San Lucas 4:18 - DIOSPA QHELQACHISQ

¹⁸ Tukuyta Kamachej Diospa Espíritun noqapi kashan, imaraykuchus pay ajllawan sumaj willayta wajchakunaman willanaypaj. Chantá kachamuwan presokunaman kacharichisqa kanankuta willanaypaj, ñawsakunata qhawarichinaypaj, chantá ñak'arichisqa kajkunata qhespichinaypaj.

Qheshwa Biblia DC

^18-19 Señorpa Espíritun noqapi kashan; jawiwaspa ajllawarqa sumaj willanasta wajchasman willanaypaj; kachamuwarqataj willajta presos kacharisqas kanankupaj, ciegos qhawarinankupaj, ñak'arejkunataj samachisqas kanankupaj; Señorpa allin watantapis willanaypaj.

DIOSPA QHELQACHISQAN DEUTEROCANONICAL

¹⁸ Tukuyta Kamachej Diospa Espíritun noqapi kashan, imaraykuchus pay ajllawan sumaj willayta wajchakunaman willanaypaj. Chantá kachamuwan presokunaman kacharichisqa kanankuta willanaypaj, ñawsakunata qhawarichinaypaj, chantá ñak'arichisqa kajkunata qhespichinaypaj.

Quechua South Bolivia: Dios Parlapawanchej

¹⁸ Santo Espíritu nokawan cashan wajchacunaman sumaj willanasta apamunaypaj Dios ajllacuwaskanraycu. Dios cachamuwarka juchapi wisk'aska runasman cachariskas canancuta willaranaypaj. Cachamuwarkataj cheka cajta mana ricojcunata cheka cajta ricuchinaypaj, phutiywan ñit'iskacunata cacharichinaypajpis.

San Lucas 4:18 Referans Kwoze

Isaías 61:1

Tukuyta Kamachej Tata Diospa Espíritun noqawan kashan, imaraykuchus Tata Diospuni noqata ajllakuwarqa. Sumaj willaykunata wajchakunaman willaranaypaj kachamuwan, llakisqakunatataj sonqochanaypaj. Presochasqa runakunaman kacharichisqa kanankuta willaranaypaj kachamuwan, jinallataj carcelkunapi kajkunatapis kacharichinaypaj.

San Mateo 11:5

Ñawsakunaqa rikunku, suchukunapis puririnku, jinallataj llejti onqoyniyojkuna llimphuchasqa kanku. Joq'arakunapis uyarinku, wañusqakuna kawsarimunku, wajchakunamanpis Diosmanta sumaj willay willakun.

Hechos 10:38

Chantá yachankichej imaynatachus Diosqa Santo Espirituta, atiytawan qosqanta Nazaret llajtayoj Jesusman. Jesustaj tukuynejta purerqa allinta ruwaspa, jinallatataj Kuraj Supaypa atiyninpi tukuy ñak'arejkunata qhaliyachispa, Dios paywan kasqanrayku.

San Lucas 7:22

Chantá Jesusqa Juanpa kachankunaman kuticherqa: Kutipuspa, Juanman imatachus rikusqaykichejta, uyarisqaykichejta ima willamuychej: Ñawsakuna rikunku, suchukunapis puririnku, jinataj llejti onqoyniyojkuna llimphuchasqa kanku. Joq'arakunapis uyarinku, wañusqakuna kawsarimunku, wajchakunamanpis Diosmanta sumaj willay willakun.

Hechos 26:18

Noqa qanta kachasqayki mana judío kajkunaj ñawinkuta kicharinaykipaj, laqhamanta sut'iman llojsimunankupaj, ajinamanta noqapi atinikusqankurayku Dios juchankuta pampachanqa. Jinallataj paykunapis Diospaj t'aqasqa kajkunawan khuska chayaqeta jap'illanqankutaj, nispa.

Isaías 42:7

Noqa wajyarqayki ñawsakunaj ñawinta qhawarichinaykipaj, carcelpi kajkunata orqhonaykipaj, laqha carcelpi presochasqa tiyakojkunata kacharichinaykipaj ima.

San Juan 12:46

Noqa k'anchay jina kay pachapi k'anchanaypaj jamorqani, noqapi tukuy atinikojkuna amaña laqhallapipuni kanankupaj.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.

Colosenses 1:13

Diosqa laqhayaypi kamachejpa atiyninpi kawsashasqanchejmanta orqhospa, munasqa Churinpa kamachiyninman churawarqanchej.

San Mateo 4:16

Laqhapi tiyakoj runakuna uj jatun k'anchayta rikonqanku. Wañuy llanthu cheqapi tiyakojkunamanpis uj k'anchay lliphipimonqa, nispa.

