Marcos 1:13 - DIOSPA QHELQACHISQ

¹³ Jesustaj chaypi tawa chunka p'unchayta kasharqa k'ita phiña animalkunawan khuska. Chantá Supay Satanás jamuspa, juchallichiyta munarqa. Angelkunataj jamuspa, Jesusta yanaparqanku.

Qheshwa Biblia DC

¹³ Jesustaj chaypi karqa, tawa chunka p'unchayta; supaytaj probarqa. Chay ch'impi pay karqa, phiña animaleswan khuska. Angelestaj jamuspa mikhunata jaywarqanku.

DIOSPA QHELQACHISQAN DEUTEROCANONICAL

¹³ Jesustaj chaypi tawa chunka p'unchayta kasharqa k'ita phiña animalkunawan khuska. Chantá Supay Satanás jamuspa, juchallichiyta munarqa. Angelkunataj jamuspa, Jesusta yanaparqanku.

Quechua South Bolivia: Dios Parlapawanchej

¹³ Tawa chunca p'unchaycunata cacorka, q'ita animalespis cancu, chaypi. Supay Satanasri tucuy imata ruwasharka Jesusta juchallichinanpaj. Manataj payta juchallichiyta aterkachu. Diospa angelesnintaj jamuspa Jesuspa pisichicuskanta jaywarkancu.

Marcos 1:13 Referans Kwoze

Hebreos 4:15

Chay Kuraj Kaj Sacerdotenchej pisi kallpa kasqanchejta yachaspa, khuyarikuwanchej, imaraykuchus payqa noqanchej jinallataj juchallinaman tanqasqa karqa. Chaywanpis pay mana jayk'ajpis juchallerqachu.

Éxodo 34:28

Chantá Moisesqa Tata Dioswan tawa chunka p'unchayta, tawa chunka tutatawan chaypi qhepakorqa, mana imata mikhuspa, nitaj imata ujyaspa. Chaypi Moisesqa tratomanta chunka kamachisqakunata iskay p'alta rumipi qhelqarqa.

San Mateo 26:53

Manachu yachanki: Tataymantachus yanapanawanta mañakuyman chayqa, kunanpacha angelninkunamanta chunka iskayniyoj tropamanta astawan kachamuwanman?

Deuteronomio 9:25

Tata Dios qankunata wañuchinanta nisqanrayku, noqa tawa chunka p'unchayta, tawa chunka tutatawan paypa ñawpaqenpi qonqorikuspa karqani.

Deuteronomio 9:18

Chaymantataj Tata Diospa ñawpaqenman pampakama k'umuykukorqani. Chantá ñawpajta jina, tawa chunka p'unchayta, tawa chunka tutatawan mana mikhuspa, nitaj imatapis ujyaspa karqani. Qankuna chay jinata Tata Diospa contranta juchallispa phiñachisqaykichejmanta chayta ruwarqani.

Deuteronomio 9:11

Tawa chunka p'unchay, tawa chunka tuta pasajtintaj, chay iskay p'alta rumipi trato ruwasqa qhelqasqata Tata Dios jaywawarqa.

1 Timoteo 3:16

Kayta tukuy sonqo niyki: Jesucristopi atinikunamanta pakasqa yachayta sut'inchawasqanchejqa may jina t'ukunamin: Cristoqa runaman tukuspa, kay pachaman jamorqa. Santo Espiritutaj Cristo mana juchayoj kasqanta sut'incharqa. Angelkunapis Cristota rikorqanku. Jinataj payta qhatejkuna tukuy runaman paymanta willarqanku. Runakunataj tukuynejpi paypi atinikorqanku. Chaymantataj janaj pachapi jatun k'anchaypa lliphipiyninman oqharisqa karqa.

Éxodo 24:18

Moisestaj phuyu ukhuman yaykuspa, orqoman wicharerqa. Chaypitaj payqa tawa chunka p'unchayta, tawa chunka tutatawan qhepakorqa.

San Mateo 4:1

Chaymanta Santo Espiritoqa Jesusta ch'innejman pusarqa, chaypi Kuraj Supay atispaqa Jesusta juchallichinanpaj.

San Lucas 4:1

Jesusqa Santo Espíritoj kamachiyninpi kashaspa, Jordán mayumanta kutimorqa, Espiritutaj payta ch'innejman pusarqa.