San Mateo 10:6 - DIOSPA QHELQACHISQ

⁶ Manachayqa Israel ayllullaman riychej, pikunachus chinkasqa oveja jina kanku, chaykunallaman.

Qheshwa Biblia DC

⁶ Manachayqa riychej Israel wasimanta chinkasqa ovejasman.

DIOSPA QHELQACHISQAN DEUTEROCANONICAL

⁶ Manachayqa Israel ayllullaman riychej, pikunachus chinkasqa oveja jina kanku, chaykunallaman.

Quechua South Bolivia: Dios Parlapawanchej

⁶ Manachayrí llajta-masisninchejllaman riychej. Paycunaka Diospa ajllaskan israelcuna ayllumanta chincaska ovejasjina cancu.

San Mateo 10:6 Referans Kwoze

Jeremías 50:6

Aylloyqa chinkasqa ovejakuna jina kanku. Michejninkukunataj mana allintachu paykunata micherqanku, manachayqa orqonejpi paykunata chinkaracherqanku. Ovejaykunaqa orqomanta orqo purerqanku, puñuna kanchankutapis qonqaporqanku.

1 Pedro 2:25

Ñawpajta qankuna chinkasqa ovejakuna jina karqankichej. Kunantajrí Cristoman kutirikunkichejña, paytaj michej jina qankunamanta allinta qhawashan.

Hechos 13:46

Chantá Pablowan, Bernabewan mana manchachikuspa, chay judiokunata nerqanku: Diospa simi nisqanta qankunamanraj willanayku karqa. Qankunatajrí qhesachankichej, nitaj wiñay kawsaytapis jap'ikuyta munankichejchu. Chayrayku kunanqa mana judío kajkunaman chay willayta willasqayku.

Ezequiel 34:6

Ovejaykuna tukuy lomakunapi, tukuy orqokunapi chinkasqa purerqanku, tukuynejpi ch'eqerasqa. Chaywanpis mana pipis paykunamanta khuyarikoj karqachu, nitaj mask'amojpis rerqachu.

Isaías 53:6

Tukuyninchej ovejakuna jina ch'eqerapunchej, sapa ujtaj munasqanchej ñanta ririkapunchej. Tata Diostajrí tukuynin juchanchejta payman q'epirichenqa.

Salmos 119:176

Chinkasqa oveja jina purerqani. Mask'aj jamuy ari, imaraykuchus kamachisqaykimanta mana qonqapunichu.

Hechos 3:26

Chayrayku Churin Jesusta wañusqamanta kawsarichimuspa, Dios payta ñawpajta qankunamanraj kachamorqa, sapa ujniykichej millay kawsayniykichejmanta Diosman kutirikuspa saminchasqa kanaykichejpaj, nispa. Ajinata Pedro chay runakunaman nerqa.

San Mateo 18:10

Qankunaqa kay juch'uykunamanta ama mayqentapis pisipaj qhawankichejchu, imaraykuchus noqa niykichej: Paykunaj angelninkoqa janaj pachapi Tata Diosniypa uyanta qhawashankupuni.

Ezequiel 34:8

Noqa Tukuyta Kamachej Tata Dios sutiyrayku tiluspa, nini: Campopi kaj imaymana k'ita phiña animalkuna ovejaykunata jap'ispa, mikhuykorqanku mana michejniyoj kasqankurayku. Michejniykunataj ovejaykunata mana mask'amorqankuchu. Paykuna kikinku allin mikhusqa kanallankumanta qhawarqanku, ovejaykunatatajrí mana michipuwarqankuchu.

Hechos 26:20

Ajinaqa Damascopiraj Jesusmanta willayta qallarerqani, chaymantá Jerusalenpi, qhepantataj tukuy Judeapi. Mana judío kajkunamanpis noqa Jesusmanta willallarqanitaj. Tukuyninkuman nerqani Diosman kutirikunankuta, jinataj allin kajta ruwaspa, Diosman kutirikusqankumanta yachayta qonankupaj.

Hechos 18:6

Paykunarí Pabloj contranpi oqharikuspa, Diospa contranta rimaspa ima churanakojtinku, Pabloqa ñawpaqenkupi p'achanta thalarakorqa mana allinta ruwasqankuta yachayta qospa. Paykunamantaj nerqa: Dios jasut'isojtiykichejqa, noqaqa mana juchayojchu kasaj. Kunanmantapacha mana judío kajkunaman yachachej risaj, nispa.

San Lucas 24:47

Chantá Jerusalenpi qallarispa, payta qhatikojkuna Jesuspa sutinpi tukuy runaman willananku karqa Diosman kutirikunankuta, ajinamanta Dios juchankuta pampachananpaj.

Ezequiel 34:16

Chinkasqa ovejakunata noqa mask'amusaj, ch'eqerasqatataj tropaman kutirichimusaj. Chakin p'akisqata tableyaykusaj, mayt'uykusajtaj. Tulluyajkunata makimanta mikhuchisaj, kallpasapa wira ovejakunatataj maychus michinata michisaj, nispa.

Jeremías 50:17

Israel aylloqa chinkasqa oveja jina, leonkunaj qhatiykachasqan. Ñawpajta Asiriata kuraj kamachejraj oqoykorqa. Chaymantataj Babiloniata kuraj kamachej Nabucodonosorñataj tullunta phiriykorqa.

Ezequiel 34:4

Chaywanpis tullu ovejakunata mana yanaparinkichejchu, onqosqakunatapis mana jampinkichejchu. Chakin p'akisqakunatapis mana tableyaykunkichejchu. Oveja tropanmanta t'aqakuspa chinkajkunatapis manallataj mask'ankichejchu, tropanman kutichimunaykichejpaj. Aswanpis oveja tropata munayniykichejman jina apaykachaspa, ñak'arichinkichej.

San Mateo 18:11

Runaj Churintaj chinkasqa kajkunata qhespichej jamun, nispa.