San Lucas 17:25 - DIOSPA QHELQACHISQ

²⁵ Chaywanpis ñawpajtaqa Runaj Churin anchataraj ñak'arinan kanqa, kay tiempopi kawsajkunataj payta qhesachanqanku.

Qheshwa Biblia DC

²⁵ Chaypajqa, anchataraj ñak'arinan tiyan, qhesachasqataj kanqa kunan tiempo runasnejta.

DIOSPA QHELQACHISQAN DEUTEROCANONICAL

²⁵ Chaywanpis ñawpajtaqa Runaj Churin anchataraj ñak'arinan kanqa, kay tiempopi kawsajkunataj payta qhesachanqanku.

Quechua South Bolivia: Dios Parlapawanchej

²⁵ Astawanpis ñaupajtaka anchataraj ñac'arinay tiyan. Cay p'unchay runaspaj khesachaskancupis canay tiyan.

San Lucas 17:25 Referans Kwoze

San Mateo 16:21

Chaymantapacha Jesusqa yachachisqankunaman willayta qallarerqa Jerusalenman rinanpuni kasqanta, chaypitaj kurajkuna, Diospa kamachisqanmanta yachachejkuna, kuraj sacerdotekuna ima anchatapuni payta ñak'arichinankuta, wañuchinankuta ima. Chantá nillarqataj kinsa p'unchaymanta wañusqamanta kawsarimpunanta.

San Lucas 9:22

Jesús nillarqataj: Noqa Runaj Churenqa maytapuni ñak'arisaj. Jinallataj kurajkuna, kuraj sacerdotekuna, Diospa kamachisqanmanta yachachejkuna ima qhesachawanqanku. Chantá wañuchiwanqanku. Chaywanpis kinsa p'unchaymanta kawsarimpusaj, nispa.

Marcos 8:31

Chaymanta Jesusqa yachachisqankunaman kay jinata yachachiyta qallarerqa: Noqa Runaj Churenqa maytapuni ñak'arisaj. Jinallataj kurajkuna, kuraj sacerdotekuna, Diospa kamachisqanmanta yachachejkuna ima qhesachawanqanku, wañuchiwanqankutaj. Chaywanpis kinsa p'unchaymanta kawsarimpusaj, nispa.

San Juan 1:11

Payqa llajta masinkunaman jamorqa, paykunatajrí payta qhesacharqanku.

San Lucas 18:33

Jasut'iytawantaj, payta wañuchenqanku. Chaywanpis kinsa p'unchayninman pay wañusqakunaj chawpinmanta kawsarimponqa, nispa.

Marcos 12:10

Manachu kayta Diospa Qhelqachisqanpi ñawirerqankichej? Ajinata nin: Wasi ruwajkunaj qhesachasqanku rumeqa cimiento esquinapaj sumaj rumiman tukupun.

San Mateo 21:42

Chantá Jesús nerqa: Manachu jayk'ajpis Diospa Qhelqachisqanpi kayta ñawirerqankichej? Ajinata nin: Wasi ruwajkunaj qhesachasqanku rumeqa cimiento esquinapaj sumaj rumiman tukupun. Chayqa Tukuyta Kamachej Diospa ruwasqanmin, noqanchejtaj t'ukuspa qhawanchej, nispa.

Isaías 53:3

Runakuna payta qhesachanqanku, pisipajtaj qhawanqanku. Payqa imaymana nanaywan ñit'isqa kanqa, jinataj ñak'ariypi, llakiypi ima yachasqa kanqa. Payta wasanchaspa, wajnejta qhawasunchej. Payta qhesachasun manataj munakuywan qhawasunchu.

San Juan 12:38

Chay karqa Diosmanta sut'inchaj Isaiaspa nisqanman jina. Pay nisqa: Tukuyta Kamachej Dios, pitaj willasqaykuta jap'ikorqari? Pimantaj Tata Dios atiyninta rikucherqari? nispa.

San Lucas 24:46

Pay nillarqataj: Ajinata Diospa Qhelqachisqanpi nin, Cristoqa jinatapuni ñak'arinanta, chantataj wañusqakuna chawpimanta kinsa p'unchayninman kawsarimpunanta.

San Lucas 18:31

Jesús chunka iskayniyoj kuraj kachankunata wajnejman pusaspa, paykunata nerqa: Kunanqa Jerusalenman rishanchej, chaypi Runaj Churinmanta imatachus Diosmanta ñawpa sut'inchajkunaj qhelqasqanku, chay tukuy junt'akunanpaj.

Marcos 10:33

Pay nerqa: Kunanqa Jerusalén llajtaman rishanchej, chaypitaj Runaj Churinta kuraj sacerdotekunaj makinkuman jaywaykonqanku, Diospa kamachisqanmanta yachachejkunaman ima. Paykunataj payta wañuchinankupaj juchachanqanku, jinaspataj, mana judío kajkunaj makinkuman jaywaykonqanku.

Marcos 9:31

imaraykuchus yachachisqankunamanpuni yachachiyta munasharqa. Paykunatataj ajinata nerqa: Runaj Churenqa runakunaj makinman jaywasqa kanqa, paykunataj wañuchenqanku. Chaywanpis kinsa p'unchayninmanta wañusqamanta kawsarimponqa, nispa.

1 Samuel 10:19

Kunantajrí noqa Diosniykichejta manakajpaj qhawankichej. Kamachinasuykichejpaj kuraj kamachejta mañakuspa, tukuy imaymana llakiykunapi yanapasoj Diosta qhesachawankichej. Chayrayku kunanqa ñawpaqeyman qayllamuychej, sapa jatun ayllu, jinataj sapa wasi ayllu ima, nispa.

1 Samuel 8:7

Tata Diostajrí kay jinata kuticherqa: Israelitakuna imatachus mañakusqankuta uyarillay. Manamin qantachu qhesachashasunku, manachayqa noqatamin, ama paykunata kamachinaypaj.