San Lucas 24:44 - DIOSPA QHELQACHISQ

⁴⁴ Chaymantataj nerqa: Imachus noqata kunankama qhatiriwarqa, chay tukuy ima kananta willarqaykichejña qankunawan kashaspa. Imaynatachus noqamanta willan Moisespa kamachisqanpi, jinataj Diosmanta sut'inchajkunaj qhelqasqankupi, chantá Salmokunapi qhelqasqa kashan, chay tukuy ima junt'akunan karqa, nispa.

Qheshwa Biblia DC

⁴⁴ Chaymantataj nerqa: Kayta nerqaykichejña qankunallawanraj kashaspa, junt'akunampuni kasqanta chay tukuy, noqamanta escribisqa kajkuna Moisespa leynimpi, profetaspapi, salmospi ima.

DIOSPA QHELQACHISQAN DEUTEROCANONICAL

⁴⁴ Chaymantataj nerqa: Imachus noqata kunankama qhatiriwarqa, chay tukuy ima kananta willarqaykichejña qankunawan kashaspa. Imaynatachus noqamanta willan Moisespa kamachisqanpi, jinataj Diosmanta sut'inchajkunaj qhelqasqankupi, chantá Salmokunapi qhelqasqa kashan, chay tukuy ima junt'akunan karqa, nispa.

Quechua South Bolivia: Dios Parlapawanchej

⁴⁴ Paycunatataj nerka: —Kancunawanraj cashaspa caycunata nerkayquichej: Tucuy nokamanta kelkaska junt'acunan tiyan, Moisespa kelkaskan, unay willajcunaj kelkaskancu, taquina libropipis, —nispa.

San Lucas 24:44 Referans Kwoze

Zacarías 12:10

Chantá Davidpa mirayninman, jinataj Jerusalenpi tiyakojkunaman sumaj sonqota qosaj, noqa Diosmanta mañakuyta munana sonqotawan. Noqata qhawariwanqanku, pitachus t'ojserqanku, chayta. Chaymantataj may jinata waqanqanku, imaynatachus runakuna waqanku k'ata wawanku chayrí kuraj kaj churinku wañojtin, ajinata.

Zacarías 9:9

Sión llajta, sinch'ita kusikuy. Jerusalén llajta, kusiymanta takiy. Kuraj kamachejniykeqa cheqan, atiyniyojtaj jamusonqa. Llamp'u sonqo kaspa, payqa burropi lloq'asqa jamusonqa, china burroj uñan, maltun burritopi.

Hechos 13:33

Noqanchej paykunaj mirayninku kasqanchejrayku Dios chay nisqanta noqanchejpaj junt'arqa, Jesusta kawsarichimuspa. Ajinata paymanta iskay kaj Salmopi nin: Qanqa Churiy kanki, kunantaj noqa Tatayki kani, nispa.

San Lucas 9:22

Jesús nillarqataj: Noqa Runaj Churenqa maytapuni ñak'arisaj. Jinallataj kurajkuna, kuraj sacerdotekuna, Diospa kamachisqanmanta yachachejkuna ima qhesachawanqanku. Chantá wañuchiwanqanku. Chaywanpis kinsa p'unchaymanta kawsarimpusaj, nispa.

Isaías 7:14

Chayrayku kikin Tukuyta Kamachej Diosllamin uj señalta rikuchisonqachej. Uyariwaychej, qharej mana chayasqan sipas wijsallikonqa, paqarichikuspataj, wawanta “Emanuel” sutichanqa. Chay suti niyta munan “Dios noqanchejwan kashan”.

Apocalipsis 19:10

Chayta ángel nejtin, noqaqa payta yupaychanaypaj chakin chaynejman pampakama k'umuykorqani. Paytajrí niwarqa: Ama chayta ruwaychu. Noqaqa qan jina, chantá Jesuspa nisqanta jap'ikoj wawqe panaykikuna jina Diospa kamachillantaj kani. Qanqa Diosllata yupaychay, imaraykuchus Diosmanta sut'inchajkunaj nisqankoqa, Jesusmanta willanallapajpuni runaj sonqonta aysan, nispa.

