San Mateo 11:21 - DIOSPA QHELQACHISQ

²¹ Nerqataj: Ay, Corazín llajtayojkuna, qankunamanta imallachus kanqa. Ay imallachus kanqa qankunamantapis, Betsaida llajtayojkuna. Sichus Tiro llajtapi, jinataj Sidón llajtapi pipis qankuna ukhupi kay ruwasqay t'ukunata ruwanman karqa chayqa, maypachaña Diosman kutirikunkuman karqa. Paykunaqa qhashqa p'achata churakuspa, ushpha patapi tiyaspataj, Diosman kutirikusqankumanta yachayta qonkuman karqa.

Qheshwa Biblia DC

²¹ Nerqataj: Ay qanmanta, Corazín llajta! Ay qanmantapis Betsaida llajta! Tiropi, Sidompi imatajchus milagros qankuna ukhupi jina, ruwakunman karqa chayqa; maypachaña paykunaqa Diosman kutirikunkuman karqa, ushpharara qhashqa p'achata churakuspa.

DIOSPA QHELQACHISQAN DEUTEROCANONICAL

²¹ Nerqataj: Ay, Corazín llajtayojkuna, qankunamanta imallachus kanqa. Ay imallachus kanqa qankunamantapis, Betsaida llajtayojkuna. Sichus Tiro llajtapi, jinataj Sidón llajtapi pipis qankuna ukhupi kay ruwasqay t'ukunata ruwanman karqa chayqa, maypachaña Diosman kutirikunkuman karqa. Paykunaqa qhashqa p'achata churakuspa, ushpha patapi tiyaspataj, Diosman kutirikusqankumanta yachayta qonkuman karqa.

Quechua South Bolivia: Dios Parlapawanchej

²¹ —¡Ay, phutiy, ari, kancuna Corazín llajtapi tiyacojcunapajka! ¡Ay, phutiy, ari, kancuna Betsaida llajtapi tiyacojcunapajka! Dios atiyninwan jatun t'ucunasta kancuna uqhupi ruwarka. Tiro llajtayojcuna Sidón llajtayojcunapis ancha sajras carkancu. Chaywanpis paycuna uqhupi chay jatun t'ucunasta Dios ruwanman carka chayka, paycunaka payman unayña cutiricapuncuman carka. Ajinaka llamp'u sonkowan juchallicuskancumanta mayta llaquicuspa sajra ruwaskasnincuta sakepuncuman carka. Chayta ricuchinancupaj luto p'achasnincuta usphatawan umasnincuman jich'acuncuman carka.

San Mateo 11:21 Referans Kwoze

Hechos 12:20

Kuraj kamachej Herodesqa chaypacha manchay phiñasqa karqa Tiro llajtamanta kajkunapaj, Sidón llajtamanta kajkunapajwan. Chayrayku paykuna uj yuyaylla tantaykukuspa, kamachej Herodeswan parlaj rerqanku. Ñawpajtaqa Herodespa mayordomon Blastoman lluk'iykorqanku, paynejta Herodeswan allinyakunankupaj, imaraykuchus paykuna Herodespa suyunmanta mikhunata rantej kanku.

San Juan 12:21

Paykunataj Galileamanta Betsaida llajtayoj Felipeman chimpaykuspa, nerqanku: Wiraqochi, Jesuswan parlariyta munaykuman, nispa.

San Lucas 9:10

Mayk'ajchus Jesuspa kuraj kachankuna kutimorqanku chaypacha, Jesusman willarqanku tukuy imatachus ruwasqankumanta. Chantá paykunata pusariykukuspa, Jesusqa Betsaida llajtanejman rerqa.

Marcos 6:45

Chaymanta Jesús yachachisqankunata nerqa boteman yaykunankuta, qocha chimpapi Betsaida llajtaman ñawpashanankupaj. Chaykamataj Jesusqa runakunata kachapusharqa.

San Mateo 15:21

Chantá Jesús Genesaretmanta puririspa, Tiro llajta, Sidón llajta chaynejman rerqa.

Job 42:6

Chayrayku imatachus nisqaymanta p'enqakuni, qanmantaj jallp'a patapi, ushpha patapi ima tiyaspa k'umuykamuyki, nispa.

Judas 1:11

Ay mana cheqanta yachachejkunamanta imallachus kanqapis. Paykuna Cainpa ruwasqanta ruwaspa purinku. Jinallataj qolqerayku Balaam jina runata q'otiyanku, Chantá Coré jina Diospa contranpi oqharikullasqankupitaj chinkachisqa kanqanku.

