San Mateo 11:11 - DIOSPA QHELQACHISQ

¹¹ Noqa sut'ita nillaykichejtaj: Tukuy runamanta mana ujllapis Juanmanta nisqaqa aswan kuraj kanchu. Chaywanpis Diospa janaj pacha kamachiyninpi mana kasu ruwana kaj Juanmanta aswan kurajraj.

Qheshwa Biblia DC

¹¹ Cheqamanta niykichej: Tukuy nacikojkunamanta, mana ujpis Juan Bautistamanta nisqaqa aswan kuraj rikhurimorqachu. Janaj pacha Diospa reinompi, aswan juch'uy kajpis, kurajmin paymantaqa.

DIOSPA QHELQACHISQAN DEUTEROCANONICAL

¹¹ Noqa sut'ita nillaykichejtaj: Tukuy runamanta mana ujllapis Juanmanta nisqaqa aswan kuraj kanchu. Chaywanpis Diospa janaj pacha kamachiyninpi mana kasu ruwana kaj Juanmanta aswan kurajraj.

Quechua South Bolivia: Dios Parlapawanchej

¹¹ Nokataj chekatapuni niyquichej: Tucuynin runas uqhupi ni uj runa canchu aswan curaj bautizaj Juanmanta niskaka. Dios camachin, chaypirí aswan pisipaj khawaska cajka aswan curajpunimin Juanmanta niskaka.

San Mateo 11:11 Referans Kwoze

San Lucas 7:28

Noqataj niykichej: Tukuy runamanta mana ujllapis Juanmanta nisqaqa aswan kuraj kanchu. Chaywanpis, Diospa kamachiyninpi aswan mana kasu ruwana kajqa paymanta aswan kurajraj, nispa.

Efesios 3:8

Noqa Diospa tukuy ajllakusqanmanta aswan mana kasu ruwana kashajtiypis, Dios maypaj qhawawaspa, uj sumaj ruwanata qowarqa, Cristoj may qhapaj sumaj willayninta mana judiokunaman willanaypaj.

San Juan 1:15

Paymanta jatunmanta parlaspa, Bautizaj Juan nerqa: Kaymá qhepayta chay jamojqa. Chaywanpis payqa noqamanta aswan kurajmin, imaraykuchus manaraj noqa kashajtiy, pay karqañapuni, nispa.

San Mateo 5:19

Sichus pipis kay kamachisqakunamanta aswan juch'uy kajllatapis p'akinman, jinallataj wajkunamanpis p'akiyta yachachinman chayqa, janaj pachamanta Dios kay pachapi kamachishajtin chay runaqa pisipaj qhawasqa kanqa. Ajinallatataj sichus pipis Diospa kamachisqanta junt'anqa, jinallataj wajkunamanpis junt'ayta yachachenqa chayqa, chaymá sumaj jatunpaj qhawasqa kanqa janaj pachamanta Dios kay pachapi kamachishajtin.

San Mateo 3:11

Noqaqa yakuwan bautizaykichej, Diosman kutirikusqaykichejmanta yachayta qospa. Qhepayta jamojrí noqamanta aswan atiyniyoj, noqataj mana paypa wata runan kanaypaj jinallapischu kani. Payqa Santo Espirituwan, ninawan ima bautizasonqachej.

San Lucas 9:48

Chantá nerqa: Pichus sutiypi kay wawa jina kajta: Walejta jamunki, nispa jap'ikojqa noqata jap'ikushawan. Jinallatataj pichus noqata jap'ikuwajpis kachamuwaj Tataytapis jap'ikullantaj. Chayrayku qankunamanta pisipaj qhawasqa kaj kurajniykichej kanqa, nispa.

1 Pedro 1:10

Diosmanta sut'inchajkunaqa qhespichisqa kanamanta allinta yachayta munaspa, watorqanku. Parlallarqankutaj, Dios qhasilla k'acha yanapayninpi imatachus qankunaman qonasuykichej kasharqa, chaymantapis.

Hebreos 11:40

Ajina karqa Dios aswan allin imakunata noqanchejpaj wakichisqanrayku, ajinamanta paykunapis noqanchejwan khuska mana pantayniyoj kanaman chayanankupaj.

1 Corintios 15:9

Noqaqa Jesuspa kuraj kachankuna ukhupi aswan mana kasu ruwana kani, manataj Jesuspa kuraj kachan nisqa kanaypaj jinachu, ñawpajta Diospa iglesianta chinkachiyta munaspa qhatiykachasqayrayku.

1 Corintios 6:4

Ajinaqa, sichus qankuna ukhupi ima jawa ch'ajwachinakuy tiyan chayqa, imajtintaj Diosta mana qhatej juezkunaman rinkichejri? Chay juezkunataqa wawqe panakuna mana respetowanchu qhawanku, mana iglesiamantachu kasqankurayku.