Isaías 32:3

Chayrayku rikojkunaqa sut'ita rikonqanku, jinallataj uyarejkunaj ninrinkupis sumajta uyarenqa.

Salmos 147:3

Payqa sonqo p'akisqa kajkunata kawsarichin, k'irisqa kajtapis jampiykun.

Isaías 35:5

Chaypacha ñawsakunapis rikonqanku, joq'arakunaj ninrinkupis kicharisqa kanqa.

San Mateo 5:3

Kusikuyniyojmin kanku wajcha sonqoyoj kasqankuta reparakojkunaqa, imaraykuchus janaj pachamanta Diospa kamachiyninpi kanqanku.

San Lucas 6:20

Chantá Jesús yachachisqankunata qhawarispa, nerqa: Kusikuyniyojmin kankichej qankuna wajchakuna, imaraykuchus Diospa kamachiynenqa qankunapaj.

Malaquías 4:2

2 (3.20) Qankuna noqata kasuwajkunapajrí, justiciay inti jina lliphipipirenqa, chay k'anchaynintaj sumaj kawsayta apamonqa. Chantá qankuna kusiymanta phinkirinkichej, imaynatachus torillokuna corralmanta llojsispa sink'urinku, ajinata.

Santiago 2:5

Munasqa wawqe panaykuna, allinta uyariwaychej: Manachu Diosqa pikunachus kay pachapi wajcha kajkunata ajllakun, Diospi atinikuypi qhapaj kanankupaj? Manachu paykuna kamachiyninpi chayaqeyoj kanqanku, Dios payta munakojkunaman chayaqeta qonanta nisqanman jina?

San Juan 3:34

Diospa kachamusqanqa Diospa simi nisqanmanta parlan, imajtinchus Diosqa Santo Espiritunta mana mich'akuspa payman qon.

Isaías 59:21

Tata Dios nillantaj: Kay tratota paykunawan ruwasaj: Qankunaman qosqay Espíritu, simiykichejman churasqay nisqay ima qankunamanta mana karunchakonqachu, nitaj wawaykichejkunamanta, nillataj allchhiykichejkunamantapis, kunanmanta wiñaypaj, nispa.

Isaías 50:4

Tukuyta Kamachej Tata Dios yachay parlayta simiyman churarqa, sayk'usqa runakunata parlaspa kallpachanaypaj. Sapa paqarin pay rijch'arichiwan, yachachisqanta sumajta uyarinaypaj.

Salmos 102:20

20 (21) pikunachus presochasqa kanku, chaykunaj waqasqankuta uyarinanpaj, wañunankupaj juchachasqa kajkunatataj kacharichinanpaj.

Daniel (hebreo) 9:24

Diosqa qanchis chunka semanata t'aqan israelitakunawan, Diospaj t'aqasqa llajtanwan ima Diospa contranta oqharikusqankumanta kutirikunankupaj, juchallisqankumanta, millay ruwasqankumantataj qhespichisqa kanankupaj ima. Chaymantataj Diosqa cheqan kajta wiñaypaj sayachenqa. Ajinata mosqoypi jina rikusqayki, sut'inchajkunaj willasqanku ima junt'akonqa, may llimphu cheqapis Diosllapaj t'aqasqa kanqa.

Isaías 57:15

Ajinata patapi kaj wiñaypaj kawsaj Tata Dios nini, May Llimphu Kaj sutiyoj Dios: Noqa patapi tiyakuni, may llimphu cheqapi. Jinallataj llamp'u sonqoyojwan, k'umuykojwan ima kashani, k'umuykoj sonqoyojkunata, sonqo p'akisqakunatapis kusichinaypaj.

Isaías 49:9

Jinapi presochasqa kajkunaman ninki: Qankunaqa kacharisqaña kankichej, nispa. Laqhapi kajkunatapis ninki: Llojsimuychej, rikuchikuychejtaj, nispa. Chantá paykuna oveja jina ñan kantupi mikhunata tarenqanku, jinallataj may orqokunapipis mikhuna kallanqapuni.

Isaías 45:13

Noqaqa Cirota churasaj kamachisqayta junt'ananpaj, may ñantachus purinantapis noqa pusasaj. Paymin llajtayta watej sayarichenqa. Pikunachus mana munashajta waj suyuman apasqa kashanku, chaykunatapis kacharichipuwanqa mana t'inkaraykuchu, nispa. Noqa Tukuy Atiyniyoj Tata Dios ajinata nini.

