San Lucas 21:17 - DIOSPA QHELQACHISQ

¹⁷ Noqarayku tukuy runaj chejninan kankichej.

Qheshwa Biblia DC

¹⁷ Tukuypa chejninantaj kankichej noqaj sutiyrayku.

DIOSPA QHELQACHISQAN DEUTEROCANONICAL

¹⁷ Noqarayku tukuy runaj chejninan kankichej.

Quechua South Bolivia: Dios Parlapawanchej

¹⁷ Tucuy runas chejnisonkachej, nokaj yachacojcunay caskayquichejraycu.

San Lucas 21:17 Referans Kwoze

San Juan 15:19

Sichus qankuna paykuna jinallataj kawajchej chayqa, munakusunkichejman. Qankunarí manaña paykuna jinachu kankichej, imaraykuchus noqa qankunata ajllakorqaykichej manaña paykuna jina kanaykichejpaj. Chayraykumin paykuna chejnisunkichej.

San Lucas 6:22

Kusikuyniyojmin kankichej pikunachus Runaj Churinrayku waj runakuna chejnisojtiykichej, paykuna ukhumanta qharqosojtiykichej, rimasojtiykichej, millay runakunata jina qhesachasojtiykichej ima.

2 Corintios 12:10

Chayrayku pisi kallpayoj kasqaymanta kusikuni. Jinallataj p'enqachisqa kasqaymanta, pisichikusqaymanta, qhatiykachasqa kasqaymanta, Cristomanta atinikusqayrayku, sinch'i llakiypi rikhurisqaymanta ima. Chaymanta noqa kusikuni, imaraykuchus pisi kallpayoj kashaspa, Jesusnejta aswan kallpayoj kani.

San Juan 15:21

Paykuna chay tukuyta ruwasonqachej yachachisqay kasqaykichejrayku, imajtinchus Diosman mana kutirikojkunaqa pichus Kachamuwajta mana rejsinkuchu.

Apocalipsis 2:3

Qanqa noqarayku pacienciakorqanki, jinallataj kasuwasqaykirayku mayta ñak'arichisqa kaspa, mana llawch'iyarqankichu.

Filipenses 1:29

Paymin qankunata maypaj qhawaspa, atiyta qosunkichej mana Cristopi atinikunallaykichejpajchu, manachayqa payrayku ñak'arinaykichejpaj.

2 Corintios 4:11

Noqaykoqa kawsashaspapis, Jesusrayku wañuyman jaywasqa kashayku, ajinamanta wañoj ukhuykupi Jesuspa kawsaynin rikukunanpaj.

San Juan 17:14

Nisqaykita paykunaman willarqani. Diosman mana kutirikojkunatajrí paykunata chejnerqanku, imaraykuchus manaña paykuna jinachu kanku. Noqapis manallataj paykuna jinachu kani.

Marcos 13:13

Kay pachapi tukuy runakuna noqarayku chejnisonqachej. Chaywanpis qankunamanta pichus tukukuykama sinch'ita sayaj, chay runata Dios qhespichenqa.

San Mateo 24:9

Chantá runakuna qankunata jap'ichispa, ñak'arichisonqachej, wakinniykichejtataj wañuchisonqachej. Ajinata tukuy runaj chejnisqan kankichej noqaj sutiyrayku.

San Mateo 10:22

Noqarayku tukuy runakuna chejnisonqachej. Chaywanpis qankunamanta pichus tukukuykama sinch'ita sayaj, chay runata Dios qhespichenqa.

1 Pedro 4:14

Sichus pipis Cristopi atinikusqaykichejrayku qankunata turiyasunkichejman chayqa, kusikuychej, imaraykuchus Diospa jatun atiyniyoj Espíritun qankunawanpuni kashan.

Hechos 9:16

Chantá payman rikuchillasajtaj may chhikatachus sutiyrayku ñak'arinanta, nispa.

San Juan 7:7

Runakuna qankunata mana chejnikusunkichejchu. Noqatarí chejnikuwanku, imaraykuchus noqaqa ruwasqanku mana allinchu kasqanta sut'ita nipuni.

San Mateo 5:11

Qankunapis kusikuyniyojmin kankichej, runakuna noqarayku qankunapaj rimajtinku, chejnispa ñak'arichisojtiykichej, llullakuspa contraykichejpi imaymanata nejtinku ima.

2 Corintios 4:5

Noqaykoqa mana noqayku kikiykumantachu willashayku. Manachayqa Jesucristo Tukuyta Kamachej kasqanta willayku. Jinallataj noqayku qankunaj kamachiykichejkuna jina kayku, Jesusta munakusqaykurayku.

San Lucas 21:16

Chaywanpis kikin tataykichejwan, wawqeykichejwan, aylluykichejwan, jinataj kawsaqeykichejwan ima qankunata jap'ichisonqachej. Wakinniykichejtataj wañuchenqanku.

San Lucas 21:18

Chaywanpis umaykichejmanta mana uj chujchallapis chinkanqachu.