San Lucas 7:25 - DIOSPA QHELQACHISQ

²⁵ Manachayrí imatataj rikorqankichejri? Sumaj p'achayoj runatachu? Qankuna yachankichej, pikunachus sumaj p'achallisqa kaspa, chhika patapi kawsajkuna kamachina wasikunapi kashanku.

Qheshwa Biblia DC

²⁵ Astawanqa, imata rikorqankichej? Uj sumaj p'achayoj runatachu? Qankuna yachankichej, sumajta p'achallisqas kajkunaqa, kusisqa kausajkunapis reyespa palaciosnimpi kashanku.

DIOSPA QHELQACHISQAN DEUTEROCANONICAL

²⁵ Manachayrí imatataj rikorqankichejri? Sumaj p'achayoj runatachu? Qankuna yachankichej, pikunachus sumaj p'achallisqa kaspa, chhika patapi kawsajkuna kamachina wasikunapi kashanku.

Quechua South Bolivia: Dios Parlapawanchej

²⁵ Manataj sumaj camachejjina p'achaswan p'achalliska runatachu tarerkanquichej. Chayjina p'achalliska cusiywan causaj runaka camachejcunaj wasisnincupi tiyacun.

San Lucas 7:25 Referans Kwoze

San Mateo 6:29

Chaywanpis, ñawpa kuraj kamachej Salomonqa may qhapaj kaspapis, manapuni chay t'ika jinallapis munayta p'achallikorqachu.

San Mateo 3:4

Juanqa camello millmamanta ruwasqa p'achawan p'achallisqa karqa, qara chumpiwantaj chumpiykusqa. Paytaj phinki phinkikunata, lachiwana misk'itawan ima mikhoj.

Isaías 59:17

Cheqan kajta ruwaywan sumajta p'achallikorqa, fierro pecherawan jina. Paykunata qhespichiyta munanatataj monterata jina umanman churakorqa. Vengakuyta munanawan p'achata jina churakullarqataj, sinch'i phiñakuywantaj mantawan jina qhataykukorqa.

Ester (hebreo) 8:15

Mardoqueoqa kuraj kamachejpa ñawpaqenmanta llojserqa kuraj kamachejpa churakunan anqawan yurajwan p'achayoj, umanpi jatun qori pillu churaykusqa, linomanta ruwasqa uj jatun puka mantawan llijllaykusqataj. Payta ajinata rikuspataj, Susa llajtapi tukuy tiyakojkunaqa maytapuni kusikorqanku.

Ester (hebreo) 5:1

Kinsa p'unchaymantawan Esterqa qoya p'achata churaykukuspa, kamachina wasiman yaykorqa, maypichus kuraj kamachejqa kamachinan tiyanapi tiyasqa kasharqa, chaypa ñawpaqenman. Chay tiyananqa yaykuna punku qhawarisqa karqa.

Ester (hebreo) 4:2

Jinata waqaspa, kuraj kamachejpa wasinpa punkunkama chayarqa, manataj aswan ukhukama yaykuyta aterqachu, qhashqa p'achayoj kaspa mana yaykuna kasqanrayku.

Ester (hebreo) 1:11

Asuerotaj paykunata kacharqa ñawpaqenman qoya Vastita pusarimunankupaj sumaj k'achanchasqata, pilluwan churaykusqata, pikunawanchus chay raymipi mikhusharqa, chay kurajkunapis may k'achita kasqanta rikunankupaj. Cheqamanta qoyaqa k'achita karqa.

Ester (hebreo) 1:3

Kuraj kamachej Asueroqa kinsa watataña kamachishaspa, jatun raymita wakicherqa kamachiysejkunapaj, yanapajninkunapaj, Persiamanta, Mediamantawan soldado kamachejkunaj kurajninkukunapaj, chantá tukuy suyupi kamachejkunapaj, kurajkunapajwan ima.

2 Reyes 1:8

Paykunataj kuticherqanku: Chay runaqa qaramanta p'achayoj, qaramanta chumpiyoj ima karqa, nispa. Chantá kuraj kamachej nerqa: Chayqa Tisbé llajtamanta Elías karqa, nispa.

1 Reyes 10:5

Rikullarqataj Salomonpa wasinpi sumaj mikhuykunata, yanapajninkunaj wasinkukunatawan, kamachinkunaj p'achankutawan, vino jaywajkunatawan, Tata Diospa Templonpi uywa ñak'asqa q'olachiykunatawan ima. Chayta rikuspataj, t'ukushaj qhepakorqa.

2 Samuel 19:35

35 (36) Pusaj chunka watayojña kani. Manaña yachanichu imachus allin mana allin kajpatapis. Manaña sumajta mikhunichu nitaj ujyanipischu. Manañataj uyariyta atinichu takejkunatapis. Kuraj kamachejníy, imamanñataj qanpa llakiyniyki kanaypaj riymanri?

San Mateo 11:8

Manachayrí, imatataj rikorqankichej? Sumaj p'achayoj runatachu? Sumaj p'achayojkunaqa kuraj kamachejkunaj wasinkupi kashanku.

San Lucas 7:24

Juanpa kachankuna ripusqankutawan, Jesusqa Juanmanta runakunaman parlayta qallarerqa: Qankuna ch'in pampaman imata qhawajtaj rerqankichejri? Wayraj wajtaykachasqan soqosotachu qhawaj rerqankichej?

San Lucas 7:26

Jina kajtenqa, imatapunitaj rikumorqankichej? Diosmanta sut'inchajtachu? Arí, noqatajrí niykichej Diosmanta sut'inchajmantapis aswanraj kasqanta.

San Lucas 16:19

Chantá Jesús nerqa: Uj qhapaj runa karqa. Payqa linomanta awasqa may sumaj puka p'achawan p'achallikoj, sapa p'unchaytaj jatun mikhuyta wayk'uchej.