San Lucas 16:15 - DIOSPA QHELQACHISQ

¹⁵ Chayrayku Jesús paykunatañataj nerqa: Qankuna runa masiykichejpa ñawpaqenpi cheqan runaman tukunkichej. Chaywanpis Dios sonqoykichejta sumajta rejsin. Ajinaqa imatachus runakuna maypaj qhawanku, chayta Dios millaypaj qhawan, nispa.

Qheshwa Biblia DC

¹⁵ Chaynejta paykunaman nerqa: Qankunaqa sumaj runaman rijch'akunkichej, llimphu runaspis kawajchej jina; astawanqa Dios yachashan sonqoykichejta; runas sumajpaj qhawasqankoqa, Diospa ñaupaqempi ancha millay.

DIOSPA QHELQACHISQAN DEUTEROCANONICAL

¹⁵ Chayrayku Jesús paykunatañataj nerqa: Qankuna runa masiykichejpa ñawpaqenpi cheqan runaman tukunkichej. Chaywanpis Dios sonqoykichejta sumajta rejsin. Ajinaqa imatachus runakuna maypaj qhawanku, chayta Dios millaypaj qhawan, nispa.

Quechua South Bolivia: Dios Parlapawanchej

¹⁵ Paycunata Jesús nerka: —Kancuna chekancunapaj runaswan khawachicuyta munanquichej. Diosrí sonkoyquichejta yachan. Runaspaj sumaj khawaska cajtaka Dioska millachicunmin.

San Lucas 16:15 Referans Kwoze

1 Samuel 16:7

Tata Diostajrí nerqa: Ama allin rijch'ayninta qhawaychu, nitaj sayaynintapis. Mana noqaqa payta ajllakunichu. Noqaqa mana runa jinachu qhawani. Runaqa ñawinpa rikusqallanta qhawan, noqarí sonqota qhawani, nispa.

Proverbios 21:2

Runamanqa tukuy ima ruwasqanpis allillan rijch'an. Chaywanpis ima yuyaywanchus chayta ruwasqanta Tata Dioslla qhawan.

1 Corintios 4:5

Chayrayku amaraj imatapis juzgaychejchu manaraj Jesucristo kutimushajtin. Pay kutimuspa, laqhapi pakasqa kajta sut'inchanqa, rikuchenqataj imatachus sapa uj sonqonchejpi yuyasqanchejta. Chaymantataj sapa ujta ruwasqanman jina Dios jatunchanqa.

Jeremías 17:10

Noqa Tata Diosmin runaj sonqonta watuni, yuyaynintataj allinta qhawani. Chantá sapa ujman imaynatachus purisqanman jina, ruwasqanman jinataj pagapuni, nispa.

Proverbios 16:5

Tata Diosqa runaykachajkunata millachikun, paykunataj jasut'isqapuni kanqanku.

Hechos 15:8

Diosqa tukuy runaj sonqonkuta rejsin, paytaj yachayta qorqa mana judío kajkunatapis allinpaj qhawasqanta, imaraykuchus Santo Espirituta paykunamanpis qorqa, imaynatachus ñawpajta noqanchejman qowarqanchej, ajinata.

1 Pedro 3:4

Manachayqa sumaj llamp'u sonqo kaywan, chantá k'acha sonqo kaywan ima sonqoykichejta k'achanchaychej. Chay jina k'achanchakoyqa mana chinkapunchu, chaytaj Diospa ñawpaqenpi may jatunpaj qhawasqa.

San Lucas 11:39

Jinapi Jesús nerqa: Qankuna fariseokunaqa vasota, chuwata ima jawanta mayllankichej. Qankunaj sonqoykichejrí suwanawan, mana allin ruwanawan ima junt'a kashan.

1 Crónicas 29:17

Noqa yachani, Diosníy, qanqa runaj sonqota allinta qhawasqaykita, cheqan kajtaj qanta kusichisusqanta. Chayrayku kay tukuyta tukuy sonqo qanman qoyki. Kunanqa kusisqa rikushani, kaypi tantasqa israelitakuna tukuy sonqo qanman qosusqankumanta.

