San Mateo 12:2 - DIOSPA QHELQACHISQ

² Fariseokunatajrí chayta rikuspa, Jesusta nerqanku: Qhaway yachachisqaykikunata, samarina p'unchaypi mana ruwanata ruwashanku, nispa.

Qheshwa Biblia DC

² Fariseostaj chayta rikuspa, Jesusman nerqanku: Qhaway yachachisqasniykita, samakuna diapi mana ruwanata ruwashanku.

DIOSPA QHELQACHISQAN DEUTEROCANONICAL

² Fariseokunatajrí chayta rikuspa, Jesusta nerqanku: Qhaway yachachisqaykikunata, samarina p'unchaypi mana ruwanata ruwashanku, nispa.

Quechua South Bolivia: Dios Parlapawanchej

² Fariseo partemanta runasri chayta ricuspa Jesusman nerkancu: —Khawaymá, yachacojcunayqui samacuna p'unchaypi cayjinata llanc'ancu camachiwaskanchejta mana casuspa, —nispa.

San Mateo 12:2 Referans Kwoze

San Mateo 12:10

Chaypitaj makin ch'akisqa uj runa kasharqa. Jinapi fariseokunaqa Jesusta ch'ataykuyta munaspa, taporqanku: Samarina p'unchaypi onqosqata qhaliyachiy atikunchu? nispa.

San Lucas 14:3

Chantá Jesús Diospa kamachisqanmanta yachachejkunata, fariseokunata ima taporqa: Samarina p'unchaypi onqosqakunata qhaliyachina atikunmanchu? nispa.

San Lucas 23:56

Chantá wasinkuman kutirispa, chay warmikuna sumaj q'apashaj jawinakunata wakicherqanku. Jinaytawantaj, kamachisqaman jina samarikorqanku, samarina p'unchay kasqanrayku.

Isaías 58:13

Samarina p'unchaypi ama karuta puriychejchu, nitaj ajllakusqay p'unchaypi munayniykichejta ruwaychejchu. Manachayqa kayta niychej: Chay p'unchayqa Tata Diospa sumaj p'unchaynin, nispa. Chay p'unchaypi noqata jatunchawankichej mana imatachus munasqaykichejta ruwaspa, nitaj munasqaykichejta mask'aspa, nillataj qhasi manakajta parlaspa.

Éxodo 35:2

Sojta p'unchayta llank'ankichej, qanchis kaj p'unchaypitaj samarinkichej, Tata Diospaj t'aqasqa p'unchay kasqanrayku. Pillapis chay p'unchaypi ruwananta ruwajqa wañuchisqa kanqa.

Éxodo 23:12

Sojta p'unchayta llank'anki, qanchis kaj p'unchaypitaj samarinki, wakayki, burroyki samarinankupaj. Ajinata ruwanki wata runayki kallpanman kutirinanpaj, jinallataj waj llajtayoj runapis.

San Mateo 12:3

Jesustajrí fariseokunata nerqa: Manachu jayk'ajpis ñawirerqankichej David, paywan kajkunawan ima, yarqhachikuspa imatachus ruwasqankumanta?

Marcos 2:24

Chayta rikuspa, fariseokunaqa Jesusta nerqanku: Qhaway, imaraykutaj yachachisqaykikuna samarina p'unchaypi imatachus mana ruwanata ruwashankuri? nispa.

San Lucas 6:2

Fariseokunatajrí paykunata taporqanku: Imaraykutaj samarina p'unchaypi mana ruwanata ruwashankichejri? nispa.