San Lucas 9:26 - DIOSPA QHELQACHISQ

²⁶ Sichus pipis noqamanta, chantá nisqaymantawan ima p'enqakun chayqa, Runaj Churinpis paymanta p'enqakullanqataj. Ajinata ruwanqa, maypachachus jatun kayninpa lliphipiyninpi kutimonqa, chantá Tatanpa jatun kayninpa lliphipiyninwan, ajllasqa angelkunaj lliphipiyninkuwan ima, chaypacha.

Qheshwa Biblia DC

²⁶ Pillapis noqamanta, palabrasniymantawan p'enqakunman chayqa; paymantapis Runaj Churenqa p'enqakullanqataj, maypachachus lliphipej k'anchaynimpi jamuspa, chantá Tatampa k'anchaynimpiwan, ajllasqa angelespapiwan.

DIOSPA QHELQACHISQAN DEUTEROCANONICAL

²⁶ Sichus pipis noqamanta, chantá nisqaymantawan ima p'enqakun chayqa, Runaj Churinpis paymanta p'enqakullanqataj. Ajinata ruwanqa, maypachachus jatun kayninpa lliphipiyninpi kutimonqa, chantá Tatanpa jatun kayninpa lliphipiyninwan, ajllasqa angelkunaj lliphipiyninkuwan ima, chaypacha.

Quechua South Bolivia: Dios Parlapawanchej

²⁶ Pillapis nokamanta niskasniymantapis p'enkacunman chayka, nokapis cutimuspa paymantaka p'enkacullasajtaj. Noka, Diospa cachaska Runanka, cutimusaj jatun atiyniywan, Tatay Diospa atiyninwan, angelesninpa atiynincuwanpis.

San Lucas 9:26 Referans Kwoze

2 Timoteo 2:12

Paywan khuskachus ñak'arisun chayqa, paywan khuskallataj kamachiyninpi kamachisunchej. Sichus Cristota qhesachasun chayqa, paypis manallataj jap'ikuwasunchu.

Romanos 1:16

Noqaqa Jesuspa sumaj willayninmanta mana p'enqakunichu, imaraykuchus Jesuspa sumaj willayninnejta Dios yachayta qowanchej atiyniyoj kasqanta paypi tukuy atinikojkunata qhespichinanpaj, ñawpajta judiokunata, jinallataj mana judiokunatapis.

Marcos 8:38

Sichus pipis noqamanta chantá nisqaymantawan kay khuchichakoj juchasapakunaj ñawpaqenkupi p'enqakun chayqa, noqa Runaj Churinpis chay runamanta p'enqakullasajtaj, maypachachus Tata Diosniypa jatun kayninpa lliphipiyninpi, ajllasqa angelninkunawan kutimusaj, chaypacha, nispa.

Apocalipsis 21:8

Manchalikunarí, Diospi mana atinikuyta munajkuna, millay kajkuna, runa wañuchejkuna, khuchichakojkuna, layqakuna, lanti yupaychajkuna, chantá tukuy llullakojkuna ima azufrewan lawrashaj nina qochaman wijch'uykusqa kanqanku. Chaymá iskay kaj wañoyqa.

San Mateo 16:27

Aswan qhepaman Runaj Churenqa Tatanpa jatun kayninpa lliphipiyninpi jamonqa, angelninkunawan khuska. Chaypachataj pay sapa ujman ruwasqanman jina qoponqa.

San Mateo 25:31

Maypachachus Runaj Churin kuraj kamachej jina jatun kayninpa lliphipiyninpi, tukuy angelninkuwan jamonqa chaypacha, lliphipej kamachinan tiyanapi tiyaykukonqa.

San Juan 12:43

Paykunaqa runallaman allin rijch'ayta munarqanku, manataj Diosmanqa.

Apocalipsis 20:11

Chay qhepata noqa uj jatun yuraj kamachina tiyanata rikorqani, chaypi tiyasqa kashajtawan ima. Paypa ñawpaqenmantataj kay pacha, janajpis chinkasqata chinkarqanku.

Judas 1:14

Adanmantapacha qanchis kaj runa Enocqa chay jina runakunamanta kay jinata sut'incharqa: Tata Diosta waranqa waranqa angelninkunawan jamushajta rikorqani

2 Timoteo 1:12

Chayraykumin kay carcelpi wisq'asqa ñak'arishani. Chaywanpis mana p'enqakunichu, imaraykuchus pipichus atinikusqayta allinta yachani. Yachallanitaj pay atiyniyoj kasqanta chay imatachus qowasqanta jamoj p'unchaykama waqaychananpaj.

