San Mateo 13:23 - DIOSPA QHELQACHISQ

²³ Sumaj jallp'aman t'akakoj mujurí ninakun, pichus Diospa simi nisqanta uyarispa sumajta entienden, chaywan. Payqa sumaj poqoyniyoj planta jina, chay jina kajkunamantataj wakin kanku sapa mujumanta pachajta poqoj jina, wakintaj sojta chunkata, wakintaj kinsa chunkata poqoj jina, nispa.

Qheshwa Biblia DC

²³ Sumaj jallp'api tarpusqa mujutaj rijch'akun, pichus Diospa palabranta uyarispa sumajta umampi jap'in, poqoytataj apan, chayman. Sapa uj mujutaj poqon pachajta, sojta chunkata, wakintaj kinsa chunkata uj mujullamanta.

DIOSPA QHELQACHISQAN DEUTEROCANONICAL

²³ Sumaj jallp'aman t'akakoj mujurí ninakun, pichus Diospa simi nisqanta uyarispa sumajta entienden, chaywan. Payqa sumaj poqoyniyoj planta jina, chay jina kajkunamantataj wakin kanku sapa mujumanta pachajta poqoj jina, wakintaj sojta chunkata, wakintaj kinsa chunkata poqoj jina, nispa.

Quechua South Bolivia: Dios Parlapawanchej

²³ Waquin runas Diospa niskanta tucuy sonkowan uyarispa casuncu. Chay runaka sumaj jallp'aman urmaj mujujina cashan. Diosta casuskancuraycutaj payta cusichincu. Ajinapi waquin runas ancha sumajta ruwaspa pachajman pokoj mujujina cancu. Waquinri sumajllata ruwaspa sojta chuncaman pokoj mujujina cancu. Waquintaj quinsa chuncaman pokoj mujujina callancutaj.

San Mateo 13:23 Referans Kwoze

Filipenses 1:11

Chay jinamanta qankuna Jesucristoj yanapasqanwan allin kajta ruwayta atinkichej, runakuna Tata Diosta yupaychanankupaj, chantá jatunchanankupaj ima.

San Juan 15:16

Mana qankunachu ajllawarqankichej, aswanpis noqa qankunata ajllarqaykichej. Chantá churarqaykichej, rispa ashkha poqoyniyoj yura jina kanaykichejpaj, chay ruwasqaykichejtaj unaypaj kananpaj. Ajinamanta tukuy imatachus noqaj sutiypi Tata Diosmanta mañakusqaykichejta pay qosonqachej.

San Mateo 12:33

Allin sach'aqa allin poqoyta poqon. Mana allin sach'arí mana allin poqoytachu poqon. Chayrayku sach'ataqa poqoyninnejta rejsinchej.

San Mateo 13:8

Wakin mujutajrí sumaj jallp'aman urmaspa, poqosqa. Wakin muju pachajta, wakin sojta chunkata, wakintaj kinsa chunkata uj mujullamanta poqosqa.

Colosenses 1:6

Chay sumaj willayta uyarisqaykichejqa tukuynejpi willasqa kashan. Chay runakunaqa chay sumaj willayta jap'ikusqankurayku waj jinaman tukuchisqa kashanku, imaynatachus qankunapis uyarisqaykichejmantapacha waj jinaman tukuchisqa karqankichej, ajinata. Qankunataj Diospa khuyakuyninmanta uyarispa, chaypacharaj cheqapuni kasqanta yacharqankichej.

San Mateo 3:8

Allinta puriychej ari. Ajinata juchallisqaykichejmanta Diosman kutirikusqaykichejta sut'ita rikuchinkichej.

San Lucas 13:9

Chantá poqonqachus chayqa, allin kanqa. Manapuni poqojtinrí, k'uturparichillanki, nispa.

1 Juan 5:20

Yachallanchejtaj Diospa Churin jamuspa yuyayta, yachayta ima qowasqanchejta, cheqa kaj Diosman kutirikunanchejpaj. Kunantaj cheqa kaj Dioswan ujchasqa kawsashanchej, imajtinchus Churin Jesucristowan ujchasqa kawsashanchej. Paymin uj k'ata Diosqa, payllataj wiñay kawsayta qon.

2 Pedro 3:18

Manachayqa astawan astawan Tukuyta Kamachej Jesucristota rejsinaykichejpaj kallpakuychej, jinallataj Diospa qhasilla k'acha yanapayninpi astawan atinikuychej. Jesucristo may jatunchasqa kachun kunanpis, wiñaypajpis. Ajina kachun.

Colosenses 1:10

Ajinata mañapuyku Tukuyta Kamachej Jesuspa munasqanman jina purinaykichejpaj, chantá tukuy imapi Diosta kusichinaykichejpaj. Ajinamanta allin kajta ruwaspa kankichej, jinataj Diosta astawan astawan rejsinkichej.

Hebreos 8:10

Chayrayku chay p'unchay, kay jina mosoj tratota Israel aylluwan ruwasaj, nispa Tata Dios nin: Yuyayninkuman kamachisqayta churasaj, sonqonkupitaj nisqayta qhelqasaj. Noqa Diosninku kasaj, paykunataj noqaj aylluy kanqanku.

