San Lucas 8:47 - DIOSPA QHELQACHISQ

⁴⁷ Chantá chay warmi mana pakakuyta atispa, Jesusman kharkatitispa qayllaykorqa. Ñawpaqenman qonqoriykukuspataj, tukuy runaj ñawpaqenpi sut'incharqa, imaraykuchus Jesusta llankhaykusqanta, imaynatatajchus llankhaykusqantawan, onqoyninmanta qhaliyasqanta ima.

Qheshwa Biblia DC

⁴⁷ Warmitaj, mana pakakuyta atispa Jesusman kharkatitispa qayllaykorqa; ñaupaqenman qonqoriykukuspataj sut'inchayta munarqa tukuy runaj ñaupaqempi, imaraykuchus llankhaykusqanta; imaynatatajchus kikimpacha onqoyninmanta thañisqanta.

DIOSPA QHELQACHISQAN DEUTEROCANONICAL

⁴⁷ Chantá chay warmi mana pakakuyta atispa, Jesusman kharkatitispa qayllaykorqa. Ñawpaqenman qonqoriykukuspataj, tukuy runaj ñawpaqenpi sut'incharqa, imaraykuchus Jesusta llankhaykusqanta, imaynatatajchus llankhaykusqantawan, onqoyninmanta qhaliyasqanta ima.

Quechua South Bolivia: Dios Parlapawanchej

⁴⁷ Chay warmeka ruwaskanmanta yachacuskanta repararka. Chayraycu qharcatitispa Jesusman jamorka, ñaupakenpitaj konkoricorka. Tucuy runaspa ñaupakencupitaj imapajchus Jesusta jap'iricuskanta willacorka. Imaynatachus chay quiquinpacha thañicuskantawan willacorka.

San Lucas 8:47 Referans Kwoze

Marcos 5:33

Jinapi chay warmeqa qhaliyapusqanta yachakuspa, manchariywan kharkatitispa Jesusman chimpaykorqa. Ñawpaqenman qonqoriykukuspataj, imatachus ruwasqanta rimarerqa.

2 Corintios 7:15

Tito mayta munakusunkichej, imaraykuchus sapa kuti yuyarikun payta kasusqaykichejmanta. Pay chayamojtin, qankuna jatun respetowan jap'erqankichej, manchachikuywan ima.

Hebreos 12:28

Chayrayku Diosta pachis nina, imaraykuchus noqanchej mana kuyuchisqa kayta atej kamachinata jap'inchej. Pachis nina, sonqowantaj Diosta munasqanman jina yupaychana, tukuy sonqo payta may jatun respetowan qhawaspa, manchachikuspataj.

1 Corintios 2:3

Noqaqa qankuna ukhupi pisi kallpayoj karqani, mancha manchalla, kharkatitispataj.

Salmos 2:11

Tata Diosta may jatun respetowan qhawaspa yupaychaychej, kusikuspataj, payman k'umuykuychej.

Hechos 16:29

Chaymanta carcelpi kamachejqa k'anchata qochikuspa, carcel ukhuman yaykorqa, kharkatitispataj Pabloj, Silaspa ñawpaqenkuman wijch'uykukorqa.

1 Samuel 16:4

Samueltaj Tata Diospa kamachisqanta kikinta ruwarqa. Belenman chayashajtinñaqa, chay llajtamanta kurajkuna uj chhika mancharisqa taripaj llojsimuspa, Samuelta taporqanku: Allin sonqowanchu jamushawayku? nispa.

Habacuc 3:16

Kay tukuy imata uyarispa, manchachikorqani. Simiypis kharkatiterqa. Chakiy mana sayayta aterqachu, tukuy ukhuypis llawch'iyaporqa. Chaywanpis pacienciawan suyasaj, maypachachus Dios ñak'arichiwajninchej soldadokunata ñak'arichillanqataj, chay p'unchayta.

Isaías 66:2

Noqa makiywan kay tukuy imata ruwarqani, ajinamantataj kay tukuy ima rikhurerqa. Ajinata noqa Tata Dios nini. Chantá nillanitaj: Pichus llamp'u sonqoyoj kajta noqa qhawasaj, pikunachus nisqayta uyarispa kharkatitinku, chaykunata.

Salmos 38:9

9 (10) Tukuyta Kamachej Dios, qan tukuy munasqayta yachanki. Sonqoypa tukuy munasqanqa qanpaj mana pakasqachu.

Filipenses 2:12

Munasqa wawqe panakuna, noqa qankunawan kashajtiy, qankuna kasuwajpuni kankichej. Kunanrí qankunamanta karupi kashajtiy, astawanraj kasunawaykichej tiyan. Chayrayku atisqaykichejta ruwaychej qhespichisqa kasqaykichej imatachus ruwasqanta rikuchinaykichejpaj Diosta kasuspa, chantá payta may jatun respetowan qhawaspa ima.

San Mateo 28:8

Jinapi chay warmikuna chay aya p'ampanamanta llojsiytawan, mancha manchalla, chaywanpis manchay kusisqa, usqhayta rerqanku Jesuspa yachachisqankunaman willamoj.

Oseas 13:1

Efraín ayllu parlarejtenqa, Israelmanta wakin ayllukuna kharkatitej kanku, paytataj maypaj qhawaj kanku. Chaywanpis Efrainqa Baalta yupaychasqanrayku juchachakuspa wañorqa.

Oseas 5:3

Efrainta noqa rejsini. Payqa manamin mana rejsisqa jinachu noqapajqa. Efrainqa phisu warmi jina wajkunawan khuchichakorqa, Israelpis ch'ichichakullarqataj.

Salmos 66:16

Diosta manchay jatun respetowan qhawajkuna, tukuy jamuychej. Uyariychej, noqataj pay imatachus noqarayku ruwasqanta willasqaykichej.

San Lucas 8:46

Jesustajrí kuticherqa: Pipunichá llankhaykuwan, imaraykuchus noqamanta atiy llojsisqanta reparakuni, nispa.

San Lucas 8:48

Chantá Jesús nerqa: Wawáy, noqapi atinikusqaykirayku qhaliyachisqa kanki. Kunantaj sonqo tiyaykusqa ripuy, nispa.