San Mateo 11:5 - DIOSPA QHELQACHISQ

⁵ Ñawsakunaqa rikunku, suchukunapis puririnku, jinallataj llejti onqoyniyojkuna llimphuchasqa kanku. Joq'arakunapis uyarinku, wañusqakuna kawsarimunku, wajchakunamanpis Diosmanta sumaj willay willakun.

Qheshwa Biblia DC

⁵ Ciegos rikunku, cojos puririnku, lepra onqoyniyojkuna llimphuchasqas kanku, lojt'us uyarinku, wañusqas kausarinku, wajchasmampis evangelio willakun.

DIOSPA QHELQACHISQAN DEUTEROCANONICAL

⁵ Ñawsakunaqa rikunku, suchukunapis puririnku, jinallataj llejti onqoyniyojkuna llimphuchasqa kanku. Joq'arakunapis uyarinku, wañusqakuna kawsarimunku, wajchakunamanpis Diosmanta sumaj willay willakun.

Quechua South Bolivia: Dios Parlapawanchej

⁵ Ciegos ricushancuña. Suchuspis purishancuña. Lepra onkoyniyoj runaspis thañiskasña cashancu. Lojt'uspis uyarishancuña, wañuska runastaj causarichiskasña cashancu. Sumaj willanasta wajcha runaspis uyarishallancu.

San Mateo 11:5 Referans Kwoze

San Lucas 4:18

Tukuyta Kamachej Diospa Espíritun noqapi kashan, imaraykuchus pay ajllawan sumaj willayta wajchakunaman willanaypaj. Chantá kachamuwan presokunaman kacharichisqa kanankuta willanaypaj, ñawsakunata qhawarichinaypaj, chantá ñak'arichisqa kajkunata qhespichinaypaj.

Isaías 29:18

Chaypacha pipis p'anqata sinch'ita ñawirejtin, joq'arakuna uyarenqanku. Ñawsakunapis laqha ukhupi kaspa, sut'ita rikonqanku.

Santiago 2:5

Munasqa wawqe panaykuna, allinta uyariwaychej: Manachu Diosqa pikunachus kay pachapi wajcha kajkunata ajllakun, Diospi atinikuypi qhapaj kanankupaj? Manachu paykuna kamachiyninpi chayaqeyoj kanqanku, Dios payta munakojkunaman chayaqeta qonanta nisqanman jina?

San Mateo 21:14

Ajinaqa Jesús Temploj pationpi kashajtin, ñawsakuna, suchukuna ima payman jamorqanku, Jesustaj paykunata qhaliyacherqa.

San Juan 10:38

Sichus Tataypa ruwananta ruwani chayrí, amapis noqapi atinikuychejchu. Aswanpis t'ukuna ruwasqallayta cheqapuni kasqanta creeychej. Ajinamanta sut'ita yachankichej Tata Dioswan, chantá noqawan ima ujlla kasqaykuta, nispa.

San Juan 10:25

Jesustaj kuticherqa: Willarqaykichejña, qankunataj nisqayta llullapaj jap'inkichej. Tataypa sutinpi t'ukuna imakunata ruwasqaypis sut'inta yachayta qosunkichej pichus noqa kasqayta.

San Juan 5:36

Noqaj ruwasqayrí Juanpa willasqanmanta astawanraj noqa pichus kasqaymanta sut'inchan. Noqaqa Tata Dios imatachus kamachiwasqanta ruwani, chay ruwasqaytaj Tata Dios kachamuwasqanmanta sut'ita yachayta qon.

San Juan 3:2

Uj ch'isi Jesusta watukoj rispa, pay nerqa: Yachachej Wiraqochi, yachachinawaykupaj Diospa kachamusqan kasqaykita yachayku. Mana pipis, imatachus qan ruwanki, chay jina runaj mana jayk'aj rikusqan t'ukunata ruwayta atinmanchu, Dios mana paywan kajtenqa, nispa.

San Juan 2:23

Pascua raymipi Jesús Jerusalenpi kashajtin, ashkha runakuna paypi atinikorqanku, runaj mana jayk'aj rikusqan t'ukunata ruwasqanta rikuspa.

Marcos 9:25

Chantá ashkha runakuna tantakamushajta rikuspa, Jesús chay supayta k'amerqa: Kay waynata opayachej, joq'arayachej supay, noqa kamachiyki: Llojsiy paymanta, amataj ujtawan payman kutiykunkichu, nispa.

Marcos 7:37

Chayta uyarejkunataj maytapuni t'ukuspa, nerqanku: Kay Jesusqa tukuy imata allinta ruwan. Joq'arakunata uyarichin, opakunatapis parlarichin, nispa.

