San Mateo 18:3 - DIOSPA QHELQACHISQ

³ nerqataj: Kayta sut'ita niykichej: Diosman kutirikunaykichej tiyan kay wawaman jina tukuspa. Manachayqa, Diospa janaj pacha kamachiyninman ni yaykullankichejpischu.

DIOSPA QHELQACHISQAN DEUTEROCANONICAL

³ nerqataj: Kayta sut'ita niykichej: Diosman kutirikunaykichej tiyan kay wawaman jina tukuspa. Manachayqa, Diospa janaj pacha kamachiyninman ni yaykullankichejpischu.

Quechua South Bolivia: Dios Parlapawanchej

³ Nerkataj: —Chekatapuni niyquichej. Diosman cutirinayquichej tiyan cay wawajinaman tucuspa. Manachayrí Dios camachin, chayman manapuni yaycuyta atinquichejchu.

San Mateo 18:3 Referans Kwoze

1 Pedro 2:2

Imaynatachus ñuñoj wawaqa lecheta may jinata munan, ajinallatataj qankunapis mana imawan chhapusqa Diospa simi nisqanta munaychej, chaynejta qhespichisqa kasqaykichejpi runayanaykichejpaj.

San Mateo 19:14

Jesustajrí yachachisqankunata nerqa: Wawakuna noqaman jamojta saqellaychej, amataj jark'aychejchu, imaraykuchus kay wawakuna jina kajkunalla Diospa janaj pacha kamachiyninman yaykonqanku, nispa.

1 Corintios 14:20

Wawqe panakuna, ama wawa jina yuyaychejchu. Mana allin kajllapaj wawa jina kaychej, imatapis qhawanapirí wiñay tukusqa runa jina kaychej.

Salmos 131:2

Astawanpis noqaqa ch'inlla kakushani, ni imamanta llakiyniyoj, mamanpa ojllayninpi chuchuchisqa wawa jina. Sumaj ñuñuchisqa wawa jina kashani.

San Juan 3:5

Chantá Jesús kuticherqa: Sut'ita niyki: Sichus pipis yakumanta, chantá Espiritumanta ima mana paqarin chayqa, Diospa kamachiyninman mana yaykuyta atenqachu.

San Juan 3:3

Jesustajrí kutichispa, nerqa: Kayta sut'ita niyki: Sichus pipis watej mana paqarinmanchu chayqa, Diospa kamachiyninta ni rikullanqapischu, nispa.

San Lucas 13:24

Atisqaykichejta ruwaychej Diospa kamachiyninman k'ullku punkunejta yaykunaykichejpaj, imaraykuchus Diospa kamachiyninman ashkha yaykuyta munanqanku, manataj atenqankuchu.

Hechos 3:19

Chayrayku Diosman kutirikuychej Jesuspi atinikuspa, juchaykichej pampachasqa kananpaj.

Hechos 28:27

Kay runakuna rumi sonqo kanku. Ñak'ayllata uyarinku, ñawinkutataj wisq'anku. Sitajchus ñawinkuwan rikunkuman, ninrinkuwantaj uyarinkuman, chantá sonqonkuwantaj noqaman kutirikamuwankuman chayqa, noqa paykunata qhaliyachiyman, nispa.

San Juan 1:51

Jesús nillarqataj: Kayta sut'ita niykichej: Kunanmanta ñawpajmanqa qankuna janaj pachata kicharisqata rikunkichej, Diospa angelninkunatataj Runaj Churinman urayk'amushajta, wicharishajtataj, nispa.

San Mateo 5:20

Chayrayku qankunata niykichej: Qankuna yuyankichej Diospa kamachisqanmanta yachachejkuna, fariseokunawan ima, cheqan runa kasqankuta. Manachus qankuna paykunamanta aswan cheqan kawsayniyoj kankichej chayrí, janaj pachamanta Diospa kay pachapi kamachiyninman mana yaykunkichejchu.

