San Mateo 10:16 - DIOSPA QHELQACHISQ

¹⁶ Kunanqa, noqa kachashaykichej ovejatapis atojkunaj chawpinkuman kachashayman jina. Qankunarí katarikuna jina sumaj yuyayniyoj kaychej, urpikuna jinataj llamp'u sonqoyoj.

Qheshwa Biblia DC

¹⁶ Kunanqa, noqa kachashaykichej, ovejasta jina atojkunaj chaupinman. Kataris jina sumaj yuyayniyoj kankichej; palomas jinataj llamp'u sonqosniyoj.

DIOSPA QHELQACHISQAN DEUTEROCANONICAL

¹⁶ Kunanqa, noqa kachashaykichej ovejatapis atojkunaj chawpinkuman kachashayman jina. Qankunarí katarikuna jina sumaj yuyayniyoj kaychej, urpikuna jinataj llamp'u sonqoyoj.

Quechua South Bolivia: Dios Parlapawanchej

¹⁶ ‘Reparaychej noka cachashayquichej mana michejniyoj ovejastajina sajra atojcunaj chaupincuman. Chayraycu kancunaka sumaj yuyayniyoj llamp'u sonkoyojtaj canayquichej tiyan.

San Mateo 10:16 Referans Kwoze

San Lucas 10:3

Qankunaqa puririychej ari. Noqa kachashaykichej, corderokunatapis atojkunaj chawpinman kachashayman jina.

Filipenses 2:15

ama pipis qankunamanta millayta rimanankupaj. Qankunaqa millayta ruwaj runakuna ukhupi Diospa wawankuna jina allinta puriychej, mana imamanta juchachanapaj jina. Ajinata ruwaspa, kay pachapi ch'aska jina lliphipirinkichej.

1 Corintios 14:20

Wawqe panakuna, ama wawa jina yuyaychejchu. Mana allin kajllapaj wawa jina kaychej, imatapis qhawanapirí wiñay tukusqa runa jina kaychej.

Colosenses 4:5

Cristota mana qhatejkunawan allinta yuyaychakuspa puriychej. Jinallataj Diosmanta parlanaykichejpaj jina kajtin, paymanta parlaychejpacha.

San Lucas 21:15

imaraykuchus noqamin yachayta qosqaykichej, yuyaychasqaykichejtaj imatachus parlanaykichejta. Jinapi awqaykichejkuna chay parlasqaykichejta mana atipanqankuchu, nitaj kutichikuytapis atenqankuchu.

Hechos 20:29

Noqa yachani ripojtiykama, chawpiykichejman wajkuna phiña k'ita animal jina yaykuykamunankuta, tropata chinkachiyta munaspa.

2 Corintios 11:3

Jinapis kharkani qankunaqa Cristomanta ch'uwa sonqo kaywan yuyasqaykichejmanta pantachisqa kanaykichejta, imaynatachus kataripis Evata q'otiyarqa, ajinata.

1 Tesalonicenses 5:22

Tukuy mana allin kajmantarí karunchakuychej.

2 Corintios 11:14

Chaywanpis chaymanta mana t'ukusunmanchu, imaraykuchus Supay Satanaspis k'ancharishaj ángel rijch'akojman tukuriyta yachan.

Génesis 3:1

Katareqa Tata Dios tukuy imaymana k'ita animalkunata ruwasqanmanta may jina yuyaysapa karqa. Chantá uj kuti payqa warmita taporqa: Huertapi kaj tukuy sach'aj poqoyninta ama mikhunkichejchu, nispachu Dios nisorqachej? nispa.

1 Tesalonicenses 2:10

Qankuna yachankichej, Diospis yachallantaj, imaynatachus qankuna ukhupi allinta purisqaykuta, cheqanta ruwasqaykuta, chantá mana imamantapis k'aminapaj jina kasqaykuta ima.

Colosenses 1:9

Chayrayku noqayku tukuy chayta uyarisqaykumantapacha Dioswan parlarikuspa, qankunarayku mañapuyku, Tata Dios munayninta allintapuni rejsichisunaykichejpaj, jinataj Santo Espíritu yuyayta, yachayta ima qosunaykichejpaj.

2 Corintios 1:12

Noqayku kayta tukuy sonqo niyku: Dios yanapawarqayku ch'uwa sonqowan, chantá llimphu kawsaywan ima tukuywan allinpi kawsakunaykupaj, astawanqa qankunawan. Ajinata kanaykupaj noqayku Diospa qhasilla k'acha yanapayninpi atinikorqayku, manataj yachallasqaykupichu.

2 Corintios 8:20

Chantá ashkha ukhu rishayku ama pipis rimananpaj kay qolqe tantasqaykuta imaynatachus apaykachasqaykumanta.

Génesis 3:13

Chantá Tata Diosqa warmita taporqa: Imatataj ruwarqankiri? nispa. Paytaj kuticherqa: Katari q'otiyawarqa, chayrayku mikhorqani, nispa.

Jeremías 40:16

Ajicanpa churin Gedaliastajrí Careaj churin Johananman kuticherqa: Ama chayta ruwaychu. Ismaelmanta imatachus nisqaykeqa manamin jinachu, nispa.

Oseas 7:11

Efrainqa mana yuyayniyoj mancharisqa urpi jina. Egiptomanta yanapananta mañakun, yanapata mask'aspataj, Asiriamanpis qayllaykullantaj.

San Mateo 24:25

Kay nisqayta allinta uyariwajchej. Kay tukuyta ñawpajmantaña willashaykichej.

San Mateo 24:45

Pitaj allin yuyayniyoj mayordomo jina kanman? Paytaqa patronnin churan maychus tiemponpi kamachin masinkunaman mikhuchinanpaj.

San Mateo 25:2

Phishqa sipaskuna mana yuyayniyoj kasqanku, phishqataj yuyayniyoj.

San Mateo 25:4

Yuyayniyoj sipaskunarí, lamparankupi, yuritunkupi ima aceiteta apakusqanku.

San Mateo 25:9

Yuyayniyojkunatajrí kutichisqanku: Mana qoriykumanchu, imaraykuchus noqaykupaj, qankunapajpis pisiyanman. Aswanpis qhatojkunamanta aceiteta rantikamuychej ari, nispa.

Nehemías 4:13

Chayrayku kamacherqani sapa ayllumanta runakunata perqa wasaman pakaykukunankuta t'oqokunapi, q'asakunapipis, sapa uj espadayoj, lanzayoj, flechata kacharinapaj arcoyoj ima.