San Mateo 10:8

Chantá onqosqakunata qhaliyachiychej, wañusqakunatataj kawsarichiychej. Jinallataj llejti onqoyniyojkunata qhaliyachispa llimphuchaychej, supaykunatapis runakunamanta qharqoychej. Qankunaqa kay atiyta qhasilla jap'erqankichej. Chayrayku chay ruwasqaykichejmantaqa ama pagachikuychejchu.

San Mateo 9:30

Chay kikinpachataj chay ñawsakunaqa qhawarerqankupacha. Chantá, Jesús paykunaman mayta kamacherqa: Amapuni ni piman kayta willankichejchu, nispa.

Isaías 66:2

Noqa makiywan kay tukuy imata ruwarqani, ajinamantataj kay tukuy ima rikhurerqa. Ajinata noqa Tata Dios nini. Chantá nillanitaj: Pichus llamp'u sonqoyoj kajta noqa qhawasaj, pikunachus nisqayta uyarispa kharkatitinku, chaykunata.

Isaías 43:8

Tata Dios nillantaj: Aylluy ukhumanta wajyamuychej, pikunachus rikushaspapis mana rikunkuchu, uyarishaspapis mana uyarinkuchu, chaykunata.

Salmos 146:8

Tata Diosqa mana rikojkunata qhawarichin, urmajkunatapis aysarin. Tata Diosqa cheqanta ruwaspa purejkunata munakun.

Salmos 22:26

26 (27) Wajcha runakuna sajsakunankukama mikhonqanku. Tata Diosta mask'ajkuna payta yupaychanqanku, unaytataj kawsanqanku.

2 Reyes 5:14

Chantá Namanqa Jordán mayuman rispa, Diospa sut'inchajninpa nisqanman jina qanchis kutita p'ultiykakamorqa. Chaypipachataj ukhonqa wawaj ukhunman jina tukorqa, llimphuyachisqataj karqa.

2 Reyes 5:7

Chantá Israel suyuta kuraj kamachej cartata ñawiriytawankama, p'achanta llik'irakuspa, nerqa: Noqa Dioschu kasqani, runata wañuchinaypaj, kawsachinaypajpis, noqa chay runata qhaliyachinaypaj kachamunawanpajri? Qankuna allinta reparaychej: Kay runaqa maqanakuta mask'ashan, nispa.

San Mateo 5:3

Kusikuyniyojmin kanku wajcha sonqoyoj kasqankuta reparakojkunaqa, imaraykuchus janaj pachamanta Diospa kamachiyninpi kanqanku.

Hechos 2:22

Israelitakuna, kay nisqayta uyariwaychej: Diosqa qankunaman sut'ita rejsicherqa Nazaret llajtayoj Jesuspuni paypa kachamusqan kasqanta, qankuna ukhupi paynejta t'ukuna imakunata, runaj mana jayk'aj rikusqanta ima ruwaspa. Chayta allinta yachankichej, imaraykuchus qankuna ukhupipuni chay karqa.

Zacarías 11:7

Jinataj noqa Zacarías ñak'anapaj karqanku, chay ovejakunata micherqani, astawanqa tullu ovejakunata. Chantá iskay tojnuta oqharikuspa, ujninta suticharqani: “Khuyakuy”, nispa, chay ujnintataj “Ujchakuy”, nispa.

Éxodo 4:11

Tata Diostaj kuticherqa: Chantá pitaj runata simiyojta ruwarqari? Manachu noqa Tata Dios runata opayachini, joq'arayachini, ñawsayachini, chayrí qhawarichini?

Isaías 29:19

Tata Diosqa llamp'u sonqoyojkunata mayta kusichenqa, aswan wajcha kajkunapis Israelpa May Llimphu Kaj Diosninkurayku maytapuni kusikonqanku.

San Mateo 11:4

Jesustaj paykunaman kuticherqa: Rispa, Juanman willamuychej imatachus rikushankichej, uyarishankichejtaj, chay tukuyta:

San Mateo 12:13

Chaymantataj Jesús chay runata nerqa: Makiykita jaywariy, nispa. Paytaj makinta jaywarejtin, chay makenqa qhaliyaporqa, ujnin kaj makin jina.

San Juan 9:7

Chantá payta nerqa: Kunanqa rispa, Siloé nisqa estanquepi mayllakamuy, nispa (Siloé “kachasqa” niyta munan). Ñawsa runataj rispa, mayllakamorqa, chantá rikushaj wasinman kutiporqa.