San Mateo 17:12 - DIOSPA QHELQACHISQ

¹² Noqatajrí niykichej: Eliasqa jamorqaña. Runakunarí payta mana rejsispa, tukuy ima munasqankuta payta ruwarqanku. Ajinallatataj Runaj Churinpis paykunaj makinpi ñak'arenqa, nispa.

Qheshwa Biblia DC

¹² Noqa niykichej, Eliasqa jamorqaña. Mana rejsispataj, munayninkuman jina payta ñak'aricherqanku. Ajinallatataj Runaj Churintapis ñak'arichenqanku.

DIOSPA QHELQACHISQAN DEUTEROCANONICAL

¹² Noqatajrí niykichej: Eliasqa jamorqaña. Runakunarí payta mana rejsispa, tukuy ima munasqankuta payta ruwarqanku. Ajinallatataj Runaj Churinpis paykunaj makinpi ñak'arenqa, nispa.

Quechua South Bolivia: Dios Parlapawanchej

¹² Nokarí niyquichej Eliaska jamuskantaña. Runasri jamuskanta mana repararkancuchu. Astawanpis payta munaynincumanjina ñac'aricherkancu. Ajinallataj paycunaka noka, Diospa cachaska Runanta, munaynincumanjina ñac'arichiwankancu.

San Mateo 17:12 Referans Kwoze

San Mateo 16:21

Chaymantapacha Jesusqa yachachisqankunaman willayta qallarerqa Jerusalenman rinanpuni kasqanta, chaypitaj kurajkuna, Diospa kamachisqanmanta yachachejkuna, kuraj sacerdotekuna ima anchatapuni payta ñak'arichinankuta, wañuchinankuta ima. Chantá nillarqataj kinsa p'unchaymanta wañusqamanta kawsarimpunanta.

Hechos 4:10

Tukuy kurajkuna, tukuy israelitakuna ima allinta yachaychej: Kay suchu runata Nazaret llajtayoj Jesucristoj sutinpi qhaliyacherqayku. Chay Jesustaqa qankuna cruzpi chakatarqankichej. Chaywanpis Diosqa payta wañusqamanta kawsarichimorqa.

Hechos 7:52

Diosmanta mayqen sut'inchajtataj ñawpa tatanchejkuna mana qhatiykacharqankuchu ñak'arichinankupaj? Chantá wañuchillarqankutaj pikunachus unaymantapacha willarqanku cheqan kaj runa jamunanta, chaykunata. Pay jamojtintaj, qankunaqa payta wasanchaspa wañuchillarqankichejtaj.

Hechos 2:23

Chaywanpis Dios imachus kananta yacharqaña, jinataj ñawpajmantapacha imatachus wakichisqanman jina Jesús qankunaman jaywaykusqa karqa. Qankunataj millayta ruwaj runakunawan payta cruzman chakatachispa, wañucherqankichej.

San Juan 1:11

Payqa llajta masinkunaman jamorqa, paykunatajrí payta qhesacharqanku.

San Lucas 7:33

Chayta niykichej, imaraykuchus Bautizaj Juan jamuspa, t'antata mana mikhojchu, nitaj vinota ujyajchu. Qankunataj nerqankichej: Payqa supayniyoj, nispa.

San Mateo 21:32

Chayta niykichej, imaraykuchus Bautizaj Juan cheqan kajta yachachej jamojtin, qankunaqa paypa nisqanta mana jap'ikorqankichejchu. Impuestota cobrajkuna, phisu warmikuna imatajrí nisqanta jap'ikorqanku. Qankunataj chay tukuyta rikushaspapis, manapuni Juanpa nisqanta jap'ikorqankichejchu, Diosman kutirikunaykichejpaj.

San Mateo 11:2

Chaypacha Bautizaj Juan carcelpi kasharqa. Chantá Cristoj ruwasqanmanta uyarispa, wakin yachachisqankunata Jesusta tapunankupaj kacharqa:

San Mateo 8:20

Jesustajrí kuticherqa: Atojkunajtaqa qaqapi jusk'unku tiyan, p'isqokunapis thapayojllataj kanku. Runaj Churinpajtarí, mana maypichus samarinallanpajpis kanchu, nispa.

San Mateo 17:9

Orqomanta urayk'amushajtinku, Jesús paykunata kamacherqa: Kunan imatachus rikusqaykichejta ama pimanpis willankichejchu, Runaj Churin wañusqamanta kawsarimpunankama, nispa.

San Mateo 17:11

Jesustaj kuticherqa: Arí, Elías ñawpajta jamuspa, tukuy imata maychus kajman churanqa.

San Mateo 17:13

Chaypacha yachachisqankuna repararqanku Jesusqa Bautizaj Juanmanta parlashasqanta.

San Mateo 17:22

Galileapi kashajtinku, Jesusqa ujtawan yachachisqankunata nerqa: Runaj Churenqa runakunaj makinman jaywasqa kanqa, paykunataj payta wañuchenqanku.