Salmos 34:18

18 (19) Tata Diosqa sonqo p'akisqa kajkunata qhespichinanpaj qayllallankupi kashan, pikunachus manaña ima suyanayoj kanku, chaykunata.

Salmos 2:6

Noqaqa ajllakusqay kuraj kamachejta Sión orqopi kamachinanpaj tiyaykuchiniña noqapaj ajllakusqay Sión orqopi, nispa.

Sofonías 3:12

Manachayqa noqa qankuna ukhupi llamp'u sonqoyoj runakunata, pisi kapuyniyoj runakunatapis kawsashajta saqesaj, pikunachus sutiypi atinikunku, chaykunallata.

Salmos 2:2

Kay pachapi kuraj kamachejkuna, kamachejkunawan ima Tata Diospa contranta oqharikunku, ajllakusqan kuraj kamachejpa contranpiwan ima.

San Juan 1:41

Paytaj ñawpajta wawqen Simonta mask'arqa. Tarispataj, nerqa: Mesiasta tariyku, nispa. Hebreo rimaypi Mesías ninku, griego rimaypitaj Cristo.

San Mateo 12:20

Lajrasqa soqosollatapis mana p'akenqachu, nitaj ñak'ayllata lawrashaj mecherotapis wañuchenqachu, cheqan justiciata atipachinankama.

Salmos 51:17

17 (19) Manachayqa k'umuykoj sonqo kanayta munanki. Qanqa Diosníy, tukuy sonqo k'umuykojta, chantá qanman kutirikamusojta mana qhesachankichu.

Zacarías 11:11

Chay p'unchaypacha chay trato p'akisqa karqa. Chay ñak'arichisqa ovejakunataj imatachus ruwasqayta rikuspa, repararqanku Tata Dios noqanejta parlashasqanta.

Ezequiel 9:4

Paymantaj nerqa: Jerusalén llajtaj ukhunta purispa, mask'ay, pikunachus tukuy ima millay ruwakusqanmanta llakikuspa waqashanku, chay runakunata. Tarispataj, uj señalta sapa ujpa mat'inkuman churaykuy, nispa.

Isaías 66:2

Noqa makiywan kay tukuy imata ruwarqani, ajinamantataj kay tukuy ima rikhurerqa. Ajinata noqa Tata Dios nini. Chantá nillanitaj: Pichus llamp'u sonqoyoj kajta noqa qhawasaj, pikunachus nisqayta uyarispa kharkatitinku, chaykunata.

Génesis 3:15

Noqataj qantawan, warmitawan jap'inachisqaykichej. Jinallataj mirayniykiwan, mirayninwanpis chejninakonqanku. Warmej mirayninmanta kajqa umaykita sarusonqa, qantaj chaki talonninmanta khaninki, nispa. Ajinata Diosqa katarita nerqa.

Hechos 4:27

Ajinamanta Herodeswan, Poncio Pilatowan kay llajtapi tantakorqanku mana judío kajkunawan, israelitakunawan ima ajllasqa kamachiyki Jesuspa contranpi oqharikunankupaj, pitachus qan ajllakorqanki, paypa contranpi.

Salmos 45:7

7 (8) Qanqa cheqan kajta munakunki, millayta ruwanatataj chejnikunki. Chayrayku Diosniyki qanta ajllakusunki, jinaspataj, kawsaqeykikunamanta astawanraj kusiywan junt'achisunki.

2 Crónicas 34:27

sonqoykita wawayachispa, noqaman k'umuykamuwarqanki, kay cheqaj contranpi, kaypi tiyakojkunaj contrankupiwan, imakunatachus nisqayta uyarispa. Ñawpaqeyman k'umuykamuwarqanki, p'achaykita llik'ikuspataj, ñawpaqeypi waqarikorqanki. Chayrayku noqapis mañakuwasqaykita uyarillaykitaj, nispa. Noqa Tata Diosniyki nishayki:

San Mateo 12:18

Dios nin: Kaymin noqaj kamachiy, pitachus noqa ajllakuni, chay. Paymin munakusqay, paywantaj may kusisqa kani. Payman Espirituyta qoni, chantá tukuy suyuman justiciamanta willanqa.

San Lucas 4:17

Ñawirinanpaj payman jaywarqanku Diosmanta ñawpa sut'inchaj Isaiaspa qhelqanta, paytaj mayt'uraspa, kay jina qhelqasqata tarerqa:

Hechos 4:26

Kay pachapi kuraj kamachejkuna, kurajkunawan ima Diospa contranta oqharikunku, ajllakusqan Cristoj contranpiwan ima, nispa.