San Lucas 16:19 - DIOSPA QHELQACHISQ

¹⁹ Chantá Jesús nerqa: Uj qhapaj runa karqa. Payqa linomanta awasqa may sumaj puka p'achawan p'achallikoj, sapa p'unchaytaj jatun mikhuyta wayk'uchej.

Qheshwa Biblia DC

¹⁹ Uj qhapaj runa karqa. Paytaj linomanta awasqa puka p'achawan p'achallikoj. Sapa p'unchaytaj sumaj mikhuyta ruwaj, runaj rikunanta.

DIOSPA QHELQACHISQAN DEUTEROCANONICAL

¹⁹ Chantá Jesús nerqa: Uj qhapaj runa karqa. Payqa linomanta awasqa may sumaj puka p'achawan p'achallikoj, sapa p'unchaytaj jatun mikhuyta wayk'uchej.

Quechua South Bolivia: Dios Parlapawanchej

¹⁹ Nillarkataj: —Carka uj khapaj runa. C'achitu sumaj p'achaswan p'achallicoj. Sapa p'unchaytaj may sumaj imasta miqhoj, jatun p'unchaypijina tucuy cusiywan.

San Lucas 16:19 Referans Kwoze

Ezequiel 16:49

Sodoma ñañaykej juchanqa kay jina karqa: Pay, jinataj ususinkunapis jatunchakorqanku. Ashkha mikhunayoj chantá tukuy imayoj kaspa, wapuykacharqanku, manataj wajchakunamanta, ni pisichikojkunamantapis khuyarikorqankuchu.

Ezequiel 27:7

Barco purichina velaykipis Egiptomanta apamusqa sumajnin linomanta ruwasqa karqa, wiphala jina laphaqeyarinanpaj. Llanthuchaj toldoykitaj Elisa sutiyoj llajtamanta apamusqa puka kulli telamanta ruwasqa karqa.

Apocalipsis 18:16

Chantá nenqanku: Chay jatun llajta chay jina llakiyman chayananri. Payqa sumaj awasqa linomanta p'achallikoj, jinallataj kulli yanaraw p'achawan, puka p'achawan, qoriwan, k'achituta lliphirishaj rumikunawan, chantá walqakunawan ima k'achanchakoj.

Apocalipsis 18:7

Pay runaykacharqa, chhika patapi kaspataj, munasqallanta ruwarqa. Kunantajrí ruwasqanman jina payta ñak'arichiychej, waqachispataj kusikuychej, imaraykuchus payqa sonqonpi nerqa: Noqaqa qoya jina kamachinaypi tiyasqa kashani. Mana warmisapachu kani, nitaj waqanatapis rikusajchu, nispa.

Apocalipsis 17:4

Chay warmeqa kulli yanaraw p'achawan p'achallisqa karqa, qoriwan k'achanchasqa, k'achituta lliphirishaj rumiwan, chantá walqawan ima. Makinpeqa qorimanta vasota jap'isharqa millay imakunawan junt'asqata, khuchichakuspa ch'ichichakusqanwan ima.

San Lucas 16:1

Jesús yachachisqankunata nillarqataj: Uj qhapaj patronpata mayordomon kasqa, paytataj ch'ataykusqanku patronninpa kapuyninta manakajpi tukuchisqanmanta.

Marcos 15:17

Jinapi Jesusta puka p'achawan p'achallicherqanku, khishkamanta simp'asqa pillutataj umanman churaykorqanku.

Ezequiel 16:13

Ajinata qolqewan, qoriwantaj k'achanchasqa karqanki. P'achaykikunaqa linomanta, sedamanta ima karqa, may sumaj awakipasqa karqa. Trigomanta sumaj jak'uta mikhorqanki, abeja misk'iyojta, olivomanta aceiteyojta ima. Manchay k'achanchasqa karqanki, qoya kanaykikamataj chayarqanki.

Ester (hebreo) 8:15

Mardoqueoqa kuraj kamachejpa ñawpaqenmanta llojserqa kuraj kamachejpa churakunan anqawan yurajwan p'achayoj, umanpi jatun qori pillu churaykusqa, linomanta ruwasqa uj jatun puka mantawan llijllaykusqataj. Payta ajinata rikuspataj, Susa llajtapi tukuy tiyakojkunaqa maytapuni kusikorqanku.

Jueces 8:26

Tukuyninpi chay qori walqakunaqa chunka jisq'onniyoj kilo jina pesarqa. Chaypis wajlla karqa qorimanta kaj k'achanchakuna imakuna, jinallataj Madianmanta kuraj kamachejpa p'achallikunanmanta puka telakuna, chantá camellokunaj kunkankupi kaj k'achanchanapis.

San Lucas 15:13

Mana unaymanchu sullk'a kaj churi tukuy chayaqenta vendeytawan, chay qolqeta tantaykuspa, karu llajtaman ripusqa. Jaqaypitaj tukuy qolqenta tukuchisqa mana allinta purispa.

Marcos 15:20

Jesusmanta alqochakuyta tukuytawantaj, chay puka p'achata lluch'uspa, kikin p'achanta churaykaporqanku. Chantá Jesusta cruzman chakatanankupaj llajtamanta jawaman orqhorqanku.

Proverbios 31:22

Pay kikin sumaj phullukunata awakun. Jinallataj puka yanaraw telamanta, chantá sumaj lino telamanta ruwasqa p'achawan p'achallikun.

San Lucas 16:18

Jesús nillarqataj: Pi qharillapis warminmanta t'aqakuspa, sichus waj warmiwan casarakun chayqa, pay khuchichakun. Ajinallataj pichus qosanmanta t'aqasqa warmiwan casarakojpis khuchichakullantaj, nispa.

San Lucas 16:20

Uj wajcha runa Lázaro sutiyoj kallarqataj. Pay sarnalla karqa, jinataj qhapaj runaj wasi punkullanpi sirikoj.

Proverbios 14:24

Yachayniyojpa pillonqa qhapajyay. Wampu runaj pillunrí mana yachayniyoj kaynin.

Isaías 3:23

Jinallataj espejokunata, sumaj linomanta p'achakunata, uma mayt'unata, velokunata ima chinkachenqa.