San Mateo 10:22 - DIOSPA QHELQACHISQ

²² Noqarayku tukuy runakuna chejnisonqachej. Chaywanpis qankunamanta pichus tukukuykama sinch'ita sayaj, chay runata Dios qhespichenqa.

Qheshwa Biblia DC

²² Noqarayku tukuy runas chejnisonqachej. Pichus tukukuykama, sumajta sayanqa, chay salvasqa kanqa.

DIOSPA QHELQACHISQAN DEUTEROCANONICAL

²² Noqarayku tukuy runakuna chejnisonqachej. Chaywanpis qankunamanta pichus tukukuykama sinch'ita sayaj, chay runata Dios qhespichenqa.

Quechua South Bolivia: Dios Parlapawanchej

²² Nokamanta willaraskayquichejraycu tucuy runas kancunata chejnicusonkachejpuni. Tucucunancama nokapi confiaspallapuni muchojrí wiñay causayniyoj canka.

San Mateo 10:22 Referans Kwoze

San Mateo 24:13

Chaywanpis qankunamanta pichus tukukuykama sinch'ita sayaj, chay runatamá Dios qhespichenqa.

Santiago 1:12

Kusisqamin pichus tukuy imaymana mana allin kaj qhatirejtin sinch'ita sayajqa, imaraykuchus chay mana allin kajta atipasqanmanta payqa wiñay kawsayta pilluta jina jap'enqa. Chayta Diosmin payta munakojkunaman qonanta nerqa.

Apocalipsis 2:10

Chaywanpis imatachus ñak'arinaykimanta ama manchachikuychu, imaraykuchus Kuraj Supay qankunamanta wakinta wisq'achenqa, cheqatapunichus noqapi atinikusqaykichejta yachananpaj. Chaypacha, chunka p'unchayta ñak'arichisqa kankichej. Qanrí wañunaykikama kasuwaspallapuni puriy, noqataj wiñay kawsayta t'inkata jina qosqayki.

Marcos 13:13

Kay pachapi tukuy runakuna noqarayku chejnisonqachej. Chaywanpis qankunamanta pichus tukukuykama sinch'ita sayaj, chay runata Dios qhespichenqa.

San Mateo 10:39

Pichus noqata kasunawanmanta nisqa kawsaynin aswan kasqanta qhawanman chayqa, payqa mana wiñay kawsayman yaykonqachu. Chaywanpis pichus noqarayku kawsayninta mana may kasqanta qhawanchu, chay runa wiñay kawsayman yaykonqa.

1 Juan 3:13

Wawqe panaykuna, sichus Diosman mana kutirikojkuna chejnisunkichej chayqa, ama t'ukuychejchu.

San Mateo 24:9

Chantá runakuna qankunata jap'ichispa, ñak'arichisonqachej, wakinniykichejtataj wañuchisonqachej. Ajinata tukuy runaj chejnisqan kankichej noqaj sutiyrayku.

Romanos 2:7

Allinta ruwaspa mana sayk'ojkunaman Dios wiñay kawsayta qonqa, pikunachus Diospa ñawpaqenpi jatunpaj qhawasqa kayta mask'anku, mana jayk'aj wañuyta ima, chaykunaman.

Hebreos 6:11

Chaywanpis munayku ari, sapa ujniykichej k'uchi kasqaykichejta tukukuykama rikuchinaykichejta, Diospi atinikuspa imatachus suyakushankichej, chayta jap'inaykichejpaj.

San Juan 17:14

Nisqaykita paykunaman willarqani. Diosman mana kutirikojkunatajrí paykunata chejnerqanku, imaraykuchus manaña paykuna jinachu kanku. Noqapis manallataj paykuna jinachu kani.

Gálatas 6:9

Chayrayku allin kajta ruwaspa, ama sayk'unachu, imaraykuchus mana sayk'uspa ruwallasunchejpuni chayqa, maychus tiemponpi Dios t'inkata qowasunchej.

San Lucas 6:22

Kusikuyniyojmin kankichej pikunachus Runaj Churinrayku waj runakuna chejnisojtiykichej, paykuna ukhumanta qharqosojtiykichej, rimasojtiykichej, millay runakunata jina qhesachasojtiykichej ima.

2 Corintios 4:11

Noqaykoqa kawsashaspapis, Jesusrayku wañuyman jaywasqa kashayku, ajinamanta wañoj ukhuykupi Jesuspa kawsaynin rikukunanpaj.

San Mateo 5:11

Qankunapis kusikuyniyojmin kankichej, runakuna noqarayku qankunapaj rimajtinku, chejnispa ñak'arichisojtiykichej, llullakuspa contraykichejpi imaymanata nejtinku ima.

Apocalipsis 2:17

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun: Noqaqa pichus atipajman maná nisqa chay pakasqa mikhunata mikhuchisaj. Jinallataj uj yuraj rumisituta qosaj, chay rumisitupitaj mosoj suti qhelqasqa kanqa. Chay sutita mana pipis yachanqachu, manachayqa pichus chay rumita jap'ejlla yachanqa.

San Juan 7:7

Runakuna qankunata mana chejnikusunkichejchu. Noqatarí chejnikuwanku, imaraykuchus noqaqa ruwasqanku mana allinchu kasqanta sut'ita nipuni.

San Lucas 8:15

Sumaj jallp'api t'akasqa mujurí ninakun, pikunachus tukuy sonqowan, cheqan yuyaywantaj Diospa simi nisqanta uyarinku, chaykunawan. Paykuna sonqonkupi Diospa simi nisqanta sumajta jap'ikuspa, chaymanta ch'ipakunku. Chantá pacienciawan sumajta poqoj planta jina kanku, nispa.

Apocalipsis 3:21

Tukuy atipajkunaqa kamachinay tiyanapi noqawan tiyanqanku, imaynatachus noqapis atipaspa Tataywan khuska kamachinan tiyanapi tiyaykukorqani, ajinata.

Apocalipsis 2:7

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun. Chantá noqa pichus atipajman kawsay sach'amanta mikhuchisaj, mayqenchus Diospa janaj pacha huertanpi kashan, chaymanta.

Hebreos 3:14

Noqanchej Cristowan khuska chayaqeta jap'inanchejpaj churasqa kanchej, sichus Diospi atinikusqanchejpi qallariymanta tukukuykama sinch'ita sayasunchej chayqa.

Apocalipsis 2:26

Chantá noqaqa tukuy atipajkunaman, pikunachus tukukuykama kasuwanku chaykunaman suyukunata kamachinanpaj atiyta qosaj,

Hechos 9:16

Chantá payman rikuchillasajtaj may chhikatachus sutiyrayku ñak'arinanta, nispa.

Apocalipsis 2:3

Qanqa noqarayku pacienciakorqanki, jinallataj kasuwasqaykirayku mayta ñak'arichisqa kaspa, mana llawch'iyarqankichu.

Proverbios 29:27

Cheqanta ruwajkunaqa millayta ruwaj runakunata mana rikuyta munankuchu. Kikillantaj millayta ruwajkunaqa cheqan runakunata mana rikuyta munankuchu.

San Lucas 21:17

Noqarayku tukuy runaj chejninan kankichej.

San Lucas 21:19

Sinch'ita sayaychej, ajinamantataj wiñay kawsayta tarinkichej.