San Lucas 18:13 - DIOSPA QHELQACHISQ

¹³ Impuesto cobraj runatajrí karullapi sayaspa, manchachikuywan mana patallamanpis qhawariyta munasqachu. Manachayqa qhasqonta takakuspa, nisqa: Diosníy, noqa juchasapata khuyarikuway ari, nispa.

Qheshwa Biblia DC

¹³ Impuestero runataj karullamanta, manchachikuywan mana ñawisnillantapis pataman oqhariyta munarqachu. Chaynejta pechollanta takakusharqa: Diosníy, khuyariway ari noqa juchasapata, nispa.

DIOSPA QHELQACHISQAN DEUTEROCANONICAL

¹³ Impuesto cobraj runatajrí karullapi sayaspa, manchachikuywan mana patallamanpis qhawariyta munasqachu. Manachayqa qhasqonta takakuspa, nisqa: Diosníy, noqa juchasapata khuyarikuway ari, nispa.

Quechua South Bolivia: Dios Parlapawanchej

¹³ Cay impuesto jap'ej runarí carullapi sayaricorka. Manchachicuskanraycu janaj pachata mana khawarillarkapischu. Astawanpis phutiywan pechonta tacacushaspa nerka: “Diosníy, qhuyacuwaspa juchasniyta khechupuway. Tucuy runas yachancu juchayoj caskayta”, nispa.

San Lucas 18:13 Referans Kwoze

Esdras 9:6

Diosníy, Diosníy. May p'enqasqa kashani, uma muyusqa jinataj. Mana yachanichu imaynatachus qanman qayllaykamusuyta. Pantasqaykoqa may jatunpuni, juchaykutaj janaj pachakama chayan.

1 Timoteo 1:15

Kay willayqa cheqamin, jap'ikunapaj jinataj, ajinaqa tukuy jap'ikunanchej: Cristo Jesús kay pachaman jamorqa juchasapakunata qhespichinanpaj. Chay juchasapakunamantataj noqa aswan millay juchasapa kani.

Salmos 41:4

4 (5) Noqa nerqani: Tata Diosníy, khuyarikuway ari. Qanpa contraykita juchallikorqani chaypis, onqoyniymanta qhaliyachiway, nispa.

San Lucas 23:48

Chaypi kaj tukuy runakuna chayta rikusqankumanta qhasqonkuta takakuspa, riraporqanku.

Hebreos 8:12

Chaypacha noqa paykunamanta khuyakuspa, millay ruwasqankuta pampachasaj, juchallisqankumantapis manaña jayk'aj yuyarikusajñachu, nispa.

Hechos 2:37

Pedro imatachus nisqanqa sonqonkuman chayarqa, paykunataj maytapuni llakikorqanku. Chayrayku Pedroman, Jesuspa chay ujkuna kuraj kachankunamanwan nerqanku: Kunanqa, wawqekuna, imatataj ruwasqaykuri? nispa.

Hebreos 4:16

Chayrayku noqanchej mana manchachikuspa, may jina munakuyniyoj Diospa ñawpaqenman qayllaykunachej. Payman qayllaykuspataj, khuyakuyninta, chantá qhasilla k'acha yanapaynintawan tarisunchej, necesitasqanchej p'unchaypi yanapanawanchejpaj.

Romanos 5:8

Chay tukuywanpis Diosqa imaynatapunichus munakuwasqanchejta yachayta qowanchej, imaraykuchus juchasapallaraj kashajtinchej, Cristo noqanchejrayku wañorqa.

San Lucas 5:8

Chayta rikuytawan, Simón Pedroqa qonqoriykukuspa, Jesusta nerqa: Tukuyta Kamachej, noqamanta ithirikuy, imaraykuchus juchasapa kani, nispa.

Isaías 6:5

Chantá nerqani: Ay, imanasajtaj? Kunanqa wañusajchari, imaraykuchus mana allin parlaj runa kaspapis, jinataj mana allin parlayniyoj runakunaj chawpinkupi tiyakushaspa, ñawiywan Tukuy Atiyniyoj Tata Diosta rikuni, nispa.

Salmos 25:11

Tata Dios, millayta ruwasqayqa may jinamin. Chaywanpis sutiyki jatunchasqa kananrayku juchayta pampachay.

Job 42:6

Chayrayku imatachus nisqaymanta p'enqakuni, qanmantaj jallp'a patapi, ushpha patapi ima tiyaspa k'umuykamuyki, nispa.

2 Corintios 7:11

Qankunarí Diospa munasqanman jina llakikorqankichej. Kunantaj qhawariychej imachus chaymanta kasqanta: Qankuna mayta munarqankichej mana juchayojpaj qhawasqa kayta. Chay jucharayku phiñakorqankichej, manchachikullarqankichejtaj. Chantá rikuwaytapuni munarqankichej, jinallataj tukuy sonqowan munarqankichej chay juchallej wanananpaj jasut'isqa kananta. Ajinata ruwaspa, sut'ita yachayta qorqankichej imachus mana allinchu kasqanmanta mana juchayoj kasqaykichejta.

