San Mateo 10:41 - DIOSPA QHELQACHISQ

⁴¹ Sichus pipis Diosmanta sut'inchajta wajyarikun Diosmanta sut'inchaj kasqanrayku chayqa, payqa Diosmanta sut'inchaj jinallataj t'inkata jap'enqa. Sichus pipis cheqan runata wajyarikun cheqan runa kasqanrayku chayqa, paypis cheqan runa jinallataj t'inkata jap'enqa.

Qheshwa Biblia DC

⁴¹ Pichus profetata wajyarin, profeta kasqanrayku chayqa, profetaj t'inkanta jap'enqa. Jinallataj, allin runata wajyarejqa, allin runa kasqanrayku chayqa, paypis allin runaj t'inkanta jap'illanqataj.

DIOSPA QHELQACHISQAN DEUTEROCANONICAL

⁴¹ Sichus pipis Diosmanta sut'inchajta wajyarikun Diosmanta sut'inchaj kasqanrayku chayqa, payqa Diosmanta sut'inchaj jinallataj t'inkata jap'enqa. Sichus pipis cheqan runata wajyarikun cheqan runa kasqanrayku chayqa, paypis cheqan runa jinallataj t'inkata jap'enqa.

Quechua South Bolivia: Dios Parlapawanchej

⁴¹ Diospa willajninta c'achata wajyarejka willaj caskanraycu, willajpa jap'inantajinallataj Diosmanta jap'enka. Chekan ruwaj runata wajyarejka, chekan ruwaj caskanraycu chay ruwajpa jap'inantajinallataj Diosmanta jap'enka.

San Mateo 10:41 Referans Kwoze

Hebreos 6:10

Diosqa cheqan kaspa, ruwasqaykichejmanta mana qonqaponqachu, jinallataj payta munakusqaykichejmantapis. Chayrayku qankuna Diospa ajllakusqankunata yanaparqankichej, kunanpis yanapashallankichejpuni.

2 Juan 1:8

Qankunarí allinta qhawakuychej, Diospaj ruwasqaykichej ama qhasi kananpaj, aswanpis junt'asqa t'inkaykichejta jap'inaykichejpaj.

Génesis 20:7

Kunanqa chay warmita qosanman kutichipuy, imaraykuchus payqa noqamanta sut'inchajmin. Paytaj kawsanaykipaj qanrayku noqamanta mañapusonqa. Warmintachus mana kutichipunki chayrí, qan, chantá tukuy qanpata kajkuna ima wañunkichejpuni, nispa.

1 Corintios 9:17

Munasqayraykullachus willarayman chayqa, pagachikuyta atiyman. Chaywanpis kamachiwasqanta junt'anayrayku willarashani, imaraykuchus Dios willaranayta kamachiwarqa.

San Mateo 16:27

Aswan qhepaman Runaj Churenqa Tatanpa jatun kayninpa lliphipiyninpi jamonqa, angelninkunawan khuska. Chaypachataj pay sapa ujman ruwasqanman jina qoponqa.

San Mateo 6:18

Ama runakuna ayunasqaykichejta yachachunkuchu, manachayqa pakaypi kaj Tata Diosnillaykichej yachachun. Jinapitaj pakaypi rikoj Tata Diosniykichejqa runaj ñawpaqenpi t'inkachisonqachej.

Romanos 16:23

Gayopis napaykamullasunkichejtaj. Payqa wasinman wajyarikuwarqa, jinallataj tukuy iglesiamanta kajkuna wasinpi tantakunku. Llajtapi qolqeta jallch'aj Erasto napaykamullasunkichejtaj, jinallataj wawqenchej Cuartopis.

San Mateo 6:6

Qankunarí Tata Diosniykichejwan parlarikunaykichejpajqa, cuartoykichejman yaykuspa punkuta wisq'aychej, chaypitaj pakaypi Tata Diosniykichejwan parlarikuychej. Chantá pakaypi parlarikusqaykichejta uyarej Tata Diosniykichejqa tukuypa ñawpaqenpi t'inkachisonqachej.

Hechos 16:15

Jinapi Lidia bautizachikorqa tukuy wasi ayllunwan ima. Chantá pay niwarqayku: Sichus qankuna yuyankichej Tukuyta Kamachej Jesuspi tukuy sonqo atinikusqayta chayqa, wasiyman jamuriychej uj mashkha p'unchayllatapis qheparikunaykichejpaj, nispa. Ajinamanta Lidia mayta mañakuwasqaykurayku wasinman rerqayku.

San Mateo 6:4

Ajinaqa mana pejpa yachasqanta wajchakunata khuyaychej. Chantá, pakaypi khuyasqaykichejta rikoj Tata Diosniykichej tukuypa ñawpaqenpi t'inkachisonqachej.

San Mateo 6:1

Jesús yachachillarqataj: Ima allinta ruwaspaqa, ama runakunaj rikunantachu ruwaychej, paykuna jatunchasunaykichejpaj. Ajinata ruwajtiykichejqa, janaj pachapi kashaj Tata Diosniykichejqa mana ima t'inkatapis qosonqachejchu.

Isaías 3:10

Cheqanta kawsaj runakunata niychej, paykunata tukuy imapi allin rinanta, imaraykuchus ruwasqankuman jina Tata Dios paykunaman kutichiponqa.

San Mateo 7:8

Pichus Diosmanta mañakojqa jap'in, mask'ajtaj tarin, punkuta takajpajpis Dios punkuta kicharin.

San Mateo 25:44

Chantá paykuna taponqanku: Tukuyta Kamachej, mayk'ajtaj rikusorqayku yarqhasqata, yakumanta ch'akichikojta, karu llajtayoj kasqaykita, p'achamanta pisichikojta, onqosqata, carcelpi wisq'asqata ima, manataj yanapasorqaykuchuri? nispa.

San Mateo 25:45

Kuraj Kamachejtaj paykunaman kutichenqa: Sut'ita niykichej: Sichus aswan pisipaj qhawasqa ujnin kaj wawqeyta mana yanaparqankichejchu chayqa, nillataj noqatapis yanapawarqankichejchu, nispa.