San Mateo 10:4 - DIOSPA QHELQACHISQ

⁴ cananeo nisqa Simón, Judas Iscariote ima, pichus Jesusta jap'ichinan karqa, chay.

DIOSPA QHELQACHISQAN DEUTEROCANONICAL

⁴ cananeo nisqa Simón, Judas Iscariote ima, pichus Jesusta jap'ichinan karqa, chay.

Quechua South Bolivia: Dios Parlapawanchej

⁴ Simón cananista partemanta, Judás Iscariotewan. Payka khepata Jesusta churanacojcunanman jaywaycorka.

San Mateo 10:4 Referans Kwoze

San Mateo 26:14

Chaypacha Jesuspa chunka iskayniyoj yachachisqankunamanta ujnin, Judas Iscariote sutiyoj kuraj sacerdotekunaman rerqa.

San Juan 13:2

Jesuswan, yachachisqankunawan ima manaraj Pascua cenata mikhushajtinku, Kuraj Supayqa Simonpa churin Judas Iscarioteta yuyaychasqaña Jesusta jap'ichinanpaj.

San Juan 6:71

Chayta Jesús nisharqa Simonpa churin Judas Iscariotemanta, imaraykuchus pay Jesusta jap'ichinan karqa, chunka iskayniyoj yachachisqankunamanta ujnin kashaspapis.

Marcos 14:43

Jesús parlashajtillanraj, Judas chayaykamorqa. Payqa chunka iskayniyojmanta ujnin kaj karqa. Jinallataj paywan khuska ashkha runakuna jamorqanku espadayoj, k'aspiyoj ima. Chay runakunataqa kuraj sacerdotekuna, Diospa kamachisqanmanta yachachejkuna, kurajkuna ima kachamusqanku.

San Mateo 26:47

Jesús parlashajtillanraj, Judas chayaykamorqa. Payqa Jesuspa chunka iskayniyoj yachachisqankunamanta ujnin kaj karqa. Jinallataj paywan khuska ashkha runakuna jamorqanku espadayoj, k'aspiyoj ima. Chay runakunata kuraj sacerdotekuna, llajtamanta kurajkuna ima kachamusqanku.

San Lucas 22:47

Jesús parlashajtillanraj, ashkha runakuna chayamorqanku, ñawpaqenkutataj ujnin kuraj kachan, Judas sutiyoj jamusharqa. Paytaj qayllaykuspa, Jesusta uyanpi much'aykorqa.

San Lucas 22:3

Chantá Supay Satanasqa Judas Iscarioteman yaykorqa, pichus Jesuspa chunka iskayniyoj kuraj kachankunamanta ujnin karqa, chayman.

Marcos 14:10

Chaymanta Jesuspa chunka iskayniyoj yachachisqankunamanta ujnin, Judas Iscariote sutiyoj, kuraj sacerdotekunawan parlamoj rerqa, Jesusta jap'ichinanpaj.

San Mateo 27:3

Chantá wasanchaj Judasqa Jesusta wañunanpaj juchachasqata rikuspa, sonqonta nanachikorqa. Chayrayku chay kinsa chunka qolqeta kuraj sacerdotekunaman, kurajkunaman ima kutichiporqa.

Hechos 1:25

Paytaj kuraj kachaykikunamanta ujnin kanqa, jinataj Judaspa ruwananta ruwanqa, imaraykuchus Judas juchanrayku ruwananta saqerparerqa, kunantaj maychus rinanman ripunña, nispa.

Hechos 1:13

Llajtaman chayaspataj, paykuna maypichus tiyakusharqanku, chay wasej alto patanman wicharerqanku. Paykuna karqanku: Pedro, Santiago, Juan, Andrés, Felipe, Tomás, Bartolomé, Mateo, Alfeoj churin Santiago, Zelote nisqa Simón, Santiagoj wawqen Judas ima.

San Mateo 26:2

Qankunaqa yachankichej iskay p'unchaymantawan Pascua raymi kananta. Chaypacha Runaj Churinta jap'enqanku cruzman chakataykunankupaj, nispa.

San Mateo 26:15

Nerqataj: Jesustachus jap'ichiykichejman chayqa, mashkhatataj pagawankichejmanri? nispa. Paykunataj nerqanku: Kinsa chunka qolqeta qosqayku, nispa.

San Juan 6:64

Chaywanpis qankunamanta wakin mana noqapi atinikuyta munankichejchu, nispa. Jesús chayta nerqa, imaraykuchus qallariymantapacha yacharqa pikunachus paypi mana atinikunankuta, jinallatataj pichus payta wasanchaspa, jap'ichinantapis.