Hebreos 10:1

Moisespa kamachisqanqa jamoj imakunaj llanthun jinalla karqa, mana janaj pachamanta chay kikin allin imakunachu. Chayrayku kamachisqaqa sapa wata kikin jaywanallatapuni Diosman jaywajkunata mana jayk'aj cheqan runaman tukuchiyta atinchu.

San Juan 5:46

Moisespa nisqantachus jap'ikuwajchej chayqa, nisqaytapis jap'ikullawajchejtaj, imaraykuchus payqa noqamantamin qhelqarqa.

Zacarías 6:12

Chantá payta ninki: Tukuy Atiyniyoj Tata Dios nin Ijimuy Kaj nisqa qhari kikin saphinmanta wiñamunanta, chantataj Tata Diospa Templonta jatarichinanta.

Isaías 9:6

6 (5) Uj qhari wawa paqaripuwanchejña, Diostaj uj qhari wawata qowanchej. Kamachinanpaj jatun ateyqa paywan kanqa. Paytataj sutichanqanku: May K'acha Yuyaychaj, Tukuy Atiyniyoj Dios, Wiñay Kawsayniyoj Tata, Allin Kawsayta Apamoj Kamachej ima.

Isaías 28:16

Chayrayku Tukuyta Kamachej Tata Dios nin: Sión orqopi uj rumita churani, sumaj ajllasqa rumi cimiento sumaj kananpaj. Pichus chaypi atinikojqa mana kuyurispa sayallanqapuni.

Salmos 118:22

Wasi ruwajkunaj pisipaj qhawasqanku rumeqa cimiento esquinapaj sumaj rumiman tukupun.

Zacarías 13:7

Tukuy Atiyniyoj Tata Dios nin: Yu espada, michejniypa contranpi oqharikuy, pichus yanapawajpa contranpitaj sayariy. Michejta wañuchiy, ovejaykunataj ch'eqerakonqanku. Noqapis corderokunaj contrallankupitaj oqharikusaj.

Oseas 3:5

Chaymanta qhepamanrí israelitakuna kutimuspa, Tata Diosninkuta mask'anqanku, jinallataj kuraj kamachej Davidpa kamachiyninpi kawsanqanku. Qhepa p'unchaykunapitaj tukuy sonqo Tata Diosta may jatunpaj qhawaspa, t'ukurenqanku pay may k'acha kasqanrayku.

Ezequiel 34:23

Noqaqa kamachiy Davidta kutirichimusaj, paytataj ovejaykunata michinanpaj churasaj. Pay ovejaykunata sumaj pastopi mikhuchipuwanqa, sumajtataj paykunata michenqa.

Isaías 52:13

Tata Dios nin: Uyariwaychej, kamachiytaqa tukuy imapi allin renqa. Payqa may jina jatunchasqa, may jina pataman oqharisqataj kanqa.

Génesis 22:18

Nisusqayta kasuwasqaykiraykutaj noqa kay pachapi tukuy runata mirayniykinejta saminchasaj, nispa.

Hebreos 9:8

Chaywan Santo Espíritu yachachisharqa Diosllapaj T'aqasqa Cheqaman yaykuna manaraj kicharisqachu kasqanta runakuna yaykunankupaj. Chaytaj ajina karqa Dioswan Tinkukuna ñawpaj kaj Toldo kashanankama.

San Juan 5:39

Qankunaqa Diospa Qhelqachisqanta allin allinta qhawankichej, imaraykuchus qhelqasqapi imatachus nisqannejta wiñay kawsayta tarinaykichejta yuyankichej. Chay qhelqasqarí noqamanta willan.

Zacarías 14:4

Chay p'unchaypitaj Tata Dios Olivos nisqa orqopi sayanqa, mayqenchus Jerusalén llajtaj inti llojsimuyninnejpi kashan, chaypi. Jinallataj Olivos nisqa orqoqa iskayman t'aqakonqa, inti llojsimuynejmanta inti yaykuynejkama, chawpinpitaj uj valle rikhurenqa. Khuskan orqoqa wichaynejman apasqa kanqa, khuskannintaj uraynejman.

