San Lucas 4:5 - DIOSPA QHELQACHISQ

⁵ Chantá Kuraj Supayqa orqo pataman Jesusta pusaspa, uj ñawi ch'irmiypi tukuy kay pachapi suyukunata rikucherqa,

Qheshwa Biblia DC

^5-6 Chaymantaqa, supay orqo pataman Jesusta pusarqa, kikimpachataj rikucherqa tukuy mundopi reinosta, nispa: Kay tukuy atiyta qosqayki, tukuy kapuynintawan; imaraykuchus noqaman qosqa karqa; chayrayku pimanchus munani chayman qoyta atini.

DIOSPA QHELQACHISQAN DEUTEROCANONICAL

⁵ Chantá Kuraj Supayqa orqo pataman Jesusta pusaspa, uj ñawi ch'irmiypi tukuy kay pachapi suyukunata rikucherqa,

Quechua South Bolivia: Dios Parlapawanchej

⁵ Chanta supay Satanás Jesusta pusarka orko pataman. Uj ratullapi cay pachapi caj tucuy camachiska llajtastataj payman ricucherka.

San Lucas 4:5 Referans Kwoze

Efesios 6:12

Noqanchej mana runawanchu maqanakushanchej, manachayqa atiyniyoj kamachej supaykunawan. Paykuna janajmantapacha laqhayaypi kawsaj runakunata kamachinku, munasqankuta ruwachispa.

1 Corintios 15:52

Ujllata, uj ñawi ch'irmiypi, qhepa kaj trompeta waqajtin, waj jinaman tukuchisqa kasunchej. Trompeta waqajtin, ñawpajta wañusqakuna kawsarimponqanku mana jayk'aj ujtawan wañunankupaj. Chaymantataj noqanchejpis waj jinaman tukuchisqa kasunchej.

San Mateo 4:8

Chantá Kuraj Supayqa jatun orqo patamanñataj Jesusta pusaspa, uj ñawi ch'irmiypi kay pachapi tukuy suyukunata, qhapaj kapuyninkutawan ima rikucherqa.

Salmos 73:19

Paykunaqa uj ñawi ch'irmiypi pampachasqa rikhurenqanku, manchachikuytaj paykunata tukuchenqa.

Job 20:5

Millayta ruwaspa purejpa kusikuynenqa mana unaypajchu kashan, kusikuynenqa askamalla tukukapun.

Efesios 2:2

Chaykunapi qankuna ñawpajta kawsaj kankichej, Diosman mana kutirikojkunaj purisqankuta qhatispa. Jinallataj mana rikukoj atiyniyojkunata kamachej Kuraj Supayta kasorqankichej, mayqenchus Diosta mana kasojkunaj sonqonkupi llank'ashan, chayta.

2 Corintios 4:17

Kay pachapi ñak'arisqaykoqa mana kasu ruwana jinalla, manataj unaypajchu. Chaywanpis, aswan jaqayman chay ñak'ariynejta noqaykupaj kanqa may sumaj wiñay kusiymin.

1 Corintios 7:31

Kay pachapi tukuy imayoj kaspa chhika patapi kawsajkunaqa ama chaykunamanta anchata ch'ipakuchunkuchu, imaraykuchus kay pachaqa askamalla tukukaponqa.

San Mateo 24:14

Jinallataj Diospa janaj pacha kamachiyninmanta sumaj willayqa tukuynejpi willasqa kanqa, tukuy runakuna yachanankupaj. Chaymantaraj kay pachaj tukukuynin kanqa.