San Mateo 16:21 - DIOSPA QHELQACHISQ

²¹ Chaymantapacha Jesusqa yachachisqankunaman willayta qallarerqa Jerusalenman rinanpuni kasqanta, chaypitaj kurajkuna, Diospa kamachisqanmanta yachachejkuna, kuraj sacerdotekuna ima anchatapuni payta ñak'arichinankuta, wañuchinankuta ima. Chantá nillarqataj kinsa p'unchaymanta wañusqamanta kawsarimpunanta.

Qheshwa Biblia DC

²¹ Chaypachamanta, Jesús yachachisqasninman willayta qallarerqa Jerusalenman rinampuni kasqanta, chaypitaj kurajkuna, leymanta yachachejkuna, kuraj sacerdotes ima, anchatapuni ñak'arichinankuta, wañuchinankuta ima; kinsa p'unchaymantataj kausarimunanta.

DIOSPA QHELQACHISQAN DEUTEROCANONICAL

²¹ Chaymantapacha Jesusqa yachachisqankunaman willayta qallarerqa Jerusalenman rinanpuni kasqanta, chaypitaj kurajkuna, Diospa kamachisqanmanta yachachejkuna, kuraj sacerdotekuna ima anchatapuni payta ñak'arichinankuta, wañuchinankuta ima. Chantá nillarqataj kinsa p'unchaymanta wañusqamanta kawsarimpunanta.

Quechua South Bolivia: Dios Parlapawanchej

²¹ Chaypachamantapacha Jesuska yachacojcunanman sut'ita willayta kallarerka: —Jerusalén llajtaman rinaypuni tiyan. Chaypitaj israel curajcuna, yupaychana-wasimanta curajcunawan israel yachachejcunapiwan anchata ñac'arichiwankancu. Paycunaka wañuchiwankancupis. Quinsa p'unchaymantataj causarimpunay tiyan.

San Mateo 16:21 Referans Kwoze

San Mateo 17:12

Noqatajrí niykichej: Eliasqa jamorqaña. Runakunarí payta mana rejsispa, tukuy ima munasqankuta payta ruwarqanku. Ajinallatataj Runaj Churinpis paykunaj makinpi ñak'arenqa, nispa.

San Mateo 27:63

nerqanku: Wiraqochi, chay ch'awka runa kawsashasparaj imatachus nisqanta yuyarikuyku. Pay nerqa: Kinsa p'unchaymanta kawsarimpusaj, nispa.

San Mateo 20:28

Noqa Runaj Churenqa mana runawan sirvichikunaypajchu jamorqani. Aswanpis runakunaj kamachin jina kanaypaj jamorqani, kawsayniytataj qoj, ashkha runakuna qhespichisqa kanankupaj, nispa.

San Lucas 17:25

Chaywanpis ñawpajtaqa Runaj Churin anchataraj ñak'arinan kanqa, kay tiempopi kawsajkunataj payta qhesachanqanku.

San Lucas 24:46

Pay nillarqataj: Ajinata Diospa Qhelqachisqanpi nin, Cristoqa jinatapuni ñak'arinanta, chantataj wañusqakuna chawpimanta kinsa p'unchayninman kawsarimpunanta.

Marcos 8:31

Chaymanta Jesusqa yachachisqankunaman kay jinata yachachiyta qallarerqa: Noqa Runaj Churenqa maytapuni ñak'arisaj. Jinallataj kurajkuna, kuraj sacerdotekuna, Diospa kamachisqanmanta yachachejkuna ima qhesachawanqanku, wañuchiwanqankutaj. Chaywanpis kinsa p'unchaymanta kawsarimpusaj, nispa.

San Lucas 9:31

Paykuna manchay lliphipishaj k'anchaywan muyuykusqa karqanku. Jinataj Jesús kay pachamanta ripunanmanta parlasharqanku, mayqenchus Jerusalenpi junt'akunan karqa, chaymanta.

San Mateo 26:47

Jesús parlashajtillanraj, Judas chayaykamorqa. Payqa Jesuspa chunka iskayniyoj yachachisqankunamanta ujnin kaj karqa. Jinallataj paywan khuska ashkha runakuna jamorqanku espadayoj, k'aspiyoj ima. Chay runakunata kuraj sacerdotekuna, llajtamanta kurajkuna ima kachamusqanku.

San Mateo 26:2

Qankunaqa yachankichej iskay p'unchaymantawan Pascua raymi kananta. Chaypacha Runaj Churinta jap'enqanku cruzman chakataykunankupaj, nispa.

San Mateo 27:12

Kuraj sacerdotekuna, judiokunaj kurajninkukunawan ima Jesusta ch'ataykushajtinku, pay mana imatapis kutichikorqachu.

San Mateo 16:28

Kayta sut'ita niykichej: Kaypi kajkunamanta wakin mana wañonqankuchu, Runaj Churinta kamachinanpaj jamushajta rikunankukama, nispa.

Nehemías 12:7

Salú, Amoc, Hilcías, Jedaías ima. Chaykuna karqanku sacerdotekunajpa kurajninkukuna, jinataj ayllunku ima Josuéj p'unchayninpi.

San Mateo 12:40

Imaynatachus Jonás jatun challwaj wijsanpi kinsa p'unchayta, kinsa tutatawan karqa, ajinallatataj Runaj Churinpis kinsa p'unchayta, kinsa tutatawan jallp'aj sonqonpi kanqa.

San Mateo 16:22

Jinapi Pedroqa Jesusta sapallanta waj cheqanejman pusaspa, k'amiyta qallarerqa: Tukuyta Kamachej Jesús, amapuni Dios chayta munachunchu. Ama chayta parlallaypischu, nispa.

San Mateo 17:9

Orqomanta urayk'amushajtinku, Jesús paykunata kamacherqa: Kunan imatachus rikusqaykichejta ama pimanpis willankichejchu, Runaj Churin wañusqamanta kawsarimpunankama, nispa.

San Mateo 28:6

Payqa mana kaypiñachu, manachayqa nisqanman jina kawsarimpunña. Jamuspa, qhawaykuychej maypichus ayan churasqa karqa, chayta.

Marcos 9:12

Jesustaj kuticherqa: Cheqamanta Eliasqa ñawpajta jamuspa, tukuy imata maychus kananman churanqa. Chaywanpis imaraykutaj Diospa Qhelqachisqanpi nin Runaj Churin mayta ñak'arinanta, qhesachasqataj kanantari?