San Lucas 8:15 - DIOSPA QHELQACHISQ

¹⁵ Sumaj jallp'api t'akasqa mujurí ninakun, pikunachus tukuy sonqowan, cheqan yuyaywantaj Diospa simi nisqanta uyarinku, chaykunawan. Paykuna sonqonkupi Diospa simi nisqanta sumajta jap'ikuspa, chaymanta ch'ipakunku. Chantá pacienciawan sumajta poqoj planta jina kanku, nispa.

Qheshwa Biblia DC

¹⁵ Sumaj jallp'api tarpusqa mujutaj ninakun, pikunachus sumaj sonqowan, cheqan yuyaywantaj Diospa palabranta uyarinku, jap'ispataj, pacienciawan sumaj poqoyta apanku.

DIOSPA QHELQACHISQAN DEUTEROCANONICAL

¹⁵ Sumaj jallp'api t'akasqa mujurí ninakun, pikunachus tukuy sonqowan, cheqan yuyaywantaj Diospa simi nisqanta uyarinku, chaykunawan. Paykuna sonqonkupi Diospa simi nisqanta sumajta jap'ikuspa, chaymanta ch'ipakunku. Chantá pacienciawan sumajta poqoj planta jina kanku, nispa.

Quechua South Bolivia: Dios Parlapawanchej

¹⁵ Waquin mujustaj allin jallp'aman urmarkancu. Ajinallatataj waquin runaspis c'acha sonkoncuwan Diospa niskanta sumajta casullancupuni. Paycunaka pokoyniyoj cancu Diosta cusichincutaj, —nispa.

San Lucas 8:15 Referans Kwoze

Hebreos 10:36

Qankuna pacienciakuyta necesitankichej, Diospa munasqanta ruwaspallapuni kanaykichejpaj. Chaypacha Dios imatachus qonawanchejta nisqanta jap'inkichej.

San Lucas 6:45

Jinallataj sumaj runaqa allinta parlan, imaraykuchus sonqonqa allin imakunawan junt'a kashan. Millay runarí mana allin kajta parlan, imaraykuchus sonqonqa mana allinkunawan junt'a. Imawanchus runaj sonqon junt'a kashan, chayman jina parlan.

1 Juan 2:3

Sichus Diospa kamachisqanta kasunchej chayqa, yachanchej cheqapuni Dioswan allinpi kawsakushasqanchejta.

Colosenses 1:10

Ajinata mañapuyku Tukuyta Kamachej Jesuspa munasqanman jina purinaykichejpaj, chantá tukuy imapi Diosta kusichinaykichejpaj. Ajinamanta allin kajta ruwaspa kankichej, jinataj Diosta astawan astawan rejsinkichej.

Colosenses 1:6

Chay sumaj willayta uyarisqaykichejqa tukuynejpi willasqa kashan. Chay runakunaqa chay sumaj willayta jap'ikusqankurayku waj jinaman tukuchisqa kashanku, imaynatachus qankunapis uyarisqaykichejmantapacha waj jinaman tukuchisqa karqankichej, ajinata. Qankunataj Diospa khuyakuyninmanta uyarispa, chaypacharaj cheqapuni kasqanta yacharqankichej.

San Juan 14:15

Jesús yachachisqankunata nillarqataj: Munakuwankichejchus chayqa, kamachisqaykunata kasuychej.

San Lucas 11:28

Jesustajrí kuticherqa: Diospa simi nisqanta uyarispa kasojkunamari kusikuyniyoj kanku, nispa.

Filipenses 1:11

Chay jinamanta qankuna Jesucristoj yanapasqanwan allin kajta ruwayta atinkichej, runakuna Tata Diosta yupaychanankupaj, chantá jatunchanankupaj ima.

Romanos 7:4

Ajinallatataj qankunapis, wawqe panaykuna, maypachachus Cristowan wañorqankichej chaypacha, manaña Moisespa kamachisqanpa atiyninpichu kankichej. Kunanrí pichus wañusqamanta kawsarichisqa karqa, chayman ujchasqa kankichej. Ajinamanta Diospaj allin imakunata ruwayta atinchej.

Romanos 6:22

Kunantajrí, juchaj wata runan kanamanta kacharichisqaña kaspa, Diospa wata runan kanaykichejpaj yaykupunkichej. Chaytaj qankunapaj arí sumaj, imajtinchus llimphu kawsayta tarinkichej, chaymantataj wiñay kawsayta jap'inkichej.