Apocalipsis 3:5

Tukuy atipajkunaqa yuraj p'achawan p'achallichisqa kanqanku, manataj kawsay p'anqamanta sutinkuta orqhosajchu. Manachayqa Tataypa ñawpaqenpi, chantá angelninkunaj ñawpaqenpi ima rejsichisaj paykuna noqajta kasqankuta.

Apocalipsis 1:7

Qhawaychej: Cristo phuyupi jamushan. Tukuy runakuna payta rikonqanku, jinallataj payta t'ojsejkunapis. Kay pachapi kaj chhika runakuna payta manchachikuspa, manchayta waqanqanku. Arí, ajina kachun.

Gálatas 6:14

Noqarí Tukuyta Kamachej Jesucristo cruzpi wañusqallanmanta jatunchakuni. Ajinamanta Diosman mana kutirikojkuna imatachus aswanpaj qhawanku, chaypaj wañuni Cristoj wañusqannejta. Jinallataj runa imatachus noqamanta yuyasqan mana jamuwanchu nitaj riwanchu. Paykunapajpis wañusqa jinallataj kani.

San Mateo 26:64

Jesustaj kuticherqa: Arí, qan ninki. Astawanqa niykichej: Kunanmanta ñawpajman Runaj Churinta rikunkichej Tukuy Atiyniyoj Diospa pañanpi tiyashajta, jinallataj phuyu patapi janaj pachamanta jamushajta ima, nispa.

Isaías 53:3

Runakuna payta qhesachanqanku, pisipajtaj qhawanqanku. Payqa imaymana nanaywan ñit'isqa kanqa, jinataj ñak'ariypi, llakiypi ima yachasqa kanqa. Payta wasanchaspa, wajnejta qhawasunchej. Payta qhesachasun manataj munakuywan qhawasunchu.

Hebreos 13:13

Chayrayku noqanchejpis Jesuswan khuskallataj jaramanta jawaman llojsinachej, pay jina p'enqayta k'umuykachachisqa kanata ñak'arinanchejpaj.

Hebreos 11:26

Moisesqa Egiptopi qhapaj kaspapis, repararqa chhika patapi kawsarikuna qhasilla kasqanta. Aswanpis Cristorayku qhesachasqa kana aswan sumaj kasqanta qhawarqa, imaraykuchus paypa yuyaynin janaj pachapi t'inka jap'inapi kasharqa.

2 Corintios 12:10

Chayrayku pisi kallpayoj kasqaymanta kusikuni. Jinallataj p'enqachisqa kasqaymanta, pisichikusqaymanta, qhatiykachasqa kasqaymanta, Cristomanta atinikusqayrayku, sinch'i llakiypi rikhurisqaymanta ima. Chaymanta noqa kusikuni, imaraykuchus pisi kallpayoj kashaspa, Jesusnejta aswan kallpayoj kani.

Daniel (hebreo) 7:10

ñawpaqenmantataj uj nina mayu llojsisqa. Waranqa waranqa angelkuna munayninta ruwanankupaj wakichisqa kashasqanku, ñawpaqenpi sayashajkunataj mana yupay atina kasqanku. Chantá chay Juezqa juzgayta qallarinanpaj tiyaykusqa, qhelqakunataj kicharisqa kasqa.

San Juan 5:44

Qankunaqa qankunapuralla jatunchanakuyta munankichej, manataj Dios jatunchasunaykichejta mask'ankichejchu. Jina chayqa, imaynatataj noqapi atinikuwajchejri?

Hechos 10:22

Paykunataj kuticherqanku: Capitán Cornelio kachamuwayku. Payqa cheqan runa, Diostataj jatun respetowan qhawan. Judío masiykikunapis payta jatunpaj qhawanku. Chantá Diospa angelnenqa Cornelioman rikhurispa, nerqa qanta wasinman wajyachisunanta, imatachus parlanaykita uyarinanpaj, nispa.

1 Timoteo 5:21

Noqaqa Diospa ñawpaqenpi, Tukuyta Kamachej Jesucristoj ñawpaqenpipis, chantá ajllasqa angelkunaj ñawpaqenpiwan ima kamachiyki kay kamachisqata junt'anaykita ama pitapis qhawaraspa, nitaj pimanpis uyata orqhospa.