San Mateo 17:5 - DIOSPA QHELQACHISQ

⁵ Ajinata Pedro parlashajtillanraj, ujllata k'ancharishaj uj phuyu paykunata p'ampaykorqa, chay phuyu ukhumantataj Dios nimorqa: Kaymin munasqa Chureyqa, ajllakusqaytaj. Paywan sonqo junt'asqa kani, chayrayku payta uyariychej, nispa.

Qheshwa Biblia DC

⁵ Ajinata Pedro parlashajtillanraj, ujllata k'ancharishaj phuyu paykunata pakaykorqa. Chay phuyu ukhumantataj uj voz nimorqa: Kaymin munasqa Chureyqa, paywan ancha kusisqa kani. Payta uyariychej.

DIOSPA QHELQACHISQAN DEUTEROCANONICAL

⁵ Ajinata Pedro parlashajtillanraj, ujllata k'ancharishaj uj phuyu paykunata p'ampaykorqa, chay phuyu ukhumantataj Dios nimorqa: Kaymin munasqa Chureyqa, ajllakusqaytaj. Paywan sonqo junt'asqa kani, chayrayku payta uyariychej, nispa.

Quechua South Bolivia: Dios Parlapawanchej

⁵ Pedro parlashajtillanraj mana yuyaskamanta uj lliphipej phuyu paycunaman uraycamorka. Chay phuyumantataj Dios Tata parlamushajta uyarerkancu: —Caymin c'ata munaska Wawayka. Paymanta mayta cusicuni. Payta uyariychej, —nispa.

San Mateo 17:5 Referans Kwoze

San Mateo 3:17

Jinallapitaj janaj pachamanta Dios nimorqa: Qanmin munasqa Churiy kanki, qanwantaj sonqo junt'asqa kani, nispa.

San Mateo 12:18

Dios nin: Kaymin noqaj kamachiy, pitachus noqa ajllakuni, chay. Paymin munakusqay, paywantaj may kusisqa kani. Payman Espirituyta qoni, chantá tukuy suyuman justiciamanta willanqa.

Marcos 9:7

Chay jinallaman phuyu rikhurimuspa, paykunata p'ampaykorqa. Chay phuyu ukhumantataj Dios nimorqa: Kaymin munasqa Chureyqa. Paytamin uyariychej, nispa.

Deuteronomio 18:15

Tata Diosniykichejqa qankuna ukhumanta noqa jina uj sut'inchajta sayarichenqa, qankunataj payta kasunkichej.

San Juan 3:35

Diostaj Churinta munakuspa, tukuy imata makinman churan.

Marcos 1:11

Janaj pachamantataj Dios nimorqa: Qanmin munasqa Churiy kanki, qanwantaj sonqo junt'asqa kani, nispa.

Apocalipsis 1:7

Qhawaychej: Cristo phuyupi jamushan. Tukuy runakuna payta rikonqanku, jinallataj payta t'ojsejkunapis. Kay pachapi kaj chhika runakuna payta manchachikuspa, manchayta waqanqanku. Arí, ajina kachun.

San Lucas 3:22

Jinapitaj Santo Espíritu urpi jina paypa patanman urayk'amorqa, janaj pachamantataj Dios nimorqa: Qanmin munasqa Churiy kanki, qanwantaj sonqo junt'asqa kani, nispa.

Isaías 42:1

Kaymin noqaj kamachiy, pitachus noqa kallpachani, chay. Paymin ajllakusqayqa paywantaj may kusisqa kani. Chantá payman Espirituyta qoni, tukuy suyukunapaj justiciata ruwananpaj.

Hebreos 5:9

Ajinamanta Cristo Diospa tukuy kamachisqanta junt'asqanrayku, Dios payta churarqa ajinamanta payta kasojkunaman wiñay kawsayta qonanpaj.

Deuteronomio 18:19

Noqamanta sut'inchaspa, sutiypi parlajtin, sichus pipis nisqanta mana uyariyta munanmanchu chayqa, chay runamanta noqa cuentata mañasaj.

Hechos 7:37

Kay Moisesllataj israelitakunata nerqa: Qankuna ukhullamantataj Dios noqata jina uj sut'inchajta sayarichenqa, qankunataj paytamin uyarinkichej, nispa.

San Juan 5:37

Kachamuwaj Tata Diospis noqamanta willallarqataj, qankunataj mana jayk'ajpis parlasqanta uyarerqankichejchu, nitaj rijch'aynintapis rikorqankichejchu.

Colosenses 1:13

Diosqa laqhayaypi kamachejpa atiyninpi kawsashasqanchejmanta orqhospa, munasqa Churinpa kamachiyninman churawarqanchej.

Efesios 1:6

Tata Dios ajinata ruwarqa payta yupaychananchejpaj, imaraykuchus payqa t'ukuna qhasilla k'acha yanapayninwan yanapawarqanchej munasqa Churinman ujchasqa kasqanchejrayku.

San Juan 3:16

Dios chay jinatapuni kay pachapi kaj chhikata munakusqanrayku uj k'ata Churinta qorqa. Ajinamanta tukuy pichus paypi atinikojqa mana chinkanqachu, aswanpis wiñay kawsayniyoj kanqa.

Isaías 42:21

Tata Dios cheqan kayninrayku may jatun kamachisqanta jatuncharqa.

Deuteronomio 5:22

Orqo k'uchupi tantasqa kashajtiykichej, Tata Diosqa chay kamachisqakunata jatunmanta parlaspa nerqa, orqopi nina chawpimanta, laqha phuyu ukhumantapacha. Chaymantaqa manaña astawan imatapis nerqachu, chay kamachisqakunatataj iskay p'alta rumipi qhelqaspa noqaman jaywawarqa.

Éxodo 19:19

Pututoqa astawan, astawan sinch'ita waqasharqa. Moisés Dioswan parlashajtintaj, Diosqa manchay jatunmanta parlaspa kuticherqa. Parlasqanqa qhon qhon jina karqa.

Hechos 1:9

Chayta nisqantawantaj, kuraj kachankuna qhawashajtinku, Jesusqa janaj pachaman oqharisqa karqa. Phuyu ukhuman Jesús chinkaykojtinkamataj, kuraj kachankunaqa payta manaña rikorqankuchu.

Salmos 81:7

7 (8) Qan llakiyniykipi wajyakuwarqanki, noqataj qhespicherqayki, qhon qhon phuyu ukhumantataj uyarimorqayki. Chantá Meriba juturi kantupi maykamachus noqapi atinikuwasqaykita, yachayta munarqani, nispa.

Job 38:1

Chantá Tata Dios muyoj wayramantapacha parlamuspa, Jobta nerqa:

San Mateo 17:6

Jesuspa yachachisqankuna chayta uyarispa, pampakama k'umuykorqanku, imaraykuchus sinch'itapuni mancharikorqanku.

Apocalipsis 14:14

Chantá qhawashajtillay, uj yuraj phuyu rikhurerqa, chay phuyu patapitaj Runaj Churinman rijch'akoj tiyasqa kasharqa. Payqa umanpi qori pilluyoj karqa, makinpitaj sumaj filochasqa hozeta jap'isharqa.