San Juan 1:44

Felipeqa Betsaida llajtamanta karqa. Andreswan, Pedrowanpis chayllamantataj karqanku.

San Lucas 6:17

Jesuswan, chay chunka iskayniyoj kuraj kachankunawan ima orqomanta urayk'amuspa, uj pampaman chayarqanku. Chaypitaj payta suyasharqanku yachachisqankuna, waj ashkha runapis tukuy Judea jap'iymanta, Jerusalén llajtamanta, qocha kantupi Tiro qayllapi llajtakunamanta, Sidón qayllapi llajtakunamanta ima.

Marcos 8:22

Chay qhepata Jesuswan, yachachisqankunawan ima Betsaida llajtaman chayarqanku. Jinapi runakunaqa Jesusman uj ñawsa runata pusamuspa, llankhaykunanta qhaliyachinanpaj mañarqanku.

Marcos 7:31

Tiro nisqa cheqamanta llojsispa, Jesús Sidonnejta rerqa, Galilea qochamantaj chayarqa, Decápolis cheqanejpi.

Marcos 3:8

Jesuspa t'ukunata ruwasqanmanta uyarisqankurayku runakuna Jerusalenmantapis jamullarqankutaj, Idumeamanta, Jordán mayu chimpamanta, chantá Tiroj, Sidonpa muyuyninmanta ima.

San Mateo 18:7

Ay, kay pachapi juchallinaman tanqajkunamanta. Juchallinaman tanqajkunaqa kallanqankupuni. Chaywanpis ay, imapichus tukukonqa, pichus ujkunata juchallinaman tanqajqa.

San Mateo 11:22

Chayrayku niykichej: Juicio p'unchaypeqa, Tiro llajtayojkunapaj, Sidón llajtayojkunapaj ima aswan pisi ñak'ariy kanqa. Qankunapajrí aswan sinch'i ñak'ariy kanqa.

Hechos 27:3

Q'ayantenqa Sidón llajtaman chayarqayku. Ajinaqa capitán Julio k'acha runa kasqanrayku, Pablota saqerqa kawsaqenkunata waturikamojta, paykuna imallapipis Pablota yanaparinankupaj.

San Lucas 4:26

Diostajrí Eliastaqa mana ni mayqen israelita warmisapamanchu kacharqa, manachayqa Sidonpi kaj Sarepta llajtayoj warmisapallaman.

Marcos 7:24

Chay qhepata Jesusqa Tiro cheqanejman rerqa. Paytaj chaypi kasqanta mana pipis yachananta munaspa, uj wasiman yaykorqa. Chaywanpis mana pakakuyta aterqachu.

San Mateo 26:24

Kayta sut'ita niykichej: Runaj Churenqa wañunanpuni tiyan. Chaywanpis, ay, chay runamanta pichus payta wasanchaspa jap'ichin, chaymanta. Allin kanman karqa chay runapaj mana paqarinan, nispa.

Jeremías 13:27

Khuchichakuypi purisqaykita rikuni, q'oñiriyniyki jap'isojtin, mana p'enqakuspa, phisu warmi jina purisqaykita. Orqokunapi, jinallataj pampapipis wasanchasqaykita rikullanitaj. Ay, Jerusalén, qanmanta imachus kanqa. Mayk'ajkamataj chay jina ch'ichipaj qhawasqa kallankipuniri? nispa.

Joel 3:4

4 (4.4) Qankunarí Tiropi, Sidonpi tiyakojkuna, jinataj Filisteapi tiyakojkuna ima, noqamanta imatataj munankichejri? Vengakuytachu munankichej? Chayrí pagachikuwaytachu munashankichej? Tumpamantawan noqaqa aylluyta ruwasqaykichejman jina ñak'arichisqaykichej.

Amós 1:9

Tata Dios kay jinata nillantaj: Tiro llajtayojkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus tukuy llajtantinta wata runata jina jap'ispa, Edomman venderqanku. Manataj yuyarikorqankuchu Israelwan allinta kawsanankupaj tratota ruwasqankumanta.

Apocalipsis 6:12

Jayk'ajchus sojta kaj sellota Cordero llik'erqa chaypacha, rikorqani manchay jallp'a ikhakuyta. Inteqa yana tela jina yanayarqa, killataj yawar jina pukaman tukorqa.

Apocalipsis 11:3

Noqatajrí iskay testigokunata kachamusaj, qhashqa p'achawan p'achallisqata. Paykunataj 1.260 p'unchayta sut'inchanqanku.