San Mateo 16:16 - DIOSPA QHELQACHISQ

¹⁶ Chantá Simón Pedro kuticherqa: Qanqa Diospa kachamusqan Cristo kanki, kawsaj Diospa Churin, nispa.

Qheshwa Biblia DC

¹⁶ Simón Pedrotaj kutichispa nerqa: Qanqa Cristo kanki, kausaj Diospa Churin.

DIOSPA QHELQACHISQAN DEUTEROCANONICAL

¹⁶ Chantá Simón Pedro kuticherqa: Qanqa Diospa kachamusqan Cristo kanki, kawsaj Diospa Churin, nispa.

Quechua South Bolivia: Dios Parlapawanchej

¹⁶ Simón Pedrotaj nerka: —Kanka wiñay causaj Diospa ajllaska Wawan, Cristo canqui.

San Mateo 16:16 Referans Kwoze

San Mateo 14:33

Chaymantataj botepi kajkuna Jesusman qayllaykuspa, k'umuykukorqanku, nerqankutaj: Qanpuni Diospa Churin kanki, nispa.

San Juan 11:27

Chantá Marta nerqa: Arí, Tukuyta Kamachej Jesús, noqa tukuy sonqo yachani qanqa Diospa Churin kasqaykita, pitachus Dios kay pachaman kachamunan karqa, chay Cristo, nispa.

1 Juan 4:15

Pillapis sut'ita rimarin Jesús Diospa Churin kasqanta chayqa, chay runaqa Dioswan ujchasqa kashan, Diostaj paypi tiyakun.

San Mateo 27:54

Chaypacha romano soldadokunaj kuraj kamachejninku, chantá Jesusta qhawasharqanku, chay soldadokunawan ima jallp'ata ikhakojta, chay waj imakunatawan ima rikorqanku. Chayrayku maytapuni mancharikuspa, nerqanku: Kay runaqa Diospa Churinpuni, nispa.

1 Timoteo 4:10

Chayrayku tukuy sonqo sinch'ita llank'anchej, jinataj mayta kallpakushallanchejpuni, imaraykuchus kawsaj Diospi atinikuspa yanapanawanchejta suyakushanchej. Diosqa tukuy runata qhespichiyta munan, astawanqa pikunachus paypi atinikunku, chaykunata.

Hechos 9:20

Chaymantapacha Sauloqa judiokunaj tantakunanku wasipi willarayta qallarerqa, Jesusqa Diospa Churin kasqanta.

1 Tesalonicenses 1:9

Paykuna parlanku noqayku llajtaykichejman chayamojtiyku, imaynatachus wajyarikuwasqaykumanta. Jinallataj parlanku qankuna imaynatachus lantikunata yupaychayta saqespa, kawsashaj cheqa kaj Diosman kutirikusqaykichejta, payllataña kasunaykichejpaj.

San Mateo 26:63

Jesustajrí ch'inlla kakorqa. Chantá kuraj kaj sacerdoteqa Jesusta nerqa: Kawsashaj Diospa sutinpi niwayku: Qanchu Diospa kachamusqan Cristo kanki, Diospa Churin? nispa.

1 Juan 5:5

Pitaj Diosman mana kutirikojkuna yuyasqankuman kawsanata atipan? Pichus Jesusqa Diospa Churin kasqanta jap'ikojlla.

Hebreos 10:31

Ajinaqa kawsaj Diospa makinman urmanaqa may jina mancharinamin.

Romanos 1:4

Jinallataj Santo Espíritu sut'ita sut'incharqa Jesusqa Diospa Churinpuni kasqanta, maypachachus jatun atiyninnejta payta wañusqamanta kawsaricherqa, chaypacha. Paymin Tukuyta Kamachej Jesucristo.

Salmos 2:7

Noqaqa Tata Diospa kamachisqanta willasaj. Paymin niwan: Qanqa churiy kanki, kunantaj noqa tatayki kani.

Marcos 14:61

Jesustajrí ch'inlla karqa, mana imata kutichispa. Watejmanta kuraj kaj sacerdoteqa Jesusta tapullarqataj: Qanchu Diospa kachamusqan Cristo kanki, jatunchasqa Diospa Churin? nispa.

Daniel (hebreo) 6:26

26 (27) Kayta kamachini: Tukuynin suyuypi Danielpa Diosninta manchachikuychej, kharkatitispataj payllamantaj k'umuykuychej, imaraykuchus paymin kawsaj Diosqa. Payllapuni wiñaypaj wiñaynintinkama kawsan. Kamachiynenqa mana jayk'ajpis chinkarenqachu, nitaj atiyninpis tukukonqachu.

Deuteronomio 5:26

Pi runataj chay jina nina lawray chawpimanta kawsaj Diospa parlasqanta uyarinman, noqanchej jina mana wañuspallari?

San Juan 20:31

Kaykunarí qhelqasqa kashan, qankuna creenaykichejpaj Jesusqa Diospa Churin Cristo kasqanta, ajinamanta paypa atiyninnejta wiñay kawsayniyoj kanaykichejpaj.

San Juan 1:49

Chaymanta Natanael, nerqa: Yachachej, qanqa Diospa Churin kanki, Israelpa Kuraj Kamachejnintaj, nispa.

Hebreos 12:22

Qankunatajrí Sión orqoman, jinataj kawsaj Diospa llajtanman qayllaykunkichej. Chay llajtaqa janaj pachapi kaj Jerusalén, chaypitaj mana yupay atina angelkuna Diosta yupaychashanku.

