San Lucas 12:19 - DIOSPA QHELQACHISQ

¹⁹ Chantá sonqoypi nisaj: Kunanqa kapuwasqan ashkhaña, sumaj jallch'asqataj unaypaj. Chayrayku kunanqa chhika patapi kawsakuspa mikhusaj, ujyasaj, kusikusajtaj, nispa.

Qheshwa Biblia DC

¹⁹ Almaymantaj nisaj: Almáy, kunanqa ashkhaña tiyapusunki kapuyniyki, sumaj jallch'asqa unay wataspaj; samarikullayña, mikhuy, ujyay, kusikuytaj, nispa.

DIOSPA QHELQACHISQAN DEUTEROCANONICAL

¹⁹ Chantá sonqoypi nisaj: Kunanqa kapuwasqan ashkhaña, sumaj jallch'asqataj unaypaj. Chayrayku kunanqa chhika patapi kawsakuspa mikhusaj, ujyasaj, kusikusajtaj, nispa.

Quechua South Bolivia: Dios Parlapawanchej

¹⁹ Sonkoyta nisaj: May chhica capuyniy ashqha watapaj wakaychaska cashan. Cunanka samacapusaj, miqhucusaj, ujyacusaj, cusicusajtaj, nispa.

San Lucas 12:19 Referans Kwoze

Proverbios 27:1

Ama q'aya p'unchaymanta jatunta yuyaychu, imaraykuchus mana yachankichu q'aya imachus kanantaqa.

1 Corintios 15:32

Éfeso llajtapipis runakunawan maqanakullarqanitaj, paykunataj manchay phiña monte animal jina karqanku. Jina kajtenqa, paykunawan maqanakuspa, ima allintataj tarerqaniri? Cheqatapunichus wañusqakuna mana kawsarimonqankuchu chayqa, wajkuna ninku jina noqanchejpis nillasunmantaj: Mikhuna, ujyana, imaraykuchus q'aya wañupusunchej, nispa.

Isaías 5:11

Imallachus kanqa qankunapaj tutamanta jatariytawan machakojkuna, ch'isiyanankama machasqa, vino ujyaspalla kajkunamanta.

Eclesiastés 11:9

Waynapis, sipaspis kashaspa kusikuy, imachus allin kajwan kusikullaytaj. Sonqoykej munasqanpi, ñawiykej rikusqanpi ima puriy. Chaywanpis yachay tukuy chaykunamanta Dios cuentata mañasunanta.

Santiago 5:5

Qankunarí kay pachapi chhika patapi kawsarikushankichej, sonqoykichejpa tukuy munasqanta ruwaspa, manchayta kusirikuspataj. Qankuna ñak'ana p'unchaypaj waka jina manchayta wirayarishankichej.

Filipenses 3:19

Paykunaqa wiñay chinkayman rishanku, imaraykuchus paykunaj diosninkoqa sonqonkoj munasqanta ruwanalla. Chay runakuna p'enqayta ruwasqankumanta runaykachanku, sonqonkutaj kay pachapi millay kajllata mask'an.

Proverbios 18:11

Qhapaj runaqa kapuyninwan sumaj jark'asqa kasqanta yuyan. Jatun perqawan jark'achasqa llajtata jina qolqenta qhawan.

Salmos 62:10

10 (11) Ama kallpayoj kasqaykichejpi atinikuspa, suwasqa kajwan may kasqaykichejta yuyakuychejchu, nitaj suwasqaykichejman sonqoykichejta churaychejchu, imajtinchus chayqa qhasillamin. Qhapajyaspapis, ama qolqeykichejpi atinikuychejchu.

Apocalipsis 18:7

Pay runaykacharqa, chhika patapi kaspataj, munasqallanta ruwarqa. Kunantajrí ruwasqanman jina payta ñak'arichiychej, waqachispataj kusikuychej, imaraykuchus payqa sonqonpi nerqa: Noqaqa qoya jina kamachinaypi tiyasqa kashani. Mana warmisapachu kani, nitaj waqanatapis rikusajchu, nispa.

1 Pedro 4:3

Qankuna may chhika unaytaña Dioswan churanakojkuna jinallataj ruwaspa purerqankichej. Chaypacha purej kankichej sajra purikuypi, khuchiriyopi, machakuykunapi, machasqamanta imaymanata ruwanapi, millay lantikunata yupaychanapi ima.

