San Lucas 2:34 - DIOSPA QHELQACHISQ

³⁴ Chantá Simeón paykunata saminchaytawan, wawaj maman Mariatañataj nerqa: Kay wawataqa Diosmin Israelpi churan, wakinkunata urmachinanpaj, wakinkunataj Diosman kutirichinanpaj. Dios payta señal kananpaj churajtinpis, ashkha runakuna payta qhesachanqanku.

Qheshwa Biblia DC

³⁴ Chantá Simeón paykunata bendicerqa. Wawaj maman Mariamantaj nerqa: Kay wawataqa Dios churan Israelpi ashkhas urmanankupaj jatarinankupajtaj. Señal churasqa payta ashkhas qhesachanankupaj.

DIOSPA QHELQACHISQAN DEUTEROCANONICAL

³⁴ Chantá Simeón paykunata saminchaytawan, wawaj maman Mariatañataj nerqa: Kay wawataqa Diosmin Israelpi churan, wakinkunata urmachinanpaj, wakinkunataj Diosman kutirichinanpaj. Dios payta señal kananpaj churajtinpis, ashkha runakuna payta qhesachanqanku.

Quechua South Bolivia: Dios Parlapawanchej

³⁴ Simeontaj Diosmanta mañariporka paycunapaj. Chanta Jesuspa maman Mariaman nerka: —Uyariway, Dios cay Wawata churarka. Ajinapi israelcunamanta ashqhas Diosmanta caruchaconkancu, ashqhastaj payman kayllayconkancu. Jesús uj ricuchina canka. Ashqha runas cay ricuchinata khesachaspa churanaconkancu.

San Lucas 2:34 Referans Kwoze

1 Corintios 1:23

Noqaykurí Cristo cruzpi chakatasqa kasqanmanta willayku. Judiokunata chay willayqa phiñarichin, mana judío kajkunapajtaj wampu runaj thawtisqan jina.

San Mateo 21:44

Chay esquina rumimanta parlaspataj, niykichej: Pillapis chay rumi pataman urmajqa t'unasqa kanqa. Chantá, pejpa patanmanchá chay rumi urmaykonqa, chayqa phirisqa kanqa, nispa.

Oseas 14:9

Tukuy yachayniyojkuna, allin yuyayniyojkuna, kay simita jap'ikuchunku: Tata Diospa kamachisqanqa cheqanmin, cheqan kawsayniyojkunataj chaykunata kasunku. Mana kasukojkunatajrí chaypi misk'aspa, urmanqanku.

1 Pedro 4:14

Sichus pipis Cristopi atinikusqaykichejrayku qankunata turiyasunkichejman chayqa, kusikuychej, imaraykuchus Diospa jatun atiyniyoj Espíritun qankunawanpuni kashan.

Hebreos 7:7

Tukuy yachanchej pichus saminchajqa aswan kuraj kasqanta saminchayta jap'ejmanta nisqaqa.

Romanos 9:32

Imarayku? Imaraykuchus paykuna ruwasqankunejta cheqanpaj qhawasqa kayta mask'arqanku, manataj Diospi atinikusqankuraykuchu. Chayrayku Cristoqa paykunapaj misk'ana rumi jina karqa.

Hechos 6:7

Ajinamanta tukuynejpi runakuna Diospa Simi nisqanta uyarerqanku. Jinataj Jerusalén llajtapi Jesusta qhatikojkunaman ashkha yapakusharqanku. Jinallataj sacerdotekunamanta ashkha Jesucristopi atinikuspa, payman kutirikorqanku.

Hechos 24:5

Noqayku yachayku kay runaqa millay runa kasqanta. Tukuy llajtapi judiokunata ch'ajwachin. Jinallataj payqa Nazaret llajtayoj runata qhatikojkunaj kamachejnin.

Hechos 17:6

Paykunata mana tarispatajrí, Jasonta, wakin wawqekunatawan qhatatarqanku llajtapi kamachejkunaj ñawpaqenman. Qhaparispataj, nerqanku: Kaykunaqa tukuynejpi runakunata ch'ajwachinku. Kunanqa kaymanñataj jamusqanku.