Salmos 25:7

Wayna kashaspa juchallikusqaymanta ama yuyarikuychu, nitaj contraykipi oqharikusqaymantapis. Tata Dios, jatun munakuyniykiman jina, k'acha kayniykiman jinataj noqamanta yuyarikuy.

San Mateo 9:13

Qankunarí rispa, yachaqamuychej imatachus Diospa Qhelqachisqanpi pay niyta munasqanta: Noqaqa ujkunata khuyanaykichejta munani, mana uywa wañuchisqa q'olachinatachu, nispa. Noqarí mana cheqan runa kasqankuta yuyakojkunatachu wajyaj jamuni, manachayqa juchasapa kasqankuta reparakojkunata, nispa.

Ezequiel 16:63

Maypachachus noqa tukuy millay ruwasqaykita pampachasaj chaypacha, qan yuyarikuspa, uyaykita mana mayman churayta atinkichu. P'enqakunki, k'umuykunkitaj, simiykitapis mana ujtawan kicharinkichu. Noqa Tukuyta Kamachej Tata Dios chayta nini, nispa.

Isaías 1:18

Tata Dios nillantaj: Jamuychej, kay imamanta parlarisunchej: Mana allin ruwasqaykichej may jina pukapis kachun, rit'ita jina yurajyachisaj. May jina kullipis kachun, yuraj millmata jina yurajyachisaj.

San Lucas 17:12

Uj ranchoman qayllaykushajtintaj, llejti onqoyniyoj chunka runakuna payta taripaj llojsimorqanku. Paykunataj karullapi sayaspa,

Daniel (hebreo) 9:5

Noqaykurí juchallerqayku, millayta ruwarqayku, qanta mana kasuspataj kawsarqayku. Jinallataj kamachisqaykimanta, imatachus ruwanaykuta nisqaykimantawan karunchakorqayku.

Salmos 130:7

Israel, Tata Diosllapi atinikuy, imaraykuchus payqa khuyakojmin, cheqatapunitaj kacharichiwanchej.

Salmos 119:41

Tata Dios, mana tukukuyniyoj munakuyniykita rikuchiway ari, nisqaykiman jinataj qhespichiway.

Salmos 106:6

Noqaykupis tatayku jina juchallerqayku mana allin kajta, millay kajtataj ruwaspa.

Salmos 40:12

12 (13) Mana yupay atina may chhika llakiykuna muyuykuwanku. Millayta ruwasqallaytaj jap'irpariwan, manañataj rikuyta atinichu maynintachus ayqenayta. Millayta ruwasqayqa chujchaymantapis aswan ashkha kanku. Kallpaypis manaña kanchu.

2 Crónicas 33:23

Amonqa manataj tatan Manasés jinaqa Tata Diospa ñawpaqenpeqa k'umuykorqachu, manachayqa astawan juchata yapaykukorqa.

2 Crónicas 33:19

Diosmanta mañakusqan, Dios payta uyarisqan, tukuy juchallisqan, Diosta qhesachasqan, loma patapi lanti wasikunata jatarichisqan, jinataj maykunapichus churarqa Asera lantikunata, waj lantikunatawan, manaraj Diosman k'umuykushaspa, tukuy chaykunamantaqa Diosmanta sut'inchajkunaj qhelqankupi qhelqasqa kashan.

2 Samuel 12:13

Chantá Davidqa Natanman kuticherqa: Tata Diospa contranpi juchallikuni, nispa. Natantaj kuticherqa: Tata Diosqa juchaykita pampachan. Chay jucharayku mana wañunkichu.

Isaías 66:2

Noqa makiywan kay tukuy imata ruwarqani, ajinamantataj kay tukuy ima rikhurerqa. Ajinata noqa Tata Dios nini. Chantá nillanitaj: Pichus llamp'u sonqoyoj kajta noqa qhawasaj, pikunachus nisqayta uyarispa kharkatitinku, chaykunata.

San Mateo 6:5

Dioswan parlarikuspaqa, ama puraj uya jina kaychejchu. Paykunaqa sayaykukuspa, Dioswan parlarikunku tantakuna wasikunapi, plazaj esquinankunapi ima, runakunawan rikuchikunankupaj. Noqarí kayta sut'ita niykichej: Ajinata ruwaspa, paykuna chayllata t'inkata jina jap'enqanku.

San Mateo 10:3

Kallarqankutaj Felipe, Bartolomé, Tomás, impuestota cobraj Mateo, Alfeoj churin Santiago, Tadeo,

Marcos 11:25

Chaywanpis Diosmanta mañakushaspa, sichus pillawanpis phiñanasqa kawajchej chayqa, contraykipi juchallisqanta ñawpajta pampachaychej. Ajinamanta, janaj pachapi kaj Tataykichejpis contranpi juchallisqaykichejta pampachallanqataj.

San Lucas 22:41

Chantá Jesús paykunamanta karunchakorqa uj rumi choqayman jina, chaypi qonqoriykukuspataj, Diosmanta mañakorqa:

Éxodo 33:10

Dioswan tantakuna toldo punkupi phuyuta sayashasqanta rikuspataj, tukuy israelitakuna toldonku punkupi pampakama k'umuykuspa, Diosta yupaychaj kanku.