1 Timoteo 3:15

Ajinamanta sichus kaypi qhepakullasajraj chayqa, yachanki imaynatachus Diospa ayllun ukhupi purinayki kasqanta. Chay aylloqa kawsashaj Diospa Iglesian, mayqenchus cheqa kajta waqaychan, sinch'itataj sayachin, chay.

1 Juan 5:20

Yachallanchejtaj Diospa Churin jamuspa yuyayta, yachayta ima qowasqanchejta, cheqa kaj Diosman kutirikunanchejpaj. Kunantaj cheqa kaj Dioswan ujchasqa kawsashanchej, imajtinchus Churin Jesucristowan ujchasqa kawsashanchej. Paymin uj k'ata Diosqa, payllataj wiñay kawsayta qon.

2 Corintios 6:16

Diospa Templonpeqa ni ima lanti kananchu tiyan, icharí? Qankunamin kawsashaj Diospa templon kankichej. Diosmin kayta nin: Noqaqa paykuna ukhupi tiyakusaj, purisajtaj. Paykunaj Diosninku kasaj, paykunataj aylluy kanqanku, nispa.

2 Corintios 3:3

Arí, sut'i kashan, qankuna Cristoj qhelqasqan cartan kasqaykichejta, noqaykutaj chay cartata tukuyman rejsicherqayku. Chay cartaqa mana tintawanchu qhelqasqa, aswanpis kawsaj Diospa Espiritunwan. Manataj rumi tablapichu ch'eqosqa karqa, aswanpis runaj sonqon ukhupi.

Hechos 14:15

Runa masikuna, imaraykutaj kayta ruwashankichejri? Noqayku runalla kayku, qankuna jina. Aswanpis qankunaman willaj jamuyku, kay qhasi manakaj imakunata saqespa, kawsashaj Diosman kutirikunaykichejpaj. Paymin janajta, kay pachata, mama qochata ima ruwarqa, chaykunapi tukuy ima kajkunatapis.

San Mateo 4:3

Chaypacha Kuraj Supayqa Jesusta juchallichiyta munaspa qayllaykorqa, nerqataj: Sichus Diospa Churin kanki chayqa, kay rumikunata t'antaman tukunankuta niy, nispa.

Salmos 42:2

2 (3) Kawsaj Dioswan karikuyta imata jina mask'ani. Mayk'ajtaj Diospa ñawpaqenman risaj, payta yupaychanaypajri?

Hechos 8:36

Ñanta rishaspataj, chayarqanku, maypichus yaku karqa, chayman. Chantá eunucoqa Felipeta nerqa: Kaypi yaku tiyan. Manachu atiyman noqa bautizasqa kayta? nispa.

San Juan 6:69

Noqaykoqa qan kawsaj Diospa Churin kasqaykita yachayku, jinallataj Diospa ajllasqan kasqaykitapis, nispa.

San Mateo 1:16

Jacobqa Josejpa tatan karqa, Josetaj Mariaj qosan karqa, Mariataj Jesuspa maman karqa, Jesustaj Diospa kachamusqan Cristo sutichasqa karqa.

San Mateo 16:15

Jesús tapullarqataj: Qankunarí, pi kasqaytataj ninkichejri? nispa.

San Lucas 2:11

Kunan Davidpa llajtanpi qhespichej paqarin. Payqa Tukuyta Kamachej Cristomin.

San Juan 6:57

Kachamuwaj Tatayqa kawsajmin, noqataj paynejta kawsani. Ajinallatataj noqata mikhuwajqa noqanejta kawsanqa.

San Juan 6:68

Chantá Simón Pedro kuticherqa: Wiraqochi, pimantaj riyta atiykumanri? Qanpa parlasqaykeqa wiñay kawsayman pusawayku.

2 Corintios 1:19

Noqa, Silvano, Timoteo ima Diospa Churin Jesucristomanta qankunaman willarqayku. Jesucristotaj mana iskaytachu parlan, manachayqa arí nispa, nisqanta junt'allanpuni.

Hebreos 3:12

Chayrayku wawqe panakuna, sumajta qhawakuychej. Ama pipis qankunamanta mana allin sonqo, nitaj Diospi mana atinikuyta munaj sonqoyoj kachunchu, ajinamanta kawsashaj Diosmanta karunchakunanpaj.

Hebreos 9:14

Cristorí wiñaypaj kawsaj Santo Espiritunejta Diosman mana iman imanasqa uywa jina pay kikin jaywaykukorqa. Ajinaqa Cristoj yawarnin may jinatarajchus sonqonchejta millay ruwasqanchejmanta llimphuchawasunchej, kawsaj Diospa munayninta ruwananchejpaj.

Apocalipsis 7:2

Jinallataj waj angelta rikorqani inti llojsimuynejmanta wicharimojta. Chay angeltaj kawsaj Diospa sellon aparisqa kasharqa. Paytaj chay tawa angelkunaman sinch'ita qhaparerqa, pikunachus mama qochata, chantá jallp'atawan ñak'arichinankupaj atiyta jap'isharqanku, chaykunaman.

Hechos 8:37

Felipetaj kuticherqa: Sichus cheqatapuni tukuy sonqoykiwan Jesuspi atinikunki chayqa, bautizasqa kayta atinki, nispa. Eunucotaj kuticherqa: Arí, atinikuni, yachanitaj Jesucristo Diospa Churin kasqanta, nispa.