San Lucas 7:38 - DIOSPA QHELQACHISQ

³⁸ Chantá Jesuspa chakin qayllapi chukuykuspa, waqayta qallarerqa. Waqayninwantaj chakinta joq'ochaspa, chujchanwan ch'akicherqa. Jesuspa chakinta much'aspataj, sumaj q'apashaj jawinawan jawiykorqa.

Qheshwa Biblia DC

³⁸ Paypa qhepampi, chakisnin qayllapi tiyaykukuspa waqayta qallarerqa; waqayninwantaj chakisninta joq'ochaspa chujchasninwan ch'akicherqa. Chakisninta much'araspataj perfumewan jich'aykorqa.

DIOSPA QHELQACHISQAN DEUTEROCANONICAL

³⁸ Chantá Jesuspa chakin qayllapi chukuykuspa, waqayta qallarerqa. Waqayninwantaj chakinta joq'ochaspa, chujchanwan ch'akicherqa. Jesuspa chakinta much'aspataj, sumaj q'apashaj jawinawan jawiykorqa.

Quechua South Bolivia: Dios Parlapawanchej

³⁸ Jesús mesapi miqhushajtin chay warmi wakaspa sayarka Jesuspa chaquisnin kayllapi. Chanta pay wakayninwan Jesuspa chaquisninta mayllaspa chujchanwan ch'aquicherka. Chaquisnintataj much'asharka k'apayniyoj jawinata jich'aycuspa.

San Lucas 7:38 Referans Kwoze

Isaías 61:3

Chantapis Tata Dios kachamullawantaj Sionpi llakisqa kajkunapaj kay allin imakunata ruwanaypaj: Pikunachus llakisqa kasqankurayku ushphawan qhallisqa kashanku, chaykunaman may k'achitu pilluta churasaj. Llakiy p'achawan churakuspa kanankutaqa, kusiywan p'achallisqa kanankuta ruwallasajtaj. Jinallataj phutisqa kanankumantaqa kusisqallapuni kanankuta ruwasaj. Paykuna justiciata ruwasqankurayku “Tata Diospa Mallkisqan Roble Sach'a”, nispa sutichasqa kanqanku, paypa jatun kayninta rikuchinankupaj.

Eclesiastés 9:8

Tukuy tiempopi sumaj p'achawan p'achallikuy, sumajta q'apaj jawinawantaj jawikuy.

Salmos 51:17

17 (19) Manachayqa k'umuykoj sonqo kanayta munanki. Qanqa Diosníy, tukuy sonqo k'umuykojta, chantá qanman kutirikamusojta mana qhesachankichu.

Génesis 18:4

Chakiykichejta mayllakunaykichejpaj noqa yakuta apachimusaj, chantá tumpallatapis kay sach'a llanthupi samarikuychej.

Jeremías 31:9

Waqarikuspa, chantá noqamanta mañarikuspa ima kutimponqanku. Noqa paykunata yakuyoj mayoj kantunta pusaykachasaj, cheqan sumaj ñannintataj, ama misk'akunankupaj, imaraykuchus noqamin Israelpa tatan kani, Efraintaj kuraj kaj waway, nispa.

Salmos 38:18

18 (19) Chayrayku juchallisqayta rimarisaj, imaraykuchus juchallisqaymanta sonqoy sinch'i llakisqa kashan.

Esdras 10:1

Esdrasqa Temploj ñawpaqenpi pampakama k'umuykukuspa, waqan waqan israelitakunaj juchankuta Diosman rimarisharqa. Chaykamataj israelitakunamanta qharikuna, warmikuna, wawakuna ima Esdrasta muyuykamuspa, jik'un jik'unta waqallarqankutaj.

Santiago 4:9

Jinallataj llakikuychej, phutikuychej, jik'un jik'untataj waqaychej. Asisqaykichej waqanaman tukuchun, kusikusqaykichejtaj phutikunaman.

San Lucas 6:21

Kusikuyniyojmin kankichej kunan yarqhachikojkunaqa, imaraykuchus sajsachisqa kankichej. Kusikuyniyojmin kankichej kunan waqajkunaqa, imaraykuchus qankunaqa qhepaman kusirikunkichej.

San Mateo 5:4

Kusikuyniyojmin kanku kunan waqajkunaqa, imaraykuchus Diosmin paykunata sonqochanqa.

Zacarías 12:10

Chantá Davidpa mirayninman, jinataj Jerusalenpi tiyakojkunaman sumaj sonqota qosaj, noqa Diosmanta mañakuyta munana sonqotawan. Noqata qhawariwanqanku, pitachus t'ojserqanku, chayta. Chaymantataj may jinata waqanqanku, imaynatachus runakuna waqanku k'ata wawanku chayrí kuraj kaj churinku wañojtin, ajinata.

Joel 2:12

Chayrayku Tata Dios nin: Noqaman tukuy sonqo kutirikamuwaychej ayunaspa, waqaspa, llakikuspa ima.

Isaías 57:9

Sumajta k'achanchakorqanki, sumaj q'apashaj jawinawan jawiykukuspataj, Moloc lantiman rerqanki. Kachaykikunata karuman kacharqanki, ukhu pachakamataj paykunata urayk'ucherqanki, waj dioskunata mask'apusunankupaj.

TAKIYKUNA 1:3

Sumajta q'apashaj jawinaykeqa k'achituta q'aparin. Sutiykeqa sumajta q'apashaj jawina jich'asqa jina. Chayrayku sipaskuna mayta munakusunku.

San Lucas 22:62

Patiomanta jawaman llojsispataj, Pedro sonqo nanayta waqarikorqa.

San Lucas 7:37

Chay llajtapi millay kawsayniyoj uj warmi karqa, paytaj uyarerqa Jesús fariseoj wasinpi kasqanta. Jinapi pay sumaj q'apashaj jawinata yuraj rumi yuritupi chayman aparqa.

San Lucas 7:39

Chayta rikuspa, Jesusta wajyarikoj fariseoqa sonqonpi nerqa: Sichus kay runa cheqapuni Diosmanta sut'inchaj kanman chayqa, rejsinmanchá imayna millay kawsayniyoj warmichus payta llankhaykushasqanta, nispa.

San Juan 11:2

Aswan qhepanejman Lázaroj panan Mariaqa Tukuyta Kamachej Jesuspa chakinta sumajta q'apashaj jawinawan jawisqa, chantá chujchanwan ch'akichisqa. Chay Lazaromin onqosqa karqa.