San Lucas 10:29

Chay runatajrí ruwasqan allillan kasqanta rikuchiyta munaspa, kuticherqa: Chantá pitaj runa masiyri? nispa.

Apocalipsis 2:23

Wawankunatapis noqa wañurachisaj. Ajinamanta tukuy iglesiakuna yachanqanku noqaqa runaj yuyayninta, sonqontawan ima rejsisqayta. Sapa ujniykichejmantaj ruwasqaykichejman jina qopusqaykichej.

1 Pedro 5:5

Jinallataj waynakuna, qankunapis iglesiapi kurajkunawan k'umuykukoj sonqo kaychej. Chantá tukuy wawqe panakuna purajmanta kasunakuspa, llamp'u sonqo kaychej, imaraykuchus Diospa Qhelqachisqanpi nin: Diosqa runaykachajkunaman sayaykun, llamp'u sonqoyojkunatataj k'acha kayninwan yanapan, nispa.

Romanos 3:20

Chayrayku kamachisqaj nisqanta kasojkunamanta mana pipis Diospa ñawpaqenpi cheqan runapaj qhawasqachu kanqa. Manachayqa kamachisqakuna juchayoj kasqanchejmanta yachayta qowanchej.

San Juan 2:25

Manataj pay runamanta imatapis pi willanantarajchu suyarqa, imaraykuchus pay runaj sonqonpi imachus kasqanta yacharqaña.

San Mateo 23:5

Chantá chay kurajkuna imatapis ruwanku, runawan rikuchikunallankupaj. Diospa Qhelqachisqanmanta wakin qhelqasqata mat'inkuman, makinkuman ima watakunku. Jinallataj jatuchaj waych'ayoj p'achakunata churakunku.

San Lucas 18:21

Chay runataj nerqa: Chay tukuy imataqa wayna kasqaymantapacha junt'ani, nispa.

Proverbios 20:6

Ashkha runakuna sumaj kawsaqe kasqankuta ninku. Chaywanpis, atinikunapaj jina runakunaqa pisilla kanku.

San Lucas 18:11

Jinapi fariseo kajqa sayarikuspa, kay jinata Dioswan parlarikusqa: Diosníy, pachis niyki, imaraykuchus mana wakinkuna jina suwachu, sajrachu, qhenchachu kani, nillataj kay impuesto cobraj jinachu.

Salmos 7:9

9 (10) Cheqanta ruwaj Dios, qan runaj sonqonta rejsinki, runaj sonqon ukhutapis qhawallankitaj. Millayta ruwaspa purejkunata chinkachiy, cheqan sonqoyoj runatarí sinch'ita sayachiy.

2 Crónicas 6:30

qan janaj pachamantapacha paykunata uyarinki. Chay maypichus tiyakunki, chaymantapacha paykunaj juchankuta pampachanki, sapa ujninkumantaj ruwasqankuman jina qopunki. Qanllamin runaj yuyayninta, sonqontapis rejsinki, yachankitaj.

Hechos 1:18

Chaywanpis Jesusta wasanchasqanmanta qolqeta jap'isqanwan pay uj jallp'ata rantisqa. Chay jallp'apitaj umamanta urmasqanpi wijsan phatasqa, ch'unchulanpis thallikusqa.

San Lucas 20:47

Chaywanpis warmisapaj kapuyninkuta oqokapunku, mana jina kasqankuta reparachikunankupajtaj unay unayta Dioswan parlarikoj tukunku. Chayrayku paykuna aswan sinch'i ñak'ariywan jasut'isqa kanqanku, nispa.

San Lucas 20:20

Chantá judiokunaj kurajninkukunaqa allinman tukoj puraj uya runakunata kacharqanku, Jesusta wateqanankupaj. Jinamanta Jesusta ima parlasqallanpipis jap'iyta munarqanku, Romaj churasqan kamachejpa makinman jaywaykunankupaj.

San Mateo 6:16

Ayunaspaqa, ama llakiy uyalla kaychejchu, puraj uya runakuna jina. Paykuna uyankuta uj jinayachinku, runakuna ayunasqankumanta mayta parlanankupaj. Noqatajrí sut'ita niykichej: Ajinata ruwaspa, paykuna chayllata t'inkata jina jap'enqanku.

San Mateo 6:5

Dioswan parlarikuspaqa, ama puraj uya jina kaychejchu. Paykunaqa sayaykukuspa, Dioswan parlarikunku tantakuna wasikunapi, plazaj esquinankunapi ima, runakunawan rikuchikunankupaj. Noqarí kayta sut'ita niykichej: Ajinata ruwaspa, paykuna chayllata t'inkata jina jap'enqanku.

San Mateo 6:2

Chayrayku qolqeta wajchakunaman qospaqa, ama tukuyman willaychejchu, imaynatachus puraj uya runakuna ruwanku tantakuna wasikunapi, callekunapi ima, ajinata. Paykunaqa runakunawan allinpaj qhawasqa kanallankupaj chayta ruwanku. Noqatajrí kayta sut'ita niykichej: Paykuna ajinata ruwaspa, chayllata t'inkata jina jap'enqanku.

Malaquías 3:15

Machu machu kajkunata ni imamanta llakiyniyojta kawsajta rikunchej. Millayta ruwaspa purejkunatapis tukuy imapi allillan rin. Paykuna Diosta phiñachinapaj jina imata ruwajtinkupis, mana jasut'isqachu kanku, nispa ninkichej.

Salmos 49:18

18 (19) Kawsashaspa kusisqapis kachun, qhapaj kasqanrayku, runa may jatunchajtinpis,

Salmos 49:13

13 (14) Paykunallapi atinikojkuna ajinallatataj tukukunku. Paykunallata jatunchakojkunapis ajinallatataj tukukunku.

San Juan 21:17

Ujtawanpis Jesús tapullarqataj: Jonaspa churin Simón, munakuwankichu? nispa. Pedrotaj llakiywan oqharichikorqa, kinsa kutikama: Munakuwankichu? nispa Jesús nisqanmanta. Chantá kuticherqa: Tukuyta Kamachej Jesusníy, qan tukuy imata yachanki. Qanta munakususqaytapis yachallankitaj, nispa. Jesustaj payta nerqa: Jina chayqa, ovejaykunata michipuway.

Salmos 10:3

Millayta ruwaspa purejqa mana allin kajta munasqanmanta jatunchakun. Qolqemanta wañusqa runata saminchan, Tata Diostarí pisipaj qhawan.

San Lucas 18:9

Chaymanta Jesús waj rijch'anachinata nillarqataj, pikunachus allin runa kasqankuta yuyakuspa, wajkunata pisipaj qhawanku, chaykunamanta. Paytaj nerqa:

San Lucas 18:14

Noqataj niykichej: Chay impuesto cobraj runaqa juchan pampachasqa wasinman kutipusqa. Fariseoj juchanrí mana pampachasqachu karqa, imaraykuchus Diosqa jatunchakojkunata k'umuykuchenqa, k'umuykojtatajrí jatunchanqa, nispa.

Hechos 1:24

Chay wawqe panakunataj kay jinata Diosmanta mañakorqanku: Tukuyta Kamachej Jesús, qanqa tukuypa sonqonta rejsinki, chayrayku rikuchiwayku ari mayqentachus kay iskay runamanta ajllakusqaykita.

Romanos 8:27

Chantá sonqonchejta rejsej Dios yachan imachus Santo Espíritoj yuyaynin kasqanta, imaraykuchus Santo Espiritoqa Diospa munasqanman jina ajllakusqankunapaj mañapun.