San Juan 15:10

Munakususqaykichejman jina kawsanaykichejpaj, kamachisqaykunata kasunaykichej tiyan, imaynatachus noqapis Tataypa kamachiwasqanta kasuspa munakuyninpi kawsani, ajinata.

San Mateo 24:13

Chaywanpis qankunamanta pichus tukukuykama sinch'ita sayaj, chay runatamá Dios qhespichenqa.

Deuteronomio 30:6

Tata Diosniykichejqa qankunaj sonqoykichejta, chantá wawaykichejkunaj sonqonkutapis kasukuyta munana sonqota ruwasonqachej, payta tukuy sonqoykichejwan, tukuy almaykichejwan ima munakunaykichejpaj. Ajinata ruwasqaykichejrayku unayta kawsankichej.

Hebreos 2:1

Chayrayku allinmin qhespichisqa kanamanta uyarisqanchejta tukuy sonqo kasunanchej, ama chaymanta pantaykunanchejpaj.

Efesios 2:8

Diosqa qhasilla k'acha yanapayninnejta qhespichisorqachej, maypachachus Jesucristopi atinikorqankichej, chaypacha. Qhespichisqa kanaqa mana qankuna imatapis ruwasqaykichejraykuchu, manachayqa Diospa qhasilla jaywasqan.

1 Corintios 7:19

Ajinaqa uj qhari circuncidasqa kanan, chayrí mana circuncidasqa kanan mana aswanchu. Aswanqa Diospa kamachisqanta junt'ana.

Romanos 7:18

Yachani noqapi, juchallinaman aysasqa sonqoypi allin kaj mana kasqanta, imaraykuchus allin kajta ruwayta munani chaypis, mana atinichu.

Romanos 2:7

Allinta ruwaspa mana sayk'ojkunaman Dios wiñay kawsayta qonqa, pikunachus Diospa ñawpaqenpi jatunpaj qhawasqa kayta mask'anku, mana jayk'aj wañuyta ima, chaykunaman.

Jeremías 31:33

Aswan qhepamanrí Israelwan tratota ruwasaj, chay tratotaj kay jina kanqa: Kamachisqayta yuyayninkuman churasaj, sonqonkupitaj qhelqaykusaj. Noqa Diosninku kasaj, paykunataj aylluy kanqanku. Noqa Tata Diosmin chayta nini.

Santiago 1:4

Chayrayku pacienciakullaychejpuni Diospa wawan kasqaykichejpi wiñay tukusqa, junt'asqa, chantá tukuy imapaj wakichisqa kanaykichejpaj.

Jeremías 32:29

Caldeokuna kay llajtaman yaykuspa, ninawan jap'iykuchenqanku. Maypichus israelitakuna noqata mayta phiñachiwaspa, Baalman inciensota q'oshñichej kanku, jinataj mana rejsisqa dioskunaman vinota jaywaj kanku, chay wasikunatapis ruphaykuchillanqankutaj.

Jeremías 15:16

Parlamushawajtiyki, niwasqaykita sumajta uyarerqani. Chaytaj sonqoyta qhallallaricherqa, kusiytaj sonqoy ukhupi karqa, imaraykuchus Tukuy Atiyniyoj Tata Diosníy, qanpatamin kani.

Proverbios 3:1

Wawáy, yachachisusqaymanta ama qonqapuychu, kamachisqaytataj sonqoykipi waqaychay.

Salmos 119:11

Contraykipi ama juchallikunaypaj nisqaykita sonqoypi jap'ikuni.

Salmos 51:10

10 (12) Diosníy, llimphu sonqota ruwaway. Cheqan sonqoyoj kanaypaj tukuy kayniyta mosojyachiway.

San Lucas 8:14

Khishkarara jallp'api t'akasqa mujupis uyarejkunawan ninakullantaj. Chaywanpis paykuna kay kawsaymanta phutikuykunawan, qhapaj kayta munanawan, sonqonkoj munayninta ruwayta munanawan ima atipachikunku. Chayraykutaj mana poqonankukama wiñankuchu.

San Lucas 8:16

Jesús nillarqataj: Mana pipis lamparata jap'ichispa, wich'iwan k'umpuykunchu, nitaj puñuna uraman churaykunchu. Aswanpis pataman churan, wasiman yaykojkuna k'anchayniyoj kanankupaj.

Romanos 8:25

Chaywanpis imatachus suyashanchej, sichus chayta mana rikunchejrajchu chayqa, pacienciawan suyananchej tiyan.