Daniel (hebreo) 7:13

Chay tutapi mosqoypi jina rikusqayta qhawashaspallapuni, runaj churinman rijch'akojta phuyu chawpipi jamushajta rikorqani. Payqa, maypichus Wiñaymantapacha Kaj kasharqa, chayman risqa, paytataj Wiñaymantapacha Kajman qayllachisqanku.

Daniel (hebreo) 2:44

Chay kuraj kamachejkuna kamachishajtinku, janaj pachapi kaj Tata Dios mana jayk'aj chinkachisqa kanan kamachiyninta sayarichenqa, manataj mayqen suyupis payta atipanqachu. Astawanpis payqa tukuynin waj suyukunata tukuchenqa, paypa suyuntaj wiñaypaj sayanqa.

Ezequiel 17:22

Noqa Tukuyta Kamachej Tata Dios nillanitaj: Noqa kikiy chay aswan jatun kaj pino sach'aj puntanta jap'ispa, aswan jatun kaj q'omer thansanta t'ipispataj, manchay jatun orqo pataman mallkiykusaj.

Jeremías 23:5

Tata Dios nillantaj: Uj p'unchay chayamonqa, chay p'unchaypitaj Davidpa mirayninmanta uj kuraj kamachejta jatarichisaj. Chay kuraj kamachejqa yachaywan, justiciawan, cheqanta ruwaspataj kamachenqa.

Números 35:25

Ajinata wañojpa ayllun vengakuspa wañuchinanmanta jark'anqanku. Runata wañuchejtataj, may llajtamanchus pakakunanpaj ayqekorqa, chay llajtaman kutichenqanku. Pichus wañuchejqa, aceitewan jawisqa kuraj kaj sacerdote wañupunankama chaypi tiyakonqa.

Números 21:8

Chantá Tata Dios Moisesta nerqa: Kay nina katariman rijch'akojta broncemanta ruwaspa, wiphalata sayachina k'aspiman warkhuykuy. Tukuy pichus katariwan khanichikojqa, warkhusqa katarita qhawachun, chantá mana wañonqachu, nispa.

Génesis 3:15

Noqataj qantawan, warmitawan jap'inachisqaykichej. Jinallataj mirayniykiwan, mirayninwanpis chejninakonqanku. Warmej mirayninmanta kajqa umaykita sarusonqa, qantaj chaki talonninmanta khaninki, nispa. Ajinata Diosqa katarita nerqa.

San Juan 3:14

Imaynatachus ch'innejpi Moisés broncemanta katarita k'aspiman warkhuspa pataman oqharerqa, ajinallatataj Runaj Churinpis pataman oqharisqa kanqa.

San Lucas 24:46

Pay nillarqataj: Ajinata Diospa Qhelqachisqanpi nin, Cristoqa jinatapuni ñak'arinanta, chantataj wañusqakuna chawpimanta kinsa p'unchayninman kawsarimpunanta.

Jeremías 33:14

Tata Dios nillantaj: Uj p'unchay jamonqa, chay p'unchaypitaj, imatachus Israelman, Judaman ima qonayta nerqani, chayta noqa junt'asaj.

Génesis 49:10

Judá ayllumanta kamachina varata ni pi qhechonqachu. Nillataj pipis mirayninpa makinmanta kamachina varata qhechonqachu varaj dueñon chayamunankama, pichus tukuy kay pachata kamachenqa, chay.

Génesis 14:18

Jinapi Salemmanta kuraj kamachej Melquisedec t'antata, vinotawan ima Abramman aparqa. Melquisedecqa Patapi Kaj Diospa sacerdoten karqa.

