San Lucas 6:25 - DIOSPA QHELQACHISQ

²⁵ Ay, mikhunawan sajsasqa kajkuna, qankunawanqa imallachus kanqapis, imaraykuchus qhepaman sinch'ita yarqhachikunkichej. Ay, kunan asikojkuna, qankunawanqa imallachus kanqa, imaraykuchus qhepaman sinch'ita llakikunkichej, waqankichejtaj.

Qheshwa Biblia DC

²⁵ Ay, qankunamanta sajsasqas!, imaraykuchus yarqhachikunkichej. Ay, qankunamanta asikojkuna!, imaraykuchus llakikunkichej, waqankichejtaj.

DIOSPA QHELQACHISQAN DEUTEROCANONICAL

²⁵ Ay, mikhunawan sajsasqa kajkuna, qankunawanqa imallachus kanqapis, imaraykuchus qhepaman sinch'ita yarqhachikunkichej. Ay, kunan asikojkuna, qankunawanqa imallachus kanqa, imaraykuchus qhepaman sinch'ita llakikunkichej, waqankichejtaj.

Quechua South Bolivia: Dios Parlapawanchej

²⁵ ‘¡Phutiy, ari, kancuna ashqha miqhunawan sajsaskasña cajcunapajka! Khepata yarkhasonkachej. ‘¡Phutiy, ari, kancuna cunan asishajcunapajka! Khepata llaquicunquichej wakanquichejtaj.

San Lucas 6:25 Referans Kwoze

Isaías 65:13

Chayrayku Tukuyta Kamachej Tata Dios nisunkichej: Kamachiykunaqa sumajta mikhonqanku, qankunatajrí yarqhaymanta wañunkichej. Kamachiykunaqa sumaj yakuta ujyanqanku, qankunatajrí yaku ch'akiywan ñak'arinkichej. Kamachiykunaqa kusikonqanku, qankunatajrí may p'enqachisqa kankichej.

Santiago 4:9

Jinallataj llakikuychej, phutikuychej, jik'un jik'untataj waqaychej. Asisqaykichej waqanaman tukuchun, kusikusqaykichejtaj phutikunaman.

Proverbios 14:13

Asishajtinpis, sonqoqa llakisqallamin kashan. Ajinaqa kusikuypis waqaypi tukukun.

Apocalipsis 3:17

Qanqa nishanki: Noqaqa qhapaj kani, tukuy imayoj, manataj imamantapis pisinichu, nispa. Jinapis mana reparakunkichu khuyana kasqaykita, mana imayoj, wajcha, ñawsa, q'alallataj.

1 Tesalonicenses 5:3

Maypachachus runakuna nishanqanku: Tukuy imapis allillan, ni imamanta llakikuna kanchu, nispa chaypacha, ujllata paykuna tukuchisqa kanqanku, imaynatachus onqoj warmita wawanta paqarichikunanpaj nanaynin oqharin, ajinata. Chaypachataj paykuna mana ayqeyta atenqankuchu.

Efesios 5:4

Amallataj millay ch'ichi kajta parlaychejchu, nitaj wampu thawtiykunata, nillataj millay chansata, imajtinchus chaykunaqa mana pipajpis allinchu. Ajinata parlanaykichejtaqa Diosman pachis niychej.

San Lucas 13:28

Chaypachamá waqayqa, kiru k'arukuypis kanqa, imaraykuchus Dios kamachishajtin, chaypi qankuna Abrahamta, Isaacta, Jacobta, Diosmanta tukuy sut'inchajkunata ima rikunkichej. Qankunarí jawaman wijch'usqa kankichej.

San Lucas 12:20

Diostajrí payta nisqa: Wampu runa, kunan ch'isipacha wañunki. Jinaqa pipajtaj kanqa chay tukuy ima tantasqaykiri? nispa.

San Lucas 8:53

Chayta uyarispa, runakuna Jesusmanta asikorqanku, chay ch'iriska wañusqapuni kasqanta yachasqankurayku.

Nahúm 1:10

Khishkarara ch'awjra jina, ch'aki ichhu jinataj tukuynin awqankuna ruphachisqa kanqanku.

Amós 8:10

Raymiykichejta waqanaman tukuchisaj, takisqaykichejtapis llakiy yarawiman. Lutochisqaykichej, umaykichejtataj t'ojluchisqaykichej, sinch'i llakisqa kasqaykichej yachakunanpaj. Waqankichej, imaynatachus uj runa waqan k'ata wawan wañupojtin, jinata. Tukuy imataj may llakiyman tukonqa, nispa.

Isaías 28:7

Chaywanpis kunan sacerdotekuna, Diosmanta sut'inchajkunapis vinowan machasqa thampiykachanku, tragowan machasqa yuyay chinkasqa kashanku, vino ujyasqankuwantaj chankaykachanku. Imatachus mosqoypi jina rikusqankuta pantasqata rikunku. Justiciata ruwananku kashajtinpis, paykunaqa machasqa kashanku.

Isaías 9:20

20 (19) Paña makinwan suwanqa. Chaywanpis yarqhasqallapuni qhepakonqa. Lloq'e makinwan mikhullanqataj, manataj sajsakonqachu. Sapa ujpis wawankoj aychanta mikhukapullanqankutaj.

Isaías 8:21

Paykunaqa kayman jaqayman puriykachanqanku, phutiypa jarap'asqan, yarqhasqataj. Chay jina yarqhasqa kaspa, paykuna mayta phiñakonqanku. Kuraj kamachejninkuta, Diosninkutapis maldicenqanku, makinkuta janajman oqharispa.

Eclesiastés 7:6

Wampu runaj asisqanqa q'oncha ukhupi t'una khishka t'ojyarasqanman rijch'akun. Chaypis qhasi manakajlla kasqanta repararqani.

Eclesiastés 7:3

Astawan allinmin waqana asinamanta nisqaqa. Llakiy uyata ruwan chaypis, llakeyqa sonqopaj allin.

Eclesiastés 2:2

Chaypacha nerqani: Kusikoyqa t'ojpirasqa kaywan ninakun. Sonqota kusichiyta munaspa munasqanta ruwaypis qhasi manakajllataj, nispa.

Proverbios 30:9

Sichus ashkha imayoj kayman chayqa, qanmanta qonqapuspa, niyman: Pitaj Tata Dios kasqari? nispa. Sichus pisichikuyman chayrí, suwamanñataj qokuyman. Ajinamanta sutiykita p'enqaypi rikhurichiyman.

Salmos 49:19

19 (20) uj p'unchay wañunan chayamonqa, manañataj kay pachapi kawsayta ujtawan rikonqachu.

1 Samuel 2:5

Ñawpajta ashkha mikhunayojkunaqa kunan uj chhika mikhunarayku vendekunku. Yarqhasqa kajkunataj kunan sumaj mikhusqa kanku. Mana wawayoj kayta atej warmeqa qanchis kutitaña wawata rejsin. Ashkha wawayoj warmirí, kunan manaña wawayojchu.

San Lucas 6:24

Ay, qhapaj runakuna, qankunawanqa imallachus kanqapis, imaraykuchus kusikuyniykichejqa kunallanpaj kay pachallapi kanqa.

San Lucas 6:26

Ay, runaj jatunchanan kajkuna, qankunawanqa imallachus kanqapis. Ñawpa tataykichejkuna kikillantataj llulla sut'inchajkunata jatuncharqanku, nispa.