San Lucas 4:22 - DIOSPA QHELQACHISQ

²² Chay runakuna allinpajpuni Jesusta qhawarqanku, chay jinata parlasqanmantataj t'ukorqanku: Chaywanpis tapunakorqanku: Manachu payqa Josejpa churillan? nispa.

Qheshwa Biblia DC

²² Ancha allimpuni Jesusqa tukuyninkuman rijch'arqa; chay jinata parlasqanmantataj t'ukuspa tapunakorqanku: Manachu kayqa Josejpa churin?, nispa.

DIOSPA QHELQACHISQAN DEUTEROCANONICAL

²² Chay runakuna allinpajpuni Jesusta qhawarqanku, chay jinata parlasqanmantataj t'ukorqanku: Chaywanpis tapunakorqanku: Manachu payqa Josejpa churillan? nispa.

Quechua South Bolivia: Dios Parlapawanchej

²² T'ucuspataj tucuy runas nisharkancu: —Chekatapuni paypa yachachiskasnin allin cashan, may c'acha, —nispa. Tapunacusharkancutaj: —¿Manachu pay Joséj wawan?

San Lucas 4:22 Referans Kwoze

San Juan 6:42

Chantá nillarqankutaj: Manachu kay runaqa Joséj churin Jesuslla? Manachu tatanta, mamantawan rejsinchej? Jina chayqa, imaraykutaj nishan: Janaj pachamanta urayk'amuni, nispari? nispa.

Salmos 45:2

2 (3) Qanqa tukuymanta aswan alajitu kanki. Simiykimanta misk'i parlay t'ojyarimun. Chayrayku Diosninchej wiñaypaj saminchasunki.

Proverbios 16:21

Yachayniyoj runata ninku: Payqa allin yuyayniyoj, nispa. Misk'i simi parlayniyojtaj wajkunawan uyarichikun.

Tito 2:8

Parlaspaqa, cheqan kajtapuni parlay, mana pipis imatapis parlananpaj jina. Ajinata ruwajtiykeqa, contraykipi sayaykojkuna p'enqakonqanku, imaraykuchus noqanchejmanta mana ima mana allintapis niyta atenqankuchu.

Hechos 6:10

Chaywanpis paykuna Estebanman mana kutichiyta aterqankuchu, imaraykuchus payqa yachaywan chantá Santo Espíritoj atiyninwan parlarqa.

San Juan 7:46

Chantá Templota qhawaj soldadokuna kuticherqanku: Mana jayk'aj pipis chay runa jina parlarqachu, nispa.

San Lucas 21:15

imaraykuchus noqamin yachayta qosqaykichej, yuyaychasqaykichejtaj imatachus parlanaykichejta. Jinapi awqaykichejkuna chay parlasqaykichejta mana atipanqankuchu, nitaj kutichikuytapis atenqankuchu.

Isaías 50:4

Tukuyta Kamachej Tata Dios yachay parlayta simiyman churarqa, sayk'usqa runakunata parlaspa kallpachanaypaj. Sapa paqarin pay rijch'arichiwan, yachachisqanta sumajta uyarinaypaj.

TAKIYKUNA 5:16

Simenqa may misk'i, payqa mayta munakunapaj jina. Ajina ari noqaj munasqayqa. Jerusalenmanta sipaskuna, ajina ari munasqayqa.

Proverbios 25:11

Maychus tiemponpi allinta parlayqa qolqewan t'ikanchasqa qori manzana jina.

Proverbios 10:32

Cheqan runaqa k'acha imakunata parlan, millayta ruwaj runarí sajra imakunallata parlan.

Salmos 45:4

4 (5) May jina atiyniyoj kasqaykiwan atipaj jina puririy, cheqa kajrayku maqanakuspa, llamp'u sonqoyojkunapaj justiciata ruwaspa ima. Atiyniykiwan t'ukuna imakunata ruwaspa, atipankipuni.

San Lucas 2:47

Uyarejkunataj mayta t'ukusharqanku Jesuspa yachayninmanta, kutichisqanmanta ima.

Eclesiastés 10:12

Yachayniyoj runaj parlasqanqa uyarinapaj jina. Wampu runaj parlasqanrí payllatataj urmachin.

San Lucas 2:48

Ajinata rikuspa, tata mamanpis t'ukullarqankutaj, mamantaj Jesusta nerqa: Wawáy, imaraykutaj kay jinata ruwawaykuri? Noqawan, tataykiwanqa may phutisqa mask'ashasorqayku, nispa.

San Lucas 4:21

Jinapi pay parlayta qallarerqa: Imatachus Diospa Qhelqachisqanpi uyarerqankichej, chay kunan p'unchay junt'akushan, nispa.

San Juan 1:45

Chantá Felipe Natanaeltañataj mask'aj rerqa, tarispataj, nerqa: Nazaret llajtamanta Joséj churin Jesusta tariyku, pimantachus Moisés kamachisqa qhelqapi nerqa, chayta. Diosmanta sut'inchajkunapis paymanta parlallarqankutaj, nispa.