Hebreos 7:1

Melquisedecqa Salén sutiyoj llajtaj kuraj kamachejnin karqa, Patapi Kaj Diospa sacerdotentaj. Maypachachus Abraham maqanakuspa kuraj kamachejkunata atipasqanmanta kutimusharqa chaypacha, Melquisedecqa Abrahamta taripaj llojsimorqa, chantá payta samincharqa.

Hebreos 3:5

Moisesqa kamachi jina Diospa ayllunpi imachus ruwananta sumajta junt'arqa. Chay ruwasqantaj rejsicherqa Dios imamantachus aswan qhepaman parlanan karqa, chaykunata.

Hechos 7:37

Kay Moisesllataj israelitakunata nerqa: Qankuna ukhullamantataj Dios noqata jina uj sut'inchajta sayarichenqa, qankunataj paytamin uyarinkichej, nispa.

San Lucas 22:37

Noqa niykichej: Diospa Qhelqachisqanpi kay qhelqasqa noqapiraj junt'akunan tiyan: Payqa juchasapakunawan yupasqa karqa, nispa. Ajinaqa noqamanta imachus qhelqasqa kaj junt'akunanpuni tiyan, nispa.

San Lucas 21:22

imaraykuchus ñak'ariy p'unchaykuna kanqa ñawpa qhelqasqapi nisqanman jina junt'akunanpaj.

San Lucas 9:44

Kayta allinta uyariychej, amataj qonqaychejchu: Runaj Churintaqa runakunaj makinman jaywaykonqanku, nispa.

San Mateo 26:56

Chaywanpis kay jinata ruwashankichej, imaraykuchus Diosmanta sut'inchajkunaj nisqankoqa junt'akunan tiyan, nispa. Chantá tukuynin yachachisqankuna Jesusta sapallanta saqerparispa, ayqerikaporqanku.

San Mateo 26:54

Ajinachus kanman chayqa, imaynamantataj Diospa Qhelqachisqan junt'akunmanri? nispa.

San Mateo 16:21

Chaymantapacha Jesusqa yachachisqankunaman willayta qallarerqa Jerusalenman rinanpuni kasqanta, chaypitaj kurajkuna, Diospa kamachisqanmanta yachachejkuna, kuraj sacerdotekuna ima anchatapuni payta ñak'arichinankuta, wañuchinankuta ima. Chantá nillarqataj kinsa p'unchaymanta wañusqamanta kawsarimpunanta.

Amós 9:11

Uj p'unchay jamushan, chay p'unchaypitaj Davidpa ayllunta urmasqa kasqanmanta oqharisaj, watejmantataj sayarichisaj, imaynachus ñawpajta karqa, kikinta.

1 Pedro 1:11

Cristoj Espíritun paykunapi kaspa, ñawpajmantapacha sut'inchasqa Cristo ñak'arinanmanta, chaymantataj jatunchasqa kananmanta ima. Paykunataj mayk'ajchus, chantá imaynamantatajchus chay kananta yachayta munaspa, mayta watorqanku.

Hechos 3:18

Chaywanpis Diosqa paymanta ñawpa sut'inchajkunanejta sut'inchasqaña paypa kachamusqan Cristo ñak'arinanta. Diostaj chay nisqanta qankunanejta junt'arqa.

Marcos 9:31

imaraykuchus yachachisqankunamanpuni yachachiyta munasharqa. Paykunatataj ajinata nerqa: Runaj Churenqa runakunaj makinman jaywasqa kanqa, paykunataj wañuchenqanku. Chaywanpis kinsa p'unchayninmanta wañusqamanta kawsarimponqa, nispa.

San Mateo 1:22

Chay tukuy ima karqa, imaynatachus Dios ujnin sut'inchajninnejta sut'inchasqa, chayman jina junt'akunanpaj:

Hechos 2:27

Diosníy, qanqa wañusqakunatawan khuska mana saqerpayawankichu, nitaj noqa ajllakusqaykej aychay asnapunantapis.

Hechos 13:40

Chaywanpis sumajta qhawarikuychej ari, sut'inchajkunaj nisqanku ama qankunapi junt'akunanpaj: