San Lucas 4:35 - DIOSPA QHELQACHISQ

³⁵ Jesustajrí supayta sinch'ita k'amerqa: Ch'in kay, llojsiy chay runamanta, nispa. Jinapi chay supay runakunaj rikunanta chay runata pampaman choqarqa, llojsiytawantaj riporqa, chay runata mana imanaspa.

Qheshwa Biblia DC

³⁵ Jesustaj supayta sinch'ita k'amispa, nerqa: Ch'in kay, llojsiy, nispa. Sispaytaj paykunaj ñaupaqenkupi runata urmachispa, llojsiytawan riporqa, mana astawan imanaspa.

DIOSPA QHELQACHISQAN DEUTEROCANONICAL

³⁵ Jesustajrí supayta sinch'ita k'amerqa: Ch'in kay, llojsiy chay runamanta, nispa. Jinapi chay supay runakunaj rikunanta chay runata pampaman choqarqa, llojsiytawantaj riporqa, chay runata mana imanaspa.

Quechua South Bolivia: Dios Parlapawanchej

³⁵ Jesusrí sinch'iwan camacherka supayta: —Ch'in cay. Llojsiy paymanta, —nispa. Runaspa chaupincupitaj supay chay runata pampaman chokaycuspa paymanta llojserka mana ni imanaspalla.

San Lucas 4:35 Referans Kwoze

San Lucas 4:41

Jinallatataj supaykuna ashkha onqosqakunamanta qhaparispa llojsirarqanku: Qanqa Diospa Churin kanki, nispa. Jesustajrí chay supaykunata k'amispa, ch'inyacherqa, imaraykuchus paykuna yacharqanku pay Diospa kachamusqan Cristo kasqanta.

San Lucas 4:39

Chantá Pedroj suegranman qayllaykuspa, Jesusqa k'aja onqoyninta k'amerqa, warmitaj qhaliyakaporqa. Chay ratopacha jatarimuytawantaj, paykunapaj mikhunata wayk'orqa.

San Mateo 8:26

Chantá Jesús paykunata nerqa: Imaraykutaj manchachikunkichejri? Qankunamá kasqankichej, manachu noqapi atinikunkichej? nispa. Sayariytawantaj, qochata, wayratawan k'amerqa. Wayra thañejtintaj, qochapis tiyaykorqa.

Apocalipsis 12:12

Chayrayku janajkuna, kusikuychej, chaypi tiyakojkunapis. Chaywanpis kay pachapi, chantá mama qochapi tiyakojkuna ima manchay jatun llakiyta rikonqanku, imaraykuchus Kuraj Supay paykunaman may phiñasqa urayk'amun. Paytaj yachan paypaj pisi p'unchayllaña kashasqanta, nispa.

San Lucas 11:22

Chaywanpis sichus paymanta aswan kallpayoj jamuspa, maqanakupi atipanman chayqa, atinikusqan armanta qhechunman, paypa imankunata apakapuspataj, chaywan munasqanta ruwanman.

San Lucas 9:42

Wayna qayllaykushajtintaj, supayqa pampaman payta choqarqa. Jesustajrí supayta k'amerqa, jinallapitaj wayna qhaliyaporqapacha. Chantá Jesusqa waynata tatanman pusarqa.

San Lucas 9:39

Supayqa payta jap'ispa, qhaparichin, sinch'ita thalaspataj, siminmanta phosoqota ajtuchin. Jinataj maytapuni payta ñak'arichin, manataj kachariyta munanchu.

San Lucas 8:24

Jesuspa yachachisqankunataj payman qayllaykuspa, rijch'aricherqanku: Yachachej, Yachachej, chinkaykushanchejña, nispa. Chantá Jesús rijch'ariytawan, wayrata k'amerqa, yaku oqharikojtawan. Jinallapi wayra thañerqa, yakupis tiyaykaporqa.

Marcos 9:26

Jinallapi chay supayqa sinch'ita qhaparerqa, waynata ujtawan manchayta thalaraspataj, paymanta llojserqa. Waynatajrí wañusqa jina choqakorqa. Chayta rikojkunataj nisharqanku: Wañupun, nispa.

Marcos 1:26

Chay supayqa runata sinch'ita thalaytawan, jatunmanta qhaparispa, chay runamanta llojserqa.

San Mateo 17:18

Chantá Jesusqa waynapi kaj supayta k'amerqa, supaytaj waynamanta llojserqa. Chaymantapachataj chay waynaqa qhaliyaporqa.

Zacarías 3:2

Jinapi Tata Diospa angelnin chay ch'ataykoj angelta nerqa: Noqa Tata Dios qanta k'amiyki. Imaynatachus Jerusalenta noqapaj t'aqakorqani, ajinallatataj Josuetapis nina brasa chawpimanta orqhomusqa jina noqapaj t'aqakuni. Chayrayku noqa Tata Dios qanta k'amiyki, nispa.

Salmos 50:16

Millayta ruwaspa purejtarí Dios nin: Qanpata ima ruwanayki tiyan kamachisqaymanta parlanaykipajri? Imaraykutaj trato ruwasqaymanta parlanayki tiyan?

Marcos 4:39

Jesustajrí jatarimuspa, wayrata k'amerqa, qochatapis nerqa: Ch'in kay. Thañiriy, nispa. Wayrataj thañerqa, yakutaj tiyaykorqa.

San Lucas 4:23

Chantá Jesús kuticherqa: Niwankichejchari kay nisqata: Jampikamayoj, qan kikiykita jampikuy. Aswanqa, ima t'ukunatachus Cafarnaunpi ruwasqaykita uyarerqayku, chayta kay llajtaykipipis ruwallaytaj ari, nispa.