San Lucas 22:32

Noqarí qanpaj mañapuyki, mana llawch'iyaspa noqapi atinikunaykipaj. Chayrayku maypachachus noqaman kutirimunki chaypacha, wawqe masiykikunata sinch'ita sayanankupaj kallpachay, nispa.

Marcos 4:12

Ñawpa qhelqakunapi kay jinata nin: Qhawashaspapis, mana yachakonqankuchu. Uyarishaspapis, mana entiendenqankuchu. Ajinamanta, Diosman mana kutirikonqankuchu, juchankupis manallataj pampachasqachu kanqa, nispa.

2 Pedro 1:11

Chantá Tukuyta Kamachej Jesucristo Qhespichejninchejpa wiñay kamachiyninman qankuna yaykushajtiykichej, Diosqa may jina kusiywan jap'isonqachej.

Hechos 14:22

Chay llajtakunapitaj paykuna Jesuspi atinikojkunata kallpacharqanku Jesusta qhatikusqankupi sinch'ita sayanankupaj, nerqankutaj: Diospa kamachiyninman yaykunanchejpaj noqanchej tukuy imaynamanta ñak'arinanchejpuni tiyan, nispa.

San Mateo 19:23

Chantá Jesús yachachisqankunata nerqa: Kayta sut'ita niykichej: Qhapaj runaqa ñak'ayllata Diospa janaj pacha kamachiyninman yaykonqa.

San Mateo 13:15

Kay runakunaj sonqonqa rumiyasqa, ninrinkupis lojt'uyachisqa. Ñawinkutapis wisq'allankutaj ama rikunankupaj. Paykunachus ñawinkuwan qhawankuman, ninrinkuwan uyarinkuman, tukuy sonqotaj kutirikamuwankuman chayqa, chaypacha noqaqa paykunata qhaliyachiyman, nispa.

San Mateo 6:16

Ayunaspaqa, ama llakiy uyalla kaychejchu, puraj uya runakuna jina. Paykuna uyankuta uj jinayachinku, runakuna ayunasqankumanta mayta parlanankupaj. Noqatajrí sut'ita niykichej: Ajinata ruwaspa, paykuna chayllata t'inkata jina jap'enqanku.

San Mateo 6:5

Dioswan parlarikuspaqa, ama puraj uya jina kaychejchu. Paykunaqa sayaykukuspa, Dioswan parlarikunku tantakuna wasikunapi, plazaj esquinankunapi ima, runakunawan rikuchikunankupaj. Noqarí kayta sut'ita niykichej: Ajinata ruwaspa, paykuna chayllata t'inkata jina jap'enqanku.

Isaías 6:10

Kay runakunaj sonqonkuta rumiyachiy, ninrinkutapis wisq'aykuy, ñawinkutapis ñawsayachiy. Ajinamanta ñawinkuwan mana rikonqankuchu nitaj ninrinkuwan uyarenqankuchu, manallataj entiendenqankuchu. Ajinamanta mana noqaman kutirikamonqankuchu qhaliyachisqa kanankupaj, nispa.

San Mateo 6:2

Chayrayku qolqeta wajchakunaman qospaqa, ama tukuyman willaychejchu, imaynatachus puraj uya runakuna ruwanku tantakuna wasikunapi, callekunapi ima, ajinata. Paykunaqa runakunawan allinpaj qhawasqa kanallankupaj chayta ruwanku. Noqatajrí kayta sut'ita niykichej: Paykuna ajinata ruwaspa, chayllata t'inkata jina jap'enqanku.

San Mateo 5:18

Chayrayku sut'ita niykichej: Janajpis, kay pachapis kanankamaqa, Diospa kamachisqanmanta mana uj simillapis chinkachisqachu kanqa, aswanpis tukuynin junt'akonqa.

San Mateo 18:2

Chantá Jesús uj wawata wajyaspa, paykunaj chawpinkuman sayaykucherqa,

San Mateo 18:4

Ajina, sichus pipis kay wawa jina k'umuykukoj sonqoyoj kanman chayqa, Diospa janaj pacha kamachiyninpeqa tukuymanta nisqa aswan kurajpaj qhawasqa kanqa.