San Lucas 18:32 - DIOSPA QHELQACHISQ

³² Chaypi judío kajkuna mana judío kajkunawan payta jap'ichenqanku, chaymantataj payta asipayanqanku, p'enqayta k'umuykachachenqanku, thoqaykonqanku ima.

Qheshwa Biblia DC

³² Gentilesman jap'ichispa asipayanqanku, p'enqaypitaj rikhurichenqanku k'amispa, thoqaykuspa ima.

DIOSPA QHELQACHISQAN DEUTEROCANONICAL

³² Chaypi judío kajkuna mana judío kajkunawan payta jap'ichenqanku, chaymantataj payta asipayanqanku, p'enqayta k'umuykachachenqanku, thoqaykonqanku ima.

Quechua South Bolivia: Dios Parlapawanchej

³² Waj llajtayojcunaman jaywaska casaj. Paycunataj asipayawankancu, ñac'arichiwankancu, thokaycuwankancu.

San Lucas 18:32 Referans Kwoze

San Lucas 23:11

Chantá Herodeswan, soldadonkunawan ima Jesusta k'umuykachachiyta qallarerqanku, alqochakuyta munaspataj, kuraj kamachejta jina sumaj p'achawan p'achallicherqanku. Chaymantataj Herodes watej Pilatoman Jesusta pusacherqa.

Isaías 53:3

Runakuna payta qhesachanqanku, pisipajtaj qhawanqanku. Payqa imaymana nanaywan ñit'isqa kanqa, jinataj ñak'ariypi, llakiypi ima yachasqa kanqa. Payta wasanchaspa, wajnejta qhawasunchej. Payta qhesachasun manataj munakuywan qhawasunchu.

Isaías 50:6

Seq'owajkunaman wasayta jaywarqani, sunkhaytapis t'iranawankupaj jaywarqani. May jinata alqochakuwajtinku, thoqaykushawajtinkupis, mana uyayta pakarqanichu.

Hechos 3:13

Manachayqa Abrahampa Diosnin, Isaacpata, Jacobpata, ñawpa tatanchejkunajta ima kamachin Jesusta churan may jatunpaj qhawasqa kananpaj. Qankunarí Jesusta qhesachaspa, Pilatoman jaywaykorqankichej wañuchisqa kananpaj. Pilatotaj Jesusta kacharipuyta munarqa chaypis, qankuna manapuni munarqankichejchu.

Marcos 14:65

Chaymantataj wakinkuna Jesusman thoqaykuyta qallarerqanku, ñawinta qhataykuspataj sajmarqanku, nerqankutaj: Sut'inchawayku pichus sajmasusqanta, nispa. Templota qhawaj soldadokunapis Jesusta uyanpi laq'arqanku.

San Mateo 26:67

Chayta niytawantaj, paykuna Jesuspa uyanman thoqaykorqanku, laq'arqankutaj. Wajkunataj uyanpi sajmaspa,

San Mateo 16:21

Chaymantapacha Jesusqa yachachisqankunaman willayta qallarerqa Jerusalenman rinanpuni kasqanta, chaypitaj kurajkuna, Diospa kamachisqanmanta yachachejkuna, kuraj sacerdotekuna ima anchatapuni payta ñak'arichinankuta, wañuchinankuta ima. Chantá nillarqataj kinsa p'unchaymanta wañusqamanta kawsarimpunanta.

Miqueas 5:1

1 (4.14) Jerusalén, wakichikuy maqanakunaykipaj, imaraykuchus awqaykikuna muyuykusunkuña, Israelta kamachejtataj uj varawan uyanpi q'ajchanqanku.

Isaías 52:14

Chaywanpis paymanta ashkha runakuna t'ukorqanku, imaraykuchus ukhonqa manaña kasqan jinachu karqa, uyanpis manaña runaj uyanmanchu rijch'akorqa.

Hechos 2:23

Chaywanpis Dios imachus kananta yacharqaña, jinataj ñawpajmantapacha imatachus wakichisqanman jina Jesús qankunaman jaywaykusqa karqa. Qankunataj millayta ruwaj runakunawan payta cruzman chakatachispa, wañucherqankichej.

San Juan 18:35

Chantá kamachej Pilato Jesusman kuticherqa: Noqa judiochu kani, imatajri? Llajta masiykikuna, chantá kuraj sacerdotekuna ima kayman pusamusunku, noqa juzgasunaypaj. Imatataj ruwarqankiri? nispa.

San Juan 18:30

Paykunataj kuticherqanku: Manachus millayta ruwaj runa kanman chayqa, mana qanman pusamuykumanchu karqa, nispa.

San Juan 18:22

Chayta Jesús nisqantawan, Templota qhawaj soldadokunamanta ujnenqa Jesusta uyanpi laq'arqa: Ajinatachu kuraj kaj sacerdoteman kutichina? nispa.

San Lucas 23:35

Chaypi kajkunaqa Jesusta qhawasharqanku, judío kurajkunataj asikuspa, ninakorqanku: Pay wajkunata qhespicherqa. Kunantajrí pay kikin qhespichikuchun, sichus cheqamanta Diospa ajllasqan Cristo kanman chayqa, nispa.

San Lucas 23:1

Chantá juntamanta tukuy kajkuna Jesusta Pilatoman pusarqanku.

San Mateo 27:2

Chantá Jesuspa makinta wataspa, Romamanta kamachej Pilatoman pusarqanku.

San Juan 18:28

Chantá sut'iyamushajtinña, judiokunaj kurajninkukunaqa Caifaspa wasinmanta Jesusta Pilatoj kamachinan wasiman pusarqanku. Chay pusajkunarí mana Pilatoj kamachinan wasiman yaykorqankuchu, imaraykuchus mana munarqankuchu mana llimphupaj qhawasqa kayta, ajinamanta Pascua mikhuyta mikhunankupaj.

Marcos 15:1

Sut'iyamojtenqa, kuraj kaj sacerdotekuna, kurajkunawan, Diospa kamachisqanmanta yachachejkunawan ima ujtawan Jatun Juntapi tantakorqanku parlarinankupaj. Chaymantataj Jesusta wataspa, Romamanta kamachej Pilatoman pusarqanku.

San Mateo 20:19

Chantá paykuna mana judío kajkunaman jaywaykuwanqanku. Mana judío kajkunataj alqochakuspa jasut'iwanqanku, cruzmantaj chakataykuwanqanku. Chaywanpis kinsa p'unchayninman wañusqamanta kawsarimpusaj, nispa.

San Mateo 22:6

Wakinkunataj kuraj kamachejpa kachankunata jap'ispa, wañuchinankukama maqaykusqanku.

San Lucas 18:33

Jasut'iytawantaj, payta wañuchenqanku. Chaywanpis kinsa p'unchayninman pay wañusqakunaj chawpinmanta kawsarimponqa, nispa.

San Juan 18:32

Ajinata Jesuspa nisqan junt'akorqa, imaraykuchus Jesús imaynatachus wañunanta nisqaña.