San Mateo 13:44 - DIOSPA QHELQACHISQ

⁴⁴ Chay jawa Diospa janaj pacha kamachiynenqa tapadoman rijch'akullantaj. Uj runaqa wajpa jallp'anpi tapadota tariytawan, pachallanmantaj watejmanta p'ampaykusqa. Kusisqa rispataj, tukuy kapuyninta vendemusqa chay jallp'ata rantikapunanpaj.

Qheshwa Biblia DC

⁴⁴ Janaj pacha reinoqa, jallp'api pakasqa qolqeman rijch'akun. Uj runa chayta tarispa, pachallanmantaj watejmanta p'ampaykun. Kusisqa ripuspataj tukuy imasninta vendemun; chay jallp'atataj rantikapun.

DIOSPA QHELQACHISQAN DEUTEROCANONICAL

⁴⁴ Chay jawa Diospa janaj pacha kamachiynenqa tapadoman rijch'akullantaj. Uj runaqa wajpa jallp'anpi tapadota tariytawan, pachallanmantaj watejmanta p'ampaykusqa. Kusisqa rispataj, tukuy kapuyninta vendemusqa chay jallp'ata rantikapunanpaj.

Quechua South Bolivia: Dios Parlapawanchej

⁴⁴ ‘Dios runasta camachishajtin uj chajrapi khapaj capuy p'ampaskaman rijch'acun. Chayta taricoj runaka pacaycun. Cusiywan rispataj tucuy capuyninta vendemun chay jallp'atataj ranticapun.

San Mateo 13:44 Referans Kwoze

Colosenses 2:3

Manchay valorniyoj tapadopis kanman jina, paypimin pakasqa kashan tukuy yachayniyoj kay, chantá yuyayniyoj kay ima.

San Lucas 14:33

Jina ari, qankunamanta pillapis tukuy tiyapusqanta mana saqejqa mana yachachisqay kayta atinmanchu, nispa.

San Mateo 6:21

Maypichá kapuyniykichej kashan, chayllapitaj sonqoykichejpis kanqa.

San Mateo 19:29

Pillapis noqata qhatinawanrayku wasinta saqerparin, wawqenkunata, panankunata, chayrí tatanta, mamanta, warminta, jinallataj wawankunata, jallp'ankunata ima, chay runamanqa Dios pachaj kutita qoponqa, chay runataj wiñay kawsayniyoj kanqa.

Proverbios 16:16

Yachayta tarinaqa qorimantapis astawan allin, yuyayniyoj kanataj qolqemantapis astawan sumaj.

Proverbios 23:23

Cheqa kajta rantikuy, amataj vendeychu. Jinallataj yachaytapis, unanchaytapis, yuyayniyoj kaytapis amallataj vendeychu.

Apocalipsis 3:18

Chayrayku noqamanta ninapi sumaj ch'uwachasqa qorita rantikunaykita yuyaychayki, cheqapuni qhapaj kanaykipaj. Chantá yuyaychayki p'achallikunaykipaj yuraj p'achata rantikunaykita, ama q'alalla kasqaykirayku p'enqakunaykipaj. Yuyaychallaykitaj rantikunaykita ñawiykipaj jampita, sut'ita rikuyta atinaykipaj.

San Mateo 19:27

Jinapi Pedroqa Jesusta nerqa: Noqaykoqa qanwan purinaykupaj tukuy kapuyniykuta saqerparerqayku. Chayta ruwasqaykurayku imatataj noqayku jap'isqaykuri? nispa.

San Mateo 19:21

Chantá Jesús payta nerqa: Sichus maychus kajta Diospa munayninta junt'ayta munanki chayqa, tukuy kapuyniykita vendemuspa, wajchakunaman chay qolqeta rak'iray. Ajinamanta janaj pachapi tukuy imayoj kanki. Chaymantataj kutimuspa, yachachisqay kanaykipaj noqata qhatiway, nispa.

Isaías 55:1

Tukuy ch'akichikojkuna, jamuychej yakuta ujyaj. Mana qolqeyojkuna, jamuychej. Mana qolqellawan trigota rantikuspa, mikhuychej. Jamuychej, mana pagaspalla vinota lechetapis ujyaychej.

Romanos 15:4

Chay unay qhelqasqa karqa noqanchej yachakunanchejpaj. Diospa chay qhelqachisqantaj yanapawanchej pacienciakuspa, sonqochakuspataj suyananchejpaj Dios nisqanta junt'anankama.

San Mateo 13:24

Waj rijch'anachinatawan Jesús yachachillarqataj: Diospa janaj pacha kamachiynenqa jallp'anpi sumaj mujuta tarpoj runaman rijch'akun.

Hebreos 10:34

Jinallataj qankuna carcelpi wisq'asqa kajkunata khuyarikorqankichej. Wajkuna kapuyniykichejta qhechusojtiykichejpis, kusikorqankichej, imaraykuchus yacharqankichej janaj pachapi chayaqeykichej aswan sumaj mana tukukuyniyoj kasqanta.

San Juan 6:35

Jesustajrí paykunata nerqa: Noqamin kawsayta qoj t'anta kani. Pillapis noqaman jamojqa mana jayk'ajpis yarqhachikonqachu, nillataj noqapi atinikojqa jayk'ajpis ch'akichikonqachu.

Proverbios 17:16

Imapajtaj wampoqa qolqe oqharisqa yachayta rantej jamun mana yuyaynin kashajtinri? Yachayqa mana qolqewanchu rantikun.

Colosenses 3:16

Qankunaqa Cristoj sumaj yachachisqanmanta amapuni qonqakuychejchu. Manachayqa Diospa qosqan yuyay yachaywantaj purajmanta yachachinakuychej, k'aminarikuychej ima. Jinataj Diosta tukuy sonqo pachis nispa, salmokunata, yupaychana takiykunata, chantá Santo Espíritoj yuyaychasqan takiykunata ima takiychej.

Proverbios 18:1

Imatapis payllapaj munaj runaqa paypa allinnillanta mask'an. Wajkuna imatapis yuyaychayta munajtinku, mana uyariyta munanchu.

Job 28:13

Runaqa yachay mashkhachus valesqanta mana yachanchu, nitaj kay pachapipis tarinchu.

San Mateo 13:46

May valorniyoj uj perlata tarispataj, tukuy kapusqanta vendeytawan, chay sumaj perlata rantikapusqa.

San Mateo 13:47

Jinallataj Diospa janaj pacha kamachiynenqa challwa jap'ina ch'ipaman rijch'akun. Challwirikunaqa ch'ipata qochaman wijch'uykuspa, tukuy imaymana challwakunata jap'isqanku.