San Lucas 18:30 - DIOSPA QHELQACHISQ

³⁰ kunan kay kawsaypi aswan ashkhatapuni jap'enqa, jinataj jamoj p'unchaypi wiñay kawsayta jap'enqa, nispa.

DIOSPA QHELQACHISQAN DEUTEROCANONICAL

³⁰ kunan kay kawsaypi aswan ashkhatapuni jap'enqa, jinataj jamoj p'unchaypi wiñay kawsayta jap'enqa, nispa.

Quechua South Bolivia: Dios Parlapawanchej

³⁰ Cay pachapi sakeskanmantaka ashqha cutis astawan payman cutichiska canka. Janaj pachapipis wiñay causayniyoj canka, —nispa.

San Lucas 18:30 Referans Kwoze

Job 42:10

Job kawsaqenkunarayku mañapusqanmanta qhepata, Tata Diosqa ñawpajta kapusqanmanta iskay jinatawan payman kutichiporqa.

Apocalipsis 2:17

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun: Noqaqa pichus atipajman maná nisqa chay pakasqa mikhunata mikhuchisaj. Jinallataj uj yuraj rumisituta qosaj, chay rumisitupitaj mosoj suti qhelqasqa kanqa. Chay sutita mana pipis yachanqachu, manachayqa pichus chay rumita jap'ejlla yachanqa.

San Mateo 12:32

Sichus pipis Runaj Churinpa contranta millayta riman chayqa, chay juchan pampachasqa kanqa. Sitajchus pipis Santo Espíritoj contranta riman chayrí, mana chay juchaqa pampachasqachu kanqa kay p'unchaypi, nitaj jamoj p'unchaypipis.

1 Timoteo 6:6

Chaywanpis kayqa jinapuni: Yachanchej Diosta tukuy sonqo kasuspa purinaqa manchay qhapaj kanamin kasqanta, sichus tiyapullawasqanchejwan sonqo junt'asqa kanchej chayqa.

1 Timoteo 4:8

Ukhunchejta kuyuchinaqa ukhunchej qhalilla kananpaj yanapan. Chaywanpis Diosta kasuspa purinapaj yachakunaqa aswan sumajraj, imaraykuchus chayqa kay kawsaypaj, jinataj jamoj kawsaypajpis allinninchejpaj kashan.

Salmos 119:162

Noqaqa nisqaykiwan manchay kusisqa kani, manchay valorniyoj imatapis tarikuyman jina.

Salmos 119:127

Chayrayku noqaqa kamachisqaykita munakuni, sumaj qorimantapis astawanraj.

Salmos 119:111

Kamachisqaykeqa wiñaypaj chayaqeymin, imajtinchus chaykunaqa sonqoyta kusichiwanku.

Salmos 119:103

Noqapaj nisqaykeqa manchay misk'imin, abeja misk'imantapis aswan misk'iraj.

Salmos 119:72

Simiykimanta llojsimoj kamachisqakunaqa aswan sumajmin ashkha qorimanta, qolqemantawan nisqaqa.

Salmos 37:16

Pichus pisi tiyapuyniyoj kaspapis cheqan runa kanman, chay runaqa aswan sumaj, pichus ashkha tiyapuyniyoj kaspa millayta ruwan, chay runamanta nisqaqa.

Apocalipsis 3:21

Tukuy atipajkunaqa kamachinay tiyanapi noqawan tiyanqanku, imaynatachus noqapis atipaspa Tataywan khuska kamachinan tiyanapi tiyaykukorqani, ajinata.

Apocalipsis 2:10

Chaywanpis imatachus ñak'arinaykimanta ama manchachikuychu, imaraykuchus Kuraj Supay qankunamanta wakinta wisq'achenqa, cheqatapunichus noqapi atinikusqaykichejta yachananpaj. Chaypacha, chunka p'unchayta ñak'arichisqa kankichej. Qanrí wañunaykikama kasuwaspallapuni puriy, noqataj wiñay kawsayta t'inkata jina qosqayki.

San Mateo 4:24

Jinapi tukuy Siria cheqanejpipis Jesús atiyniyoj kasqanmanta uyarerqanku. Chayrayku chay mana judío kajkunapis Jesusman aparqanku, pikunachus tukuy imaymana onqoykunawan, ñak'ariykunawan, nanaykunawan ima kajkunata. Apallarqankutaj supayniyojkunata, t'uku onqoyniyojkunata, suchukunata ima. Jesustaj paykunata qhaliyacherqa.