2 Timoteo 3:4

Kallanqankutaj wasanchajkuna, mana qhawarikuspa imallatapis ruwarparejkuna, may kasqankuta yuyakojkuna, Diosta kasunankutaqa munasqallankuta ruwayta munajkuna ima.

Oseas 12:8

8 (9) Efraín nin: Qhapajyaykuni, jinataj tukuy imayoj kani. Jinapis ni pi ch'ataykuwanmanchu mana cheqan kajta ruwaspa qhapajyasqaymantaqa, nispa.

Isaías 22:13

Qankunarí aswanpis asikorqankichej, kusikorqankichejtaj. Ovejakunata, wakakunatapis ñak'aytawan, sumaj aychata mikhuspa, vinotapis ujyaspa, nerqankichej: Mikhunachej, ujyanachej, imaraykuchus q'aya wañupusun, nispa.

Isaías 5:8

Imallachus kanqa qankunapaj, ashkha wasita, jatun jallp'ata jap'ikapojkuna. Wajkunapajtaj ni imata saqenkichejchu, qankunallapis kay jallp'a patapi kawajchej jina.

Proverbios 23:5

Qhapajyayqa mana unaypajchu, qhawarinaykipajtaj manaña kanqachu. Anka jina phawaspalla chinkapun.

Job 14:1

Chantá Job nillarqataj: Warmimanta paqarej runaqa mana unaytachu kawsan, kawsaynintaj imaymana llakiykunawan junt'a.

1 Timoteo 6:17

Timoteo, kay pachapi qhapajkunata kamachiy ama umata oqharinankuta, amataj tiyapuyninkupi atinikunankuta, imaraykuchus qhapajyayqa tukukapojlla. Manachayqa kawsaj Diospi atinikuchunku, pichus mana mich'akuspa tukuy imata qowanchej chaykunawan kusisqa kawsananchejpaj, chaymanta.

1 Timoteo 5:6

Chaywanpis sichus uj warmisapa sonqonpa munasqanta ruwaspalla purin chayqa, chay warmisapaqa kawsashaspapis, wañusqa jina kashan.

San Lucas 21:34

Qankunarí qhawarikuychej. Pajtataj anchata mikhunawan, machaykunawan, kay kawsaymanta phutikuykunawan ima sonqoykichej atipachikunman. Pajtataj chay p'unchay mana wakichisqata jap'isunkichejman.

San Lucas 16:19

Chantá Jesús nerqa: Uj qhapaj runa karqa. Payqa linomanta awasqa may sumaj puka p'achawan p'achallikoj, sapa p'unchaytaj jatun mikhuyta wayk'uchej.

Habacuc 1:16

Chayraykumin challwa jap'ejkuna anzuelonkuta, ch'ipankutapis mayta munakunku. Chayraykullataj jaywanata jaywanku, inciensotapis q'oshñichinku, chaykunanejta ashkha mikhunayoj kasqankurayku.

Salmos 49:18

18 (19) Kawsashaspa kusisqapis kachun, qhapaj kasqanrayku, runa may jatunchajtinpis,

1 Samuel 30:16

Chantá Egipto llajtayoj paykunata, maypichus suwakuna kasharqanku, chaykama pusarqa. Suwakunaqa tukuy pampapi ch'eqerasqa kusirikuspa kasharqanku. Mikhusharqanku, ujyasharqankutaj filisteokunamanta, jinataj Judamanta tukuy imata suwasqankumanta.

Proverbios 10:2

Millay imakunata ruwaspa qhapajyayqa yanqhalla, cheqan kayta ruwanarí wañunamanta kacharichin.

Eclesiastés 2:24

Runapajqa aswan allin mikhunan, ujyanan, ruwaspa imatachus tarisqanmanta kusikunan ima. Noqataj repararqani chay tukuy imaqa Diospa qosqan kasqanta.

Isaías 56:12

Paykuna ninakunku: Jamuychej, vinota ujyasunchej, licorwantaj macharikunachej. Q'ayataj kunan p'unchay jina kanqa, chayrí aswan sumajrajchus kanqapis, nispa.

Amós 6:13

Yanqhallata jatunchakuspa kusikunkichej: Kallpallanchejwan atiyniyoj kanchej, nispa.

San Lucas 12:18

Chantá nillasqataj: Kayta ruwasaj. Pirwaykunata phaskaspa, aswan jatuchajta ruwasaj, chaypitaj chajra poqochisqayta, tukuy kapuyniytawan waqaychasaj.

Proverbios 14:24

Yachayniyojpa pillonqa qhapajyay. Wampu runaj pillunrí mana yachayniyoj kaynin.