juchallinaman tanqajkunaqa kallanqankupuni. Chaywanpis ay, imapichus tukukonqa, pichus ujkunata juchallinaman tanqajqa.

Quechua South Bolivia: Dios Parlapawanchej

⁷ ¡Ay, phutiy ari, cay pacha runaspajka juchaman urmachej imas caskanraycu! Chayjina urmachej imaska cananpuni tiyan. Astawanpis ¡ay, jatun phutiy ari, juchaman urmachej runapajka!

San Mateo 18:7 Referans Kwoze

San Lucas 17:1

Uj kuti Jesusqa yachachisqankunata nerqa: Ashkha imakunanejta runaqa juchallinanpaj tanqasqa kayta atinman. Chaywanpis ay, imallachus kanqa, pichus wajkunata juchallichejqa.

1 Corintios 11:19

Ajinaqa, qankuna ukhupi t'aqaranakuy kananpuni tiyan, yachakunanpaj mayqenkunachus cheqapuni Diospata kasqaykichej.

San Mateo 26:24

Kayta sut'ita niykichej: Runaj Churenqa wañunanpuni tiyan. Chaywanpis, ay, chay runamanta pichus payta wasanchaspa jap'ichin, chaymanta. Allin kanman karqa chay runapaj mana paqarinan, nispa.

Judas 1:4

Chayta niykichej, imaraykuchus wakinkuna iglesiaman mana reparayllata yaykuykamunku. Paykunaqa Dioswan churanakojkuna kanku, imajtinchus Diospa qhasilla k'acha yanapayninta q'ewinku, munasqankuman jina millayta ruwaspa purinankupaj. Chaywanpis paykuna juchachasqa kanankoqa ñawpajmantapachaña nisqa kashan, imaraykuchus Tukuyta Kamachej Jesucristota qhesachanku.

Tito 2:8

Parlaspaqa, cheqan kajtapuni parlay, mana pipis imatapis parlananpaj jina. Ajinata ruwajtiykeqa, contraykipi sayaykojkuna p'enqakonqanku, imaraykuchus noqanchejmanta mana ima mana allintapis niyta atenqankuchu.

Tito 2:5

Yachachillachunkutaj allinta qhawarikuspa purinankuta, llimphu puriyniyoj ima kanankuta. Yachachillachunkutaj wasinkupi imachus ruwana kajta ruwanankuta, k'acha kanankuta, chantá qosankuwan kasukuy sonqo kanankuta ima. Ajinata sipas warmikuna purejtinku, mana pipis Diospa nisqanmanta mana allinta parlanqachu.

1 Timoteo 6:1

Jesucristota qhatejkunamanta wata runakuna patronninkuta jatunpaj qhawachunku, wajkuna ama Diospa sutinmanta nitaj yachachisqanchejmantapis mana allinta parlanankupaj.

Hechos 1:16

Wawqe panakuna, Diospa Qhelqachisqan junt'akunanpuni karqa, imatachus Santo Espiritoqa Davidpa siminnejta Judasmanta nerqa, chay. Yachankichej jina pay runakunata pusarqa Jesusta presochanankupaj.

San Juan 17:12

Kay pachapi paykunawan kashaspaqa, noqa atiyniykiwan paykunata waqaycharqani, pikunatachus qowarqanki, chaykunata. Manataj mayqenpis chinkarqachu, manachayqa chinkananpaj churasqa kajlla, ajinamanta Diospa Qhelqachisqan junt'akunanpaj.

Marcos 13:7

Maypachachus qankuna kaynejpi jaqaynejpi wañuchinakunamanta, maqanakumanta ima parlajta uyarinkichej chayrí, ama mancharikuychejchu. Chay tukuy ima kananpuni tiyan. Chaywanpis manaraj kay pachaj tukukuyninchu kanqa.

2 Samuel 12:14

Chaywanpis Tata Diosta pisipaj qhawasqaykirayku, wawaykeqa wañonqapuni, nispa.

1 Samuel 2:17

Ajinaqa Elíj churinkunaj juchallikusqankoqa Tata Diospa ñawpaqenpi jatun juchapuni karqa, imaraykuchus Tata Diosman qosqa jaywanata manakajpaj qhawarqanku.

Génesis 13:7

Chayrayku Abrampa uywanta michejkuna, chantá Lotpa uywanta michejkunawan ima mayta churanakuspa, maqanakorqanku. Chaypacha chay cheqanejpi cananeokuna, ferezeokuna ima tiyakushallarqankutaj.

San Mateo 16:23

Jesustajrí kutirikuspa, Pedrota nerqa: Riy kaymanta, Supay Satanás. Qanqa mana Diospa munasqanman jinachu yuyashanki, manachayqa runa jinalla, nispa.