San Lucas 20:22 - DIOSPA QHELQACHISQ

²² Ima ninkitaj qan: Allinchu kanman Romapi kuraj kamachej Cesarman impuestota pagana, chayrí manachu? nispa.

Qheshwa Biblia DC

²² Ima ninkitaj: Allinchu kanman impuestota Cesarman qona, manachu?

DIOSPA QHELQACHISQAN DEUTEROCANONICAL

²² Ima ninkitaj qan: Allinchu kanman Romapi kuraj kamachej Cesarman impuestota pagana, chayrí manachu? nispa.

Quechua South Bolivia: Dios Parlapawanchej

²² Cunan kan niwaycu: Nokanchej, israelcuna ¿romano gobiernoman impuestota konachus manachus?

San Lucas 20:22 Referans Kwoze

Nehemías 9:37

Chay jallp'api tukuy ima sumajta poqon. Chaywanpis chayqa kuraj kamachejkunaj pirwallankuman rin, pikunatachus juchaykurayku kamachinawaykupaj churarqanki, chaykunajpaman. Paykunaqa noqaykuwan jinataj uywaykukunawanpis munayninkuta ruwanku, noqaykutaj may jina ñak'arichisqa kashayku, nispa. Ajinata chay levitakuna Diosmanta mañakorqanku.

Hechos 5:37

Chay qhepaman, Galileamanta Judasñataj rikhurimorqa, runa yupay kashajtin. Paytapis ashkha runakuna qhatillarqankutaj. Chaywanpis payta wañuchisqankutawan, qhatejninkunapis kikillantataj ch'eqerarqanku.

San Mateo 17:25

Pedrotaj kuticherqa: Arí, pay pagan, nispa. Chantá Pedro wasiman yaykushajtin, Jesús payta nerqapacha: Ima ninkitaj, Simón? Kay pachapi kuraj kamachejkunaqa pitataj tasata, chayrí impuestota pagachinku: Llajta masinkukunatachu, chayrí waj llajtayojkunatachu? nispa.

Nehemías 5:4

Wakin nillarqankutaj: Kuraj kamachejman impuestota paganaykupaj jallp'aykuta, uva huertaykuta prendaspa, qolqeta manukorqayku.

Esdras 9:7

Unaymantapacha kunankamaqa, may millayta juchallispa kawsayku. Chantá sajra kawsayniykurayku noqayku, jinallataj kuraj kamachejniykupis, sacerdoteykukunapis jaywasqa karqayku waj suyumanta kuraj kamachejkunaj makinkuman. Paykunataj wakinta wañuchiwarqayku, presochawarqayku, kapuyniykuta suwawarqayku, p'enqaypi rikhurichiwarqayku ima. Chantá kunankama ajinallapuni kawsashayku.

Esdras 4:13

Willamullasuykutaj, maypachachus kay llajta watejmanta ruwasqa kanqa, perqantaj watejmanta sayarichisqa kanqa chaypachaqa, chay runakuna manaña pagayta munanqankuchu ni ima impuestokunata, ni ñan pichaypajpis ni imata qoyta munanqankuchu. Ajinamanta qanpajqa qolqe pisiyanqa.

Deuteronomio 17:15

Jina kanman chayqa, Tata Diosniykichej qankuna ukhumanta ajllasqanta kuraj kamachej kananpaj churankichej. Ama waj llajtayojtaqa churankichejchu, israelita llajta masiykichejtapuni kuraj kamachej kananpaj churankichej.

San Lucas 20:21

Jinapitaj paykuna taporqanku: Yachachej wiraqochi, allinta nisqaykita yachayku, cheqanta yachachisqaykita ima. Qanqa mana runaj uyanta qhawarispallachu imatapis ruwanki, manachayqa Diospa munayninta kasunamanta cheqanta yachachinki.

San Lucas 20:23

Jesustajrí mana allin yuyaywan chayta tapusqankuta yachaspa, nerqa:

San Lucas 23:2

Chaypitaj Jesusta ch'ataykuyta qallarerqanku: Kay runataqa runakunata ch'ajwachishajta taripayku, imaraykuchus nin kuraj kamachej Cesarman impuestota mana paganata. Nillantaj pay Diospa kachamusqan Cristo kasqanta, jinallataj kuraj kamachej jina kamachinanta, nispa.

Romanos 13:7

Jinallataj tukuy manuykichejta junt'aychej: Pimanchus impuesto pagana kajtenqa, chayta pagaychej. Waj ima pagana kajtinpis, chaytapis pagallaychejtaj. Pitachus kasunaykichej tiyan, payta kasuychej. Pitachus jatunpaj qhawanaykichejtapis jatunpaj qhawaychej.