Hebreos 4:2

Ñawpa tatanchejkunaman jina, noqanchejmanpis samarinamanta sumaj willayta willallawarqanchejtaj. Chaywanpis paykuna chay willayta uyarisqankuwanqa mana imatapis tarerqankuchu, chay willasqanta mana jap'ikusqankurayku.

2 Tesalonicenses 2:10

Jinataj pay chinkayman rejkunata tukuy imaymanata ruwaspa, q'otiyanqa. Paykuna chinkayman rishanku, imaraykuchus cheqa kajta mana jap'ikorqankuchu nitaj munakorqankuchu, chaynejta qhespichisqa kanankupaj.

1 Tesalonicenses 4:1

Kunanqa wawqe panakuna, Tukuyta Kamachej Jesuspa sutinpi mañarikuyku, Diospa munasqanman jina kawsakunaykichejta. Diosta qhatejkuna jina imaynatachus kawsanata ña yachacherqaykuña, qankunataj ajinata kawsashankichejña. Chaywanpis qankunata mayta niyku ajinallatapuni kawsanaykichejpaj kallpakunaykichejta.

Filipenses 4:17

Ajinata nispaqa, noqa mana mask'ashanichu astawan qonawaykichejta. Manachayqa munashani k'acha kasqaykichejrayku jatun t'inkata jap'inaykichejta.

2 Corintios 9:10

Diosqa pichus tarpojman mujuta qon, pichus mikhojmanpis t'antata qon. Payllataj qankunamanpis tukuy imata qosonqachej, chaytataj mirachenqa, ajinamanta k'acha sonqoyoj kasqaykichejrayku wajkunata ashkhamanta yanapanaykichejpaj.

Hechos 17:11

Bereapi tiyakojkunatajrí aswan k'acha karqanku Tesalonicapi tiyakojkunamanta nisqaqa, imaraykuchus Diospa Simi Nisqanta tukuy sonqo jap'ikorqanku. Chayrayku sapa p'unchay Diospa Qhelqachisqanta allinta qhawaspa, Pabloj yachachisqan cheqachus manachus kasqanta waturerqanku.

Hechos 16:14

Ujnin kaj warmi Lidia sutiyoj karqa Tiatira llajtamanta, paytaj may sumaj puka kulli telata qhatoj. Diosta yupaychajllataj karqa. Jinapi Tukuyta Kamachej Jesusqa Lidiaj sonqonman parlapayarqa, paytaj Pabloj nisqanta tukuy sonqo jap'ikorqa.

San Juan 8:47

Diospata kajkunaqa paypa nisqanta tukuy sonqo uyarinku. Qankunatajrí mana uyariyta munankichejchu, imaraykuchus mana Diospa wawanchu kankichej, nispa.

San Lucas 8:15

Sumaj jallp'api t'akasqa mujurí ninakun, pikunachus tukuy sonqowan, cheqan yuyaywantaj Diospa simi nisqanta uyarinku, chaykunawan. Paykuna sonqonkupi Diospa simi nisqanta sumajta jap'ikuspa, chaymanta ch'ipakunku. Chantá pacienciawan sumajta poqoj planta jina kanku, nispa.

Marcos 10:15

Kayta sut'ita niykichej: Pichus mana wawa jina Diospa kamachiyninta jap'ikojqa mana jayk'aj chayman yaykonqachu, nispa.

Marcos 4:20

Wakin runakunatajrí sumaj jallp'a jina kanku, maymanchus muju t'akakusqa, chay jina. Paykunaqa Diospa simi nisqanta uyarispa, sonqonkupi jap'ikunku, chaymantataj sumaj poqoyta jina rikuchinku. Chay runakunamanta wakenqa sapa mujumanta kinsa chunkata poqoj jina kanku, wajkuna sojta chunkata, wajkunataj pachajta, nispa.

San Mateo 3:10

Jachaqa ñapis wakichisqaña kashan sach'akunata saphinmanta k'utunanpaj. Chayrayku mana allinta poqoj tukuy sach'akunaqa k'utusqa kanqanku, ninamantaj enqhaykusqa.

Ezequiel 36:26

Jinallataj mosoj sonqota qosqaykichej, qankuna ukhupitaj mosoj yuyayta churasaj. Rumi sonqoykichejta orqhospataj, kasukuyta munaj llamp'u sonqota qosqaykichej.

Ezequiel 18:31

Contraypi tukuy millay ruwasqaykichejmanta t'aqakuychej, mosoj sonqowan p'achallikuychej, mosoj kallpawantaj. Israel ayllu, imaraykutaj wañuyta munankichejri?

Hebreos 6:7

Runaqa jallp'a jina. Pikunachus Cristoman kutirikojkunaqa parawan qarpasqa jallp'a jina kanku, mayqenchus tarpojpaj sumajta poqochin, chay jina. Diostaj chay jallp'ata saminchan.

San Lucas 8:8

Wakin mujutajrí sumaj jallp'aman urmasqa, p'utumuspataj, poqosqa pachajta sapa mujumanta, nispa. Jesús chayta niytawantaj, aswan jatunmanta nerqa: Pichus nisqayta jap'ikuyta munajqa allinta uyarichun, nispa.