San Mateo 10:23 - DIOSPA QHELQACHISQ

²³ Sichus mayqen llajtapipis chejnispa qhatiykachasunkichej chayqa, waj llajtamanñataj ayqeychej. Kayta sut'ita niykichej: Manaraj tukuy israelitakunaj llajtankukunapi willayta tukushajtiykichej, ñapis Runaj Churenqa kutimonqaña, nispa.

Qheshwa Biblia DC

²³ Mayqen llajtallapipis chejnisunkichejman chayqa, waj llajtamanñataj ayqeychej. Cheqamanta niykichej ari, manaraj tukuy israelitaspa llajtasnimpi willayta tukushajtiykichej, ñapis Runaj Churenqa jamonqaña.

DIOSPA QHELQACHISQAN DEUTEROCANONICAL

²³ Sichus mayqen llajtapipis chejnispa qhatiykachasunkichej chayqa, waj llajtamanñataj ayqeychej. Kayta sut'ita niykichej: Manaraj tukuy israelitakunaj llajtankukunapi willayta tukushajtiykichej, ñapis Runaj Churenqa kutimonqaña, nispa.

Quechua South Bolivia: Dios Parlapawanchej

²³ Uj llajtapi nac'arichisojtiyquichejka waj llajtaman aykecuychej. Noka, Diospa cachaska Runan, niyquichej chekatapuni manaraj tucuy Israel llajtasta rishajtiyquichej cutimunayta.

San Mateo 10:23 Referans Kwoze

San Mateo 16:28

Kayta sut'ita niykichej: Kaypi kajkunamanta wakin mana wañonqankuchu, Runaj Churinta kamachinanpaj jamushajta rikunankukama, nispa.

Hechos 17:10

Chay tutapacha wawqe panakunaqa Pablota, Silastawan Berea llajtaman kacharpayarqanku. Jaqayman chayaspataj, judiokunaj tantakunanku wasiman yaykorqanku.

Hechos 8:1

Saulopaj Estebanta wañuchisqankoqa allillan karqa. Chaymantapachataj Jerusalenpi ashkha runakuna Jesuspa iglesianta qhatiykachayta qallarerqanku. Chayrayku iglesiamanta ashkha ayqekorqanku Judea jap'iyman, Samaria jap'iyman ima. Jesuspa kuraj kachankunalla Jerusalenpi qhepakorqanku.

Marcos 13:26

Chaypacha Runaj Churinta phuyupi jamushajta rikonqanku, jatun atiywan, jatun kayninpa lliphipiyninwan ima.

San Lucas 21:27

Chantá runakuna chaypacha rikonqanku Runaj Churinta phuyupi jamushajta, manchay atiywan, jatun kayninpa lliphipiyninwan ima.

San Lucas 18:8

Noqa niykichej: Mana suyachikuspa, Dios justiciata ruwanqapuni. Chaywanpis Diospa Churin kay pachaman kutimuspa, mashkha runatataj Diospi atinikushajta tarenqari? nispa.

San Juan 7:1

Chay qhepata Jesusqa Galileapi purisharqa, manataj Judeapi puriyta munarqachu, imaraykuchus judiokunaj kurajninkukuna wañuchinankupaj payta mask'asharqanku.

San Mateo 26:64

Jesustaj kuticherqa: Arí, qan ninki. Astawanqa niykichej: Kunanmanta ñawpajman Runaj Churinta rikunkichej Tukuy Atiyniyoj Diospa pañanpi tiyashajta, jinallataj phuyu patapi janaj pachamanta jamushajta ima, nispa.

San Mateo 24:30

Chaypacha Runaj Churinpa jamuyninmanta señal janajpi rikhurimonqa. Jinapitaj tukuy kay pachapi ayllukuna mayta manchachikuspa, waqanqanku. Chantá paykuna Runaj Churinta janaj pachamanta phuyu patapi jamushajta rikuwanqanku, jatun atiywan, jatun kayniypa lliphipiyninwan ima.

Hechos 17:14

Chantá wawqe panakunaqa Pablota usqhayllata kacharpayarqanku, mama qochaj kantunman rinanpaj. Silaswan, Timoteowantajrí Bereapi qhepakorqanku.

San Mateo 25:13

Noqataj qankunatapis nillaykichejtaj: Wakichisqapuni kaychej, imaraykuchus mana yachankichejchu ima p'unchaytachus, chayrí ima phanitachus Runaj Churin kutimunanta, nispa.

San Mateo 24:48

Chaywanpis mayordomo sajra sonqoyoj kaspa, ichapis ninman: Patronneyqa manaraj chayamonqachu, nispa.

San Mateo 24:27

Manachayqa imaynatachus lliuj lliujqa inti llojsimuynejmanta inti yaykuynejkama lliphipirispa k'ancharin, ajinallataj kanqa Runaj Churinpa jamunan p'unchay.

San Mateo 23:34

Chayrayku noqaqa Diosmanta sut'inchajkunata kachamusqaykichej, yachayniyojkunata, yachachejkunata ima. Qankunatajrí wakinta wañuchinkichej, wakinta cruzman chakatankichej, wakintataj tantakuna wasikunapi jasut'inkichej, wajkunatataj llajtamanta llajta qhatiykachankichej.

San Mateo 4:12

Jesusqa Bautizaj Juan preso kasqanta uyarispa, Galileaman kutirerqa.

San Mateo 2:13

Yachaysapa runakuna ripusqankumantaña, Diospa angelnenqa Joseman mosqoypi rikhurispa, nerqa: Sayariy, wawata, mamantawan pusariykukuspa, Egipto suyuman ayqey. Chaypitaj qhepakunki, noqa ujtawan willasunaykama, imaraykuchus Herodesqa wawata wañuchinanpaj mask'anqa, nispa.

Hechos 20:1

Éfeso llajtapi ch'ajwa ch'inyajtin, Pabloqa Jesusta qhatikojkunata wajyacherqa. Chantá paykunaj sonqonkuta oqharerqa, jinataj tinkunakama kachun, nispa Macedonia jap'iyman rerqa.

Jeremías 26:21

Kuraj kamachej Joacintaj, tukuy kamachinkuna, kurajninkunapis Uriaspa nisqanta uyarejtinku, kuraj kamachejqa Uriasta wañuchichiyta munasqa. Uriasrí chayta yachaspa mancharikuytawan, Egiptoman ayqerikapusqa.

San Mateo 16:27

Aswan qhepaman Runaj Churenqa Tatanpa jatun kayninpa lliphipiyninpi jamonqa, angelninkunawan khuska. Chaypachataj pay sapa ujman ruwasqanman jina qoponqa.

San Mateo 23:36

Kayta sut'ita niykichej: Kay tukuy imamanta jasut'eyqa kunan p'unchay kawsajkunaj patankuman urmamonqa, nispa.

San Mateo 24:34

Kayta sut'ita niykichej: Manaraj mita masiykichej tukukushajtinku, kay tukuy ima junt'akunan tiyan.