San Mateo 12:7 - DIOSPA QHELQACHISQ

⁷ Qankunachus yachawajchej imatachus niyta munasqanta: Noqaqa ujkunata khuyanaykichejta munani, manataj uywa ñak'asqa q'olachinata jaywanawaykichejtachu nispa chayqa, qankunaqa mana juchayojkunata mana juchachawajchejchu karqa.

Qheshwa Biblia DC

⁷ Yachawajchejchus imatachus niyta munan: Khuyakuyta munani, mana uywa wañuchisqatachu. Mana jayk'ajpis juchachawajchejchu mana juchayojkunataqa.

DIOSPA QHELQACHISQAN DEUTEROCANONICAL

⁷ Qankunachus yachawajchej imatachus niyta munasqanta: Noqaqa ujkunata khuyanaykichejta munani, manataj uywa ñak'asqa q'olachinata jaywanawaykichejtachu nispa chayqa, qankunaqa mana juchayojkunata mana juchachawajchejchu karqa.

Quechua South Bolivia: Dios Parlapawanchej

⁷ Dios nin: “Runas qhuyanacunancoka astawan nokata cusichiwan uywa wañuchiska jaywanasmanta niskaka”. Chaytachus reparawajchej chayka, mana juchachawajchejchu allin ruwajcunataka.

San Mateo 12:7 Referans Kwoze

Oseas 6:6

Noqa munakunawaykichejta munani, manataj uywa ñak'asqata jaywanallawaykichejtachu. Diosniykichejta jina rejsikapunawaykichejta munani, manataj uywa ñak'asqata q'olachispa jaywanallawaykichejtachu.

San Mateo 9:13

Qankunarí rispa, yachaqamuychej imatachus Diospa Qhelqachisqanpi pay niyta munasqanta: Noqaqa ujkunata khuyanaykichejta munani, mana uywa wañuchisqa q'olachinatachu, nispa. Noqarí mana cheqan runa kasqankuta yuyakojkunatachu wajyaj jamuni, manachayqa juchasapa kasqankuta reparakojkunata, nispa.

Proverbios 17:15

Tata Dios manapuni munanchu pipis juchallikojta llimphuman orqhonanta, nillataj kusikunchu pipis mana juchayojta juchachasqanmanta.

Hechos 13:27

Chaywanpis Jerusalenpi tiyakojkuna, kamachejninkukuna ima mana repararqankuchu pichus Jesús kasqanta, nitaj entienderqankuchu Diosmanta sut'inchajkunaj qhelqasqankuta, sapa samarina p'unchaypi chayta ñawirispapis. Aswanpis Jesusta wañuchisqa kananpaj juchacharqanku, ajinamantataj ñawpa sut'inchajkunaj nisqankuta junt'arqanku.

San Mateo 22:29

Chantá Jesús paykunaman kuticherqa: Qankunaqa pantashankichej, mana Diospa Qhelqachisqanta, nitaj Diospa atiynintapis yachasqaykichejrayku.

Salmos 94:21

Jinallataj cheqan runaj contranpi oqharikunku, mana juchayoj runatataj wañuchisqa kananpaj juchachanku.

Santiago 5:6

Jinallataj qankunaqa mana juchayoj runakunata juchachaspa wañuchinkichej, paykunataj mana imatapis kutichikuyta atinkuchu.

Salmos 109:31

imaraykuchus payqa wajchakunaman kutikun, juchachayta munajpa makinmantataj paykunata kacharichin.

Job 32:3

Jinallataj Jobpa kinsantin kawsaqenkunapaj phiñakullarqataj, Jobta juchayojta rikhurichisqankumanta, juchayoj kasqanta mana allinta sut'inchaspalla.

1 Samuel 15:22

Chantá Samuel kuticherqa: Imataj astawan Tata Diospa sonqonta kusichinri? Uywata ñak'aspa q'olachinachu, chayrí kamachisqanta kasunachu? Cheqamanta aswan allin payta kasuna, uywata ñak'aspa q'olachinamanta nisqaqa. Jinataj nisqanta uyarina aswan allin, corderoj wiranta jaywanamanta nisqaqa.

Marcos 12:33

Chantá Diosta tukuy sonqonchejwan munakuna, tukuy yuyayninchejwan, tukuy kallpanchejwan ima, jinallataj runa masinchejtapis noqanchejta jina munakunanchej tiyan. Chaymin aswan uywa ñak'asqa q'olachinamanta, Diosman waj jaywanata jaywanamanta ima nisqaqa, nispa.

Josué 5:5

Egiptomanta llojsimojkunaqa tukuyninku circuncidasqa karqanku. Ch'innejta jamushajtinku paqarejkunarí mana circuncidasqachu karqanku.