San Lucas 9:5 - DIOSPA QHELQACHISQ

⁵ Sichus maypipis mana wajyarisunkichejmanchu chayqa, chay llajtamanta ripuychej, chakiykichejmanta jallp'ata thalarakuspa, ajinamanta mana allin ruwasqankuta yachanankupaj, nispa.

Qheshwa Biblia DC

⁵ Mayllapipis mana wajyarisojtiykichejqa, ripuychej chay llajtamanta, chakisniykichejmanta jallp'ata thalarakuspa; ajinamanta sajra kasqankuta yachanankupaj.

DIOSPA QHELQACHISQAN DEUTEROCANONICAL

⁵ Sichus maypipis mana wajyarisunkichejmanchu chayqa, chay llajtamanta ripuychej, chakiykichejmanta jallp'ata thalarakuspa, ajinamanta mana allin ruwasqankuta yachanankupaj, nispa.

Quechua South Bolivia: Dios Parlapawanchej

⁵ Runas mana wajyasojtiyquichejka chay llajtamanta llojsipuychej. Chaquisniyquichejmantataj jallp'anta thalaycarpaychej chay runaspa contrancupi. Chaywan runas yachankancu Diospa willanasninta khesachaskancuta, —nispa.

San Lucas 9:5 Referans Kwoze

Hechos 18:6

Paykunarí Pabloj contranpi oqharikuspa, Diospa contranta rimaspa ima churanakojtinku, Pabloqa ñawpaqenkupi p'achanta thalarakorqa mana allinta ruwasqankuta yachayta qospa. Paykunamantaj nerqa: Dios jasut'isojtiykichejqa, noqaqa mana juchayojchu kasaj. Kunanmantapacha mana judío kajkunaman yachachej risaj, nispa.

Hechos 13:51

Jinapi Pablowan, Bernabewan chay runakunaj contranpi chakinkumanta jallp'ata thalarakuspa, Iconio llajtaman riporqanku.

Marcos 6:11

Sichus maypipis mana wajyarisunkichejmanchu, nitaj uyarisunkichejmanchu chayqa, chakiykichejpi jallp'ata thalarakuspa, chaymanta ripuychej, ajinamanta mana allin ruwasqankuta yachanankupaj, nispa.

San Lucas 10:16

Yachachisqankunatatajrí Jesús nerqa: Pichus qankunata uyarejqa noqata uyariwan, pitajchus qankunata qhesachajqa noqata qhesachawan. Noqata qhesachawajrí, Diostapis qhesachallantaj, nispa.

San Lucas 9:48

Chantá nerqa: Pichus sutiypi kay wawa jina kajta: Walejta jamunki, nispa jap'ikojqa noqata jap'ikushawan. Jinallatataj pichus noqata jap'ikuwajpis kachamuwaj Tataytapis jap'ikullantaj. Chayrayku qankunamanta pisipaj qhawasqa kaj kurajniykichej kanqa, nispa.

Nehemías 5:13

Chay jawaqa p'achayta thalarikuspa, nerqani: Ajinata Diosqa pichus kay nisqanta mana junt'ajta wasinmanta wijch'urparichun, chay runataj mana ni imayoj rikhurichun, nispa. Chantá tukuy runakuna nerqanku: Ajina kachun, nispa. Tata Diostataj yupaycharqanku, nisqankutataj junt'arqanku.

Marcos 9:37

Pichus sutiypi kay wawa jina kajta, walejta jamunki, nispa jap'ikojqa noqata jap'ikushawan. Pichus noqata jap'ikuwajtaj, mana noqallatachu jap'ikuwan, aswanpis kachamuwajniy Tatayta, nispa.

San Lucas 5:14

Chantá Jesús nerqa: Ama ni piman kayta willankichu. Manachayqa sacerdoteman rispa rikuchikamuy, llimphuchasqa kasqaykimanta jaywanata apaspa, Moisespa kamachisqanman jina. Ajinamanta onqoyniykimanta llimphuchasqa kasqayki yachakonqa, nispa.

San Mateo 10:18

Noqaraykutaj llajtata kamachejkunaman, kuraj kamachejkunaman ima pusasonqachej. Chantá, ñawpaqenkupi paykunaman, mana judío kajkunamanpis noqamanta testigo jina willankichej.

San Lucas 9:4

Mayman rispaqa, uj wasillapi qhepakuychej, chay llajtamanta ripunaykichejkama.