San Lucas 5:22 - DIOSPA QHELQACHISQ

²² Jesustajrí sonqonpi yacharqapacha imatachus yuyashasqankuta. Chayrayku paykunata taporqa: Imaraykutaj chay jinata yuyashankichejri?

Qheshwa Biblia DC

^22-23 Yuyasqankuta yachaspataj Jesús kuticherqa: Imaraykutaj chay jinata yuyashankichejri? Kikillampuni, juchasniykimanta perdonasqaña kanki niypis, sayarikuy puririytaj niypis.

DIOSPA QHELQACHISQAN DEUTEROCANONICAL

²² Jesustajrí sonqonpi yacharqapacha imatachus yuyashasqankuta. Chayrayku paykunata taporqa: Imaraykutaj chay jinata yuyashankichejri?

Quechua South Bolivia: Dios Parlapawanchej

²² Jesús sumajta yachaspa yuyashaskancuta paycunaman cuticherka: —Amaña sonkosniyquichejpi ajinata tanteyacuychejchu.

San Lucas 5:22 Referans Kwoze

San Lucas 24:38

Jesustajrí paykunata nerqa: Imaraykutaj mancharikunkichej, sonqoykichejpitaj iskayrayashankichejri?

Hechos 5:3

Jinapi Pedro payta nerqa: Ananías, imaraykutaj Supay Satanasta sonqoykipi kasunki? Qanqa Santo Espirituta q'otiyayta munaspa vendesqayki qolqemanta wakinta pakaykorqanki.

Marcos 8:17

Jesús imatachus parlashasqankuta yachaspa, paykunata ujtawan k'amerqa: Imaraykutaj mana t'anta kasqanrayku siminakushankichejri? Manarajchu yachankichej, nitajchu entiendeyta atinkichej? Rumi sonqollarajpunichu kankichej?

San Mateo 12:25

Chantá Jesús imatachus yuyasqankuta yachaspa, nerqa: Sichus uj suyupi tiyakojkuna chejninakuspa t'aqanakunkuman chayqa, chay suyu mana sayanmanchu, tukukunman. Jinallatataj sichus uj llajtapi, chayrí wasi ayllupipis phiñanakuspa t'aqanakunkuman chayqa, manallataj khuska kayta atinkumanchu.

San Mateo 9:4

Jesustajrí imatachus yuyashasqankuta yachaspa, nerqa: Imaraykutaj sonqoykichejpi mana allin kajta yuyashankichejri?

Isaías 66:18

Noqa yachani paykunaj mana allin ruwasqankuta, imatachus yuyasqankutapis. Aswan qhepaman uj p'unchay chayamonqa tukuy suyuta, tukuy llajtapi tiyakojkunata ima ujllaman tantanaypaj. Chayman jamuspa, paykuna jatun kayniypa lliphipiyninta rikonqanku.

Salmos 139:2

Qan tukuy ruwasqayta yachanki. Tukuy imatachus yuyasqaytapis karumantapacha yachallankitaj.

Apocalipsis 2:23

Wawankunatapis noqa wañurachisaj. Ajinamanta tukuy iglesiakuna yachanqanku noqaqa runaj yuyayninta, sonqontawan ima rejsisqayta. Sapa ujniykichejmantaj ruwasqaykichejman jina qopusqaykichej.

Hebreos 4:12

Diospa simi nisqanqa kawsayniyoj, atiyniyojtaj, puraj filoyoj espadamantapis aswan filochasqa. Ajinaqa Diospa simi nisqan runaj sonqon ukhukamapuni chayan. Jinallataj runaj yuyasqanta, sonqonpi imatachus munasqantapis sut'ita sut'inchan, allinchus manachus kasqanta.

1 Crónicas 28:9

Qanrí, wawáy Salomón, tukuy sonqowan tataykej Diosninta Diosniykipaj rejsikapuy. Chantá sonqomanta munaspa, payta yupaychay, imaraykuchus Tata Diosqa tukuypa sonqonchejta qhawan, imatachus yuyasqanchejtapis yachan. Ajinaqa, sichus payta mask'anki chayqa, payta tarinki. Payta saqerpariwaj chayrí, wiñaypaj qhesachasonqa.

Ezequiel 38:10

Tukuyta Kamachej Tata Dios kay jinata nillantaj: Chay p'unchaypi sonqoykiman mana allin yuyay jamusonqa, millay kajta ruwanata wakichinaykipaj.

Proverbios 15:26

Tata Diosqa mana allinta ruwajkunaj ruwasqankuta millachikun. Pipis allin sonqowan parlajtinrí, Tata Dios chaywan kusikun.

San Mateo 12:15

Payta wañuchiyta munashasqankuta yachaspa, Jesús chay cheqamanta riporqa, jinataj ashkha runakuna qhepanta rillarqankutaj. Chantá Jesús tukuy onqosqakunata qhaliyacherqa.

San Lucas 5:21

Chantá Diospa kamachisqanmanta yachachejkuna, fariseokunawan ima paykuna ukhupi unanchaspa, nisharqanku: Kay runaqa pi kasqantataj yuyakunri, ajinata Diospa contranta rimananpajri? Dioslla juchata pampachayta atin, nispa.

San Lucas 5:23

Imataj aswan atikojlla kanman suchu runata ninaypaj: Juchayki pampachasqaña, nispa ninaychu, chayrí: Sayariy, phulluykita oqharispa, ripullay, nispa ninaychu?