San Juan 10:41

Chantá ashkha runakuna payman rispa, ujkuna ujkuna ninakorqanku: Cheqapuni Bautizaj Juanqa mana runaj mana jayk'aj rikusqan ima t'ukunatapis ruwarqachu. Chaywanpis Jesusmanta tukuy nisqanqa cheqapuni kasqa, nispa.

San Juan 3:30

Payqa astawan, astawan kurajpaj qhawasqa kanan tiyan, noqatajrí pisillapajña qhawasqa, nispa.

Salmos 51:5

5 (7) Paqarisqaymantapacha juchallinaman aysasqa sonqo kasqayta yachani. Mamaypa wijsanmantapacha noqa juchasapa kani.

Job 15:14

Imataj runa kasqa llimphu kasqanta yuyananpajri? Warmimanta paqarej runaqa cheqan kanmanchu?

Job 14:4

Pitaj ch'ichita llimphuman tukuchiyta atinmanri? Mana pipis atinmanchu.

Job 14:1

Chantá Job nillarqataj: Warmimanta paqarej runaqa mana unaytachu kawsan, kawsaynintaj imaymana llakiykunawan junt'a.

San Juan 5:35

Juanpa yachachisqanqa laqhapi k'anchay jina karqa, qankunataj yachachisqanta uyarispa, kusikorqankichej.

San Juan 1:27

Paymin qhepayta jamushan. Noqarí mana paypa wata runan kanaypaj jinallapischu kani, nispa.

Zacarías 12:8

Chaymantataj noqa Tata Diosqa Jerusalenpi tiyakojkunatañataj waqaychasaj. Chaypi pisi kallpayojkuna David jina kallpasapaman tukonqanku, Davidpa ayllunmanta kajkunataj Dios jina kanqanku, paykunaj ñawpaqenkuta rej Diospa angelnin jinataj.

San Juan 7:39

Chayta nispa, Jesús paypi atinikojkunamanta parlasharqa, pikunamanchus Dios Santo Espirituta qonan karqa, chaykunamanta. Chaywanpis Santo Espíritu manaraj jamusqachu, imajtinchus Jesús manaraj janaj pachaman kutipusqachu.

Isaías 30:26

Chaypacha killaj k'anchaynenqa intej k'anchaynin jina kanqa. Inteqa k'anchasqanmanta qanchis jinatawan jina k'anchanqa, qanchis intikunapis ujllapi k'anchamushanman jina. Chaypachallataj Tata Diosqa ayllunpa k'irisqanta jampenqa, mayqenkunatachus payllataj k'iriykorqa, chayta.

Job 25:4

Runaqa Diospa ñawpaqenpi llimphu kayta atinmanchu? Mana pipis warmimanta paqarejqa juchamanta llimphuchu.

1 Samuel 2:30

Chayrayku Israelpa Diosnin Tata Dios nin: Noqa nerqani qanwan, aylluykiwan ima ñawpaqeypi wiñaypaj sacerdoteykuna kanaykichej tiyan, nispa. Kunanrí niykichej: Manapuni jinachu kanqa, manachayqa jatunchawajkunata jatunchallasajtaj, qhesachawajkunatapis p'enqaypi rikhurichisaj. Noqa Tata Diosmin chayta nini.

Efesios 2:3

Ñawpajta tukuyninchej ajinallatataj kawsaj kanchej. Juchallinaman aysaj sonqonchejpa munayninman jina purej kanchej, munasqanta, yuyasqanta ima ruwaspa. Ajinamanta noqanchejpis chay wajkuna jina Diosnejta sinch'i jasut'isqa kanapaj jina karqanchej.

2 Timoteo 1:10

Kunantajrí chay k'acha kaynenqa qhespichiwajninchej Jesucristo rikhurimusqanrayku rikuchisqa kashan. Payqa wañuypa atiyninta phirispa, sumaj willaynejta wiñay kawsayta qowarqanchej.

San Lucas 1:15

imaraykuchus pay jatunpaj qhawasqa kanqa Tukuyta Kamachej Diospa ñawpaqenpi. Mana vinota, nitaj ima machachej ujyanata ujyanqachu. Chantá mamanpa wijsanmantapacha Santo Espíritoj kamachiyninpi kanqa.

San Mateo 3:1

Chaymanta unaynejman Bautizaj Juan rikhurimuspa, Judeaj ch'innejpi qhespichejmanta willarayta qallarerqa.

San Mateo 11:10

Kay Juanmanta parlaspa, Diospa Qhelqachisqanpi nin: Noqa willajniyta ñawpaqeykita kachamushani, ñanta wakichipusunanpaj, nispa.

San Mateo 11:12

Bautizaj Juan jamusqanmantapacha kunankamaqa, Diospa janaj pacha kamachiynenqa ñawpajman rishan, awqakuna mana munashajtinkupis. Mana manchachikojkunatajrí Diospa kamachiyninman kallpankuwan yaykuyta munashanku.