Hechos 13:45

Judiokunaj kurajninkukunatajrí chay chhika runata rikuspa, Pablowan chhoqonakorqanku, paywan siminakuspataj, payta maldicerqanku.

Hechos 4:26

Kay pachapi kuraj kamachejkuna, kurajkunawan ima Diospa contranta oqharikunku, ajllakusqan Cristoj contranpiwan ima, nispa.

San Juan 5:18

Chayta Jesús nisqanrayku judiokunaj kurajninkukuna payta wañuchinankupaj astawan kallpachakorqanku, samarina p'unchaypi runata qhaliyachisqanrayku, chantá Diosqa Tatan kasqanta nisqanrayku ima. Chayta nispa, Jesús yachayta qorqa payqa Dios jinallataj kasqanta.

San Juan 3:20

Millayta ruwaspa purejkunaqa k'anchayta chejninku, manataj k'anchayman qayllamunkuchu, millay ruwasqanku ama sut'inchasqa kananpaj.

San Mateo 27:63

nerqanku: Wiraqochi, chay ch'awka runa kawsashasparaj imatachus nisqanta yuyarikuyku. Pay nerqa: Kinsa p'unchaymanta kawsarimpusaj, nispa.

San Mateo 12:46

Jesús runakunaman parlashajtillanraj, maman, wawqenkuna ima jawapi suyasharqanku, paywan parlayta munaspa.

San Mateo 11:19

Runaj Churin jamojtintajrí, mikhusqanrayku, ujyasqanraykutaj ninkichej: Kay runaqa anchata mikhun, machasqallataj purin. Chantá juchasapakunawan, impuestota cobrajkunawan ima kawsakun, nispa. Jinapis Dios yachayniyoj kasqanta reparanchej, chay yachachisqanta qhatejkuna imaynatachus kawsasqankuta rikuspa, nispa.

Isaías 8:18

Noqawan, Tata Diospa qowasqan wawaykunawan ima israelitakunapaj t'ukuna señal jina kayku, Tukuy Atiyniyoj Tata Diospa churasqan, pichus Sión orqopi tiyakun, chaypata.

Éxodo 39:43

Moisestaj tukuy chaykunata qhawaspa, rikorqa Tata Diospa kamachisqanman jina ruwasqankuta. Chantá paykunata samincharqa.

Génesis 47:7

Chantá Joseqa tatan Jacobtañataj faraonman rejsichinanpaj pusarqa. Jacobtaj faraonta jatun respetowan napaykorqa.

Génesis 14:19

Chantá pay Abramta kay jinata samincharqa: Patapi Kaj Dios saminchasuchun, pichus janajta, kay pachatawan ruwaj, chay.

Hebreos 7:1

Melquisedecqa Salén sutiyoj llajtaj kuraj kamachejnin karqa, Patapi Kaj Diospa sacerdotentaj. Maypachachus Abraham maqanakuspa kuraj kamachejkunata atipasqanmanta kutimusharqa chaypacha, Melquisedecqa Abrahamta taripaj llojsimorqa, chantá payta samincharqa.

Hechos 28:22

Chaywanpis, noqayku qanpa simiykimanta uyariyta munayku imatachus yuyasqaykita, imaraykuchus uyariyku ashkha runakuna chay Jesuspa yachachisqanta qhatejkunaj contranta tukuynejpi oqharikusqankuta, nispa.

1 Samuel 2:20

Chaypacha Elí sacerdoteqa Elcanata, jinataj warmintapis kay jinata nispa saminchaj: Tata Dios munachun kay warmipi ashkha wawata rejsinaykita, pay chay wawanta Tata Diosman qopusqanrayku, nispa. Chaymantataj wasinkuman kutipoj kanku.

San Lucas 2:35

Jinataj ashkha runaj yuyasqanku sut'inchasqa kanqa. Chaywanpis llakeyqa sonqoykita espada jina t'ojsenqa, nispa.