San Lucas 12:5 - DIOSPA QHELQACHISQ

⁵ Noqarí pitachus manchachikunaykichejta nisqaykichej: Pichus runata wañuchiytawankama, atiyniyoj kashan nina lawrayman wijch'unanpaj, paytamin manchachikuychej.

Qheshwa Biblia DC

⁵ Noqa nisqaykichej pitachus manchachikunaykichejta. Manchachikuychej, pichus wañuchiytawankama, atiyniyoj kashan infiernoman wijch'unampaj, chayta. Arí, manchachikuychej payllata.

DIOSPA QHELQACHISQAN DEUTEROCANONICAL

⁵ Noqarí pitachus manchachikunaykichejta nisqaykichej: Pichus runata wañuchiytawankama, atiyniyoj kashan nina lawrayman wijch'unanpaj, paytamin manchachikuychej.

Quechua South Bolivia: Dios Parlapawanchej

⁵ Noka niskayquichej pita manchachicunayquichej caskanta. Diosta manchachicuychej. Payka causayta khechuspa wiñay ninaman wijch'unanpaj atiyniyojmin. Chayraycu niyquichej: Diosta manchachiycuychej.

San Lucas 12:5 Referans Kwoze

2 Pedro 2:4

Diosqa wakin juchallikoj angelkunaj juchankuta mana pampacharqachu. Aswanpis paykunata ukhu pachaman wijch'uykorqa, tuti laqhapi wisq'asqa kanankupaj juzgasqa kananku p'unchay chayamunankama.

San Mateo 10:28

Ama qankunata wañuchejkunata manchachikuychejchu, imaraykuchus paykuna almaykichejtaqa mana imanayta atinkuchu. Aswanpis, Diostamin manchachikuychej, imaraykuchus pay wañuchisuspa, lawrashaj nina qochaman wijch'uykusuyta atin.

Apocalipsis 14:7

Chantá jatunmanta parlaspa, nerqa: Diosta manchachikuychej, sutintataj jatunchaychej, imaraykuchus juzganan p'unchay chayamunña. Pichus janaj pachata, kay pachata, mama qochata, yaku juturikunata ima ruwajta yupaychaychej ari, nispa.

Hebreos 10:31

Ajinaqa kawsaj Diospa makinman urmanaqa may jina mancharinamin.

Salmos 9:17

17 (18) Millayta ruwaspa purejkuna, Diosman mana kutirikojkuna ima jallp'aj sonqonman yaykonqanku, Diosmanta qonqapusqankurayku.

Proverbios 14:26

Pichus Tata Diosta may jatunpaj qhawan, chay runaqa allin waqaychasqa kanqa. Wawankunapis allin waqaychasqallataj kanqanku.

Apocalipsis 20:14

Chaymantataj wañuywan, ukhu pachawan ima nina qochaman wijch'uykusqa karqanku. Chaymá iskay kaj wañoyqa. Pikunachus nina qochaman wijch'uykusqa kanku, chaykuna wiñay wiñaypaj Diosmanta karunchasqa kanku.

1 Tesalonicenses 4:6

Ama pipis kaykunata ruwaspa Diosta qhatikoj masinpa contranta imatapis ruwachunchu, nillataj q'otiyachunchu, imaraykuchus Tukuyta Kamachej Jesusqa chayta ruwajkunata sinch'ita jasut'enqa. Chaymanta qankunata mayta k'amerqaykuña.

San Mateo 25:41

Chantá Kuraj Kamachejqa lloq'enpi kajkunatañataj nenqa: Qankunaqa millayta ruwaj kankichej. Chayrayku kaymanta wiñaypaj nina lawrayman riychej, mayqenchus wakichisqa kashan Kuraj Supaypaj, chantá angelninkunapaj ima, chayman.

Apocalipsis 15:4

Tukuyta Kamachej Dios, pitaj mana qanta manchachikusunkimanchuri? Pitaj sutiykita mana jatunchanmanchuri? Qanllamin may llimphu kanki. Tukuy runakuna ñawpaqeykiman jamuspa yupaychasonqanku, imaraykuchus justiciata ruwasqaykeqa sut'inchasqaña, nispa.

San Mateo 5:22

Noqatajrí niykichej: Sichus pipis wawqenpaj phiñakun chayqa, juiciopi juchachasqa kanqa. Pichus wawqenta wampu nejpis Jatun Juntapi juchachasqallataj kanqa. Chantá, sichus pipis wawqenta maldicinman chayqa, lawrashaj nina qochaman wijch'uykusqa kananpaj jina kanqa.

Jeremías 5:22

Noqa Tata Diosmin kayta nini: Manachu qankuna manchachikuwankichej? Nillatajchu ñawpaqeypi kharkatitinkichej? Noqaqa mama qochaj kantunta jark'achata jina churarqani, chaymanta aswan jaqayman mama qocha mana wasaykunanpaj. Mama qochaj qhollchoqeyasqan astawan, astawan manchayta sonarispa oqharikun. Chaywanpis mana wasaykuyta atinchu.

San Mateo 25:46

Chaymantataj paykuna wiñay ñak'ariyman renqanku, cheqan kajta ruwajkunatajrí wiñay kawsayman yaykonqanku, nispa. Ajinata Jesús yachacherqa.

Jeremías 10:7

Qanqa tukuy suyukunaj kuraj kamachejnin kanki. Pitaj qanta mana manchachikusunkimanchuri? Qanqa jatun respetowan qhawasqa kanaykipaj jina kanki. Tukuy yachayniyojkunamanta, kamachejkunamantapis manapuni ujpis qan jina kanchu.

Marcos 13:23

Qankunarí allinta qhawakuychej, imaraykuchus kay tukuyta ñawpajtaña willashaykichej, nispa. Ajinata Jesús yachachisqankunata nerqa.

Jeremías 41:18

Ajinata Caldeo soldadokunamanta ayqeyta yuyarqanku, imaraykuchus manchachikorqanku imatachus Babiloniata kuraj kamachej ruwananta Netaniaspa churin Ismaelqa Ajicanpa churin Gedaliasta wañuchisqanmanta. Kikin Babiloniata kuraj kamachejmin Gedaliasta churasqa